「山旮旯」音樂計劃馮允謙望明年帶成品遊不丹

娛圈事

「山旮旯」音樂計劃馮允謙望明年帶成品遊不丹

2019年05月29日 15:55 最後更新：15:57

因為新歌《山旮旯》的歌詞有提到不丹。

唱作人馮允謙（Jay Fung）新歌《山旮旯》，承接上一首作品《聲音導航》以旅遊比喻人生，MV亦「連戲」繼續由RubberBand的6號執導，飾演旅行社老闆的Jay，今次有一位伯伯找上門，伯伯為履行與已離世伴侶的承諾，決定一人遊不丹，比喻愛要及時。

點擊看圖輯

Jay新歌比喻愛要及時。

MV由RubberBand的6號執導。

馮允謙飾演旅行社老闆。

竹昇仔Jay坦言最初聽到歌名《山旮旯》時搲爆頭，笑說：「太繑口啦，我讀咗好多次先至啱，不過當我明白呢個歌名係比喻一個遙遠的理想，甚至未必得到其他人認同嘅夢想，唔可以因為困難就諸多藉口去放棄。」就好似「山旮旯」一樣好刁轉，不過夢想成真的時候的確令人震奮。

在MV裏幫助伯伯履行亡妻的旅行夢，Jay說：「有時候夢想就好似想去一個地方就即刻行動，唔好等機會錯過，甚至乎嗰個地方唔再存在嘅時候嚟後悔。」原來不丹就是Jay心目中的山旮旯旅行計劃目的地，「我希望完成今年出唱片嘅project之後，明年可以去不丹旅行，帶埋《山旮旯》去歌詞提到嘅不丹，一個曾經被譽為全世界最快樂嘅國家，我想去感受一下，仲希望喺當地創作新歌添！」

往下看更多文章

新歌《然之後》教人學懂接受及放下 Jay馮允謙愛行海旁與親友傾訴拾回內心平靜

Jay認為孤單並不可怕，自己有時候會很享受孤單帶來的平靜。

踏入2025年3月，寰亞唱作王子Jay Fung馮允謙終於迎來首支派台作《然之後》，由Jay與合作無間的T-Ma聯合作曲，還有首度合作的小克負責填詞，歌詞講述人生經常面對不同的高低起跌，要學懂去接受、面對、放手。

Jay表示：「人生好多事情會不斷變，當下你擁有的一切，下一秒便有可能失去，如果大家有睇過個MV，第一幕會見到男主角遞辭職信，原來佢患咗重病，要做一個大手術，但佢人生仲有好多夢想未完成，但因為呢個病，未來嘅路令佢存在好多變數，MV最後一幕，佢同一個小朋友傾偈，其實個小朋友係佢自己，代表佢搵番自己嘅初心。」

今次MV，Jay找來合作無間的Maggie執導，陳健朗擔任MV男主角，Jay認為由對方出演，比自己更勝任，「今次好幸運，搵到陳健朗去演男主角，點解我自己唔拍？因為首歌想帶出嘅訊息比較沉重，希望大家睇到MV嘅時候會有一個好深嘅感受，所以起用專業嘅演員演出，我覺得比較適合。」

入行超過十年，Jay在唱作路上曾經面對過不少起跌，每當遇上難關，總要學懂自己一個去面對，而孤單，並不可怕，Jay坦言，有時候會很享受孤單帶來的平靜，「通常當全日工作完成回到家中，同屋嘅孖生細佬剛巧外遊，會有一種孤單嘅感覺，但當年紀日漸長大，會喜歡自己一個，喜歡嗰份自由、平靜，我係一個比較情感豐富嘅人，無論開心抑或唔開心，又或者好多嘢諗，都會鍾意行吓海旁，又或者同朋友、屋企人、細佬傾偈，尤其當個腦好多嘢諗，要想辦法釋放，行海旁可以令自己得到平靜，喜歡用呢種方法去開解自己，重新整理內心。」

Jay的新歌《然之後》正正就是想帶出，無論人生遇到任何起起跌跌，要學識接受、面對，諗辦法放下，如小克的歌詞內所說：「然後好好慘敗然後好好長大然後充滿力氣好好欣賞美夢瓦解。」他又表示：「我身為一個唱作歌手，好多時一個人喺屋企寫歌，當靈感一到，便會花上八、九、十小時埋頭創作，而創作嘅過程，要不斷思考、重整，一個人靜落嚟，會好多嘢諗、好多嘢想講、好多感受，先可以激發到創作靈感，希望《然之後》呢首歌，大家多多支持，除咗聽歌，仲可以上網睇個MV。」