馬明唔識做。
邵氏製作新一輯節目《Master s Talk》（《師父有請》），由林盛斌（Bob）及玄學家麥玲玲一同主持 ，首集請到被稱為「2Line黨」的成員朱千雪、湯洛雯、岑杏賢及蔣家旻做嘉賓，她們表示從沒承認「2Line黨」的名字，更戲言已由二線跌落三線。
朱千雪、湯洛雯、岑杏賢和蔣家旻接受Bob和麥玲玲訪問。
靚湯說：「我哋私底下個群姐名叫『幸福公主』，除咗我哋仲有張嘉兒。」麥玲玲表示如果女星在娛樂圈做到一線好紅的話，就一定不會嫁得好，除非結婚後急流勇退；4女中蔣家旻最適合在娛樂圈發展，將來婚姻要嫁得遠，才能開花結果。
朱千雪和岑杏賢先後跟醫生和金融才俊結婚，下一個應是靚湯了。
今次節目主題是「嫁得好」，朱千雪和岑杏賢先後跟醫生和金融才俊結婚，靚湯大讚朱千雪是好女仔，如果遇到拍劇有性感或接吻場口，她都會堅定地拒絕，其他姊妹都點頭，更指她很理智，絕對不會戲假情真。
靚湯跟好姊妹齊受訪終於吐真言，爆馬明未求婚，向她催婚沒用。
正與馬國明熱戀中的靚湯說：「我比較鍾意搵個似我爹哋嘅人，因為我阿爸係一個好乖、好錫屋企，我媽係凸，我爸係凹，我想搵類似…（馬國明都係？）我係鍾意講嘢，佢都會出聲，都會話：『你鍾意啦』、『幾好吖』、『無所謂啦』、『激死我』咁囉。（被催婚好大壓力？）唔係好大壓力，係問到有少少厭，有少少答到呆咗。次次都問，答咗唔係，我女仔嚟嘛，人哋都未求婚，咁我點答你啫？訂婚一定會講，大家唔使再問，一定公開，（又用公仔表達？）你唔好理啦，唔好褻瀆我兩隻公仔。」
資料圖片
