任何時候都是慈父 任達華哄小朋友有一手

華哥縱橫娛圈多年，果然由三歲到八十歲都搞得掂！

近年星二代輩出，任達華（華哥）和老婆琦琦的寶貝女任晴佳（Ella），轉眼間都已十三歲，亭亭玉立，還遺傳咗父母的優良基因，生得標致可人，更有成五呎七吋高。而華哥每次講起愛女，都一副慈父樣。其實，不止對住Ella，華哥就算對着其他小朋友，都一樣慈父！

網上圖片

網上圖片

據《東周刊》報道，華哥日前在尖沙咀酒店現身。雖然貴為影帝，但他向來親民，當日見他朋友的女兒，害羞的叫他一聲「華哥」，冧到他即刻笑顏大開，還蹲下和她聊天，繼而又大玩「high five」，短短一分鐘已經打破隔膜，毫無代溝，玩得好開心。

友人抱住小朋友跟華哥見面，而華哥為咗配合小妹妹嘅身高，不惜踎低同佢打招呼。（《東周刊》圖片）

聽見小妹妹叫咗聲「華哥」，華哥即刻笑到見牙唔見眼。（《東周刊》圖片）

華哥又同小妹妹玩high five，佢哋好快好啱key。（《東周刊》圖片）

更多娛樂消息，請看東周網：http://eastweek.my-magazine.me/main/entertainment

任達華與琦琦愛女任晴佳，月底將出席巴黎名媛舞會。

一年一度的巴黎名媛舞會（Le Bal des Débutantes）是最受矚目的頂級年度社交盛會，今年盛會11月30日於巴黎舉行，每年能夠參與此傳統舞會的名媛均讓人期待。今年，任達華與琦琦愛女任晴佳（Ella）獲邀將出席此盛會，早前Ella親身到巴黎預先為舞會試裝，穿上Giambattista Valli 高級訂造服，每件都是鮮艷亮麗，而琦琦一直陪在身邊，琦琦笑言：「我完全冇畀意見，一切由個女自己決定，佢鍾意啲鮮色禮服，因為無論係佢自己還是睇到嘅人，都會覺得特別開心，Ella希望個個人都生活得開心。」

任達華琦琦愛女出席巴黎名媛舞會。

19歲任晴佳（Ella）率先試裝。

專揀鮮艷禮服！

現年只得19歲的Ella，是父母的掌上明珠，天生遺傳父母的優良基因，甜美的臉蛋與逆天身材，擁178cm身高與42吋長腿，得天獨厚，Ella更是一名學霸，正在海外修讀大學二年級。原來6年前Ella已被邀請到巴黎名媛舞會，不過當時年紀還小，希望專心讀書，至今年總被他們的誠意打動出席，琦琦說：「係呀，當時可能大家見佢咁高，以為佢已經好大個，但其實當時只得14、5歲，要專心讀書考大學，所以未有參加。今年參加，我哋同Ella都覺得可以見識吓、開吓眼界，可以學到好多嘢，世界各地嘅人都有被選出席，可以學到唔到地方嘅文化，同時都學到禮儀，小朋友應該係咁樣，要向住學習嘅態度去嘗試每一件事。」

Ella原來早在6年前，已被邀請到巴黎名媛舞會。

不過當時年紀還小，希望專心讀書！