網傳細路逛玩具店挨爛5萬元公仔惹熱議 網民 :小朋友好無辜

市民前往一些展覽場地參觀，通常都會謹慎而行，生怕碰壞展品。網上今日流傳，一名家長帶小朋友前往一個展覽各式稀有玩具的商店參觀時，小朋友疑似疲倦因此用背脊挨向標價5萬元的「天線得得B」Laa Laa大型公仔，導致玩具倒跌摔爛，事件引起網民熱議。

片段顯示小童當時挨向公仔。網圖

網民於FB群組「香港突發事故報料區」發帖，指昨日有家長帶着小朋友前往旺角一個玩具展覽場。片段所見，當時該名小童用背脊挨向一個大型金色「天線得得B」公仔，公仔隨即失去平衡，即使小童隨即伸手希望扶正公仔，但已經太遲。

公仔標價高達52800元。網圖

網上圖片所見，這隻公仔標價高達52800元，事後公仔已跌得支離破碎，小朋友望着地下公仔不知所措，而小朋友的家長在職員旁邊則盤起雙手，狀似惱火，不少途人好奇圍觀。

公仔原貌。網圖

事件流傳後引起不少網民熱議，有自稱是小童家長的網民發帖，表示當日已即時賠償，但形容公仔沒有任何固定或保護措施是離譜；又提到當初以為是小朋友推跌玩具，看到今日流傳片段之後，才知自己當時罵錯了小朋友。

網傳細路逛玩具店挨爛5萬元公仔，網民 :小朋友好無辜。

不少網民認為小朋友十分無辜，他只是疲倦想靠著公仔休息一下，不料造成意外，不應為事件負責，有網民認為展覽場並無任何安全圍欄，事件更嚇親小朋友，展覽方應賠償小朋友的心靈創傷。

公仔摔得支離破碎。網圖

網上經常流出投訴的士服務質素的影片，日前就有港男在深夜乘搭的士，但司機未關車門就已開車，並要在乘客多次提醒下才按製關門，有如搭上了「亡命的士」。

threads 影片截圖

車門完全打開就開車竟慒然不知

這名乘客將事發時的情況拍下，上傳至Threads，只見片中乘客後排座位旁的車門完全打開，看到外面的路旁景色，而且的士車速不慢，情況相當驚險。樓主寫到「揸車之後都冇咩搭過的士，跟住一搭的士就咁刺激，車門都唔使閂」

threads 影片截圖

即使提醒幾次都不停車只撳掣

有看完片的網民問到「司機冇留意到未閂門咩？」，樓主回覆指「冇，如果我冇同佢講佢真係諗就咁車到我返屋企」，又表示「最慘係咩叫住佢仲行緊，叫咗佢幾次佢淨係喺度撳掣唔停車，所以先拍條片出嚟」，似乎司機對車門未關上的情況愛理不理，也不覺有危險。樓主強調「已經提咗佢啦，佢唔停車，淨係喺度撳嗰粒掣」，「一上車就咁樣，唔通跳車」。

threads 影片截圖

網民調侃：的士收費但機動遊戲體驗

網友們都熱議留言，開玩笑地說到「似玩機動遊戲」、「正喎的士收費但機動遊戲體驗」、「人地開蓬跑車，你坐開門跑車」、「其實都幾爽」、「夠大風，唔怕熱」、「冷氣都唔洗開」、「方便落車，又方便逃單」、「沿途望出車外，是命喪的感慨」、「當坐電單車囉，咁你會覺得好安全！」

資料圖片

網友：跌出去碌死咗，告謀殺定誤殺？

當然亦有不少人指責司機危險駕駛，「如果你真係跌左出去，唔只你受重傷，司機都要負責任」、「即係代表咗呢個司機唔會望後鏡、側鏡，安全意識好差」、「跌出去碌死咗，告謀殺定誤殺？」、「司機危險駕駛，一定告得入信我」、「提早跳車連的士錢都慳返，仲可以告佢疏忽賠埋湯藥費，到時仲唔發過豬頭」。