單立文65歲生日 胡蓓蔚精心準備生日晚宴多位圈中好友到場慶生

當晚星光熠熠，出席好友包括胡定欣、李施嬅、陳山聰、陳敏之、袁偉豪、張寶兒及胡諾言等

藝人單立文入行40年，近年參演TVB處境劇《愛．回家之開心速遞》形象入屋，3月17日是他65歲的生日，其太太胡蓓蔚為他精心準備生日晚宴，並邀請多位圈中好友到場一齊慶生，單立文事後在交平台分享當日相片，並留言：「今日我正日生日，多謝晒我老婆為我安排嘅生日晚宴，各位親愛嘅兄弟姊妹光臨，大家身體健康，日日都咁開心，其實靚仔都要過生日㗎，人不Birthday枉少年，咁快又到33歲。」

單立文（豹哥）近年憑藉在《愛．回家之開心速遞》飾演熊樹根（劉丹飾）的弟弟熊樹仁成功入屋

兩公婆結婚多年依舊甜蜜如初

豹哥豹嫂向來走搞笑路線

而胡蓓蔚亦po出當日派對的片段。並留言：「生日快樂老公，又大一歲啦，希望你繼續做自己喜歡嘅事，開心快樂每一天，最緊要身體健康。」之後再出post，曬出出席派對的合照，可見星光熠熠出席好友包括胡定欣、李施嬅、陳山聰、陳敏之、袁偉豪、張寶兒及胡諾言等，並留言：「Being surrounded by the closest friends, celebrating your Birthday, sharing laughter and creating memories together is simply the best  我代老公多謝大家」

太太胡蓓蔚為他精心準備生日晚宴

兩人好恩愛！

李施嬅出席

袁偉豪和張寶兒撇甩囝囝到場

胡定欣

胡諾言與太太到場

大合照

陳山聰一家三口

陳敏之亦到場

與胡諾言合照

談到本周特色，絕對要數主持森美的「花式自殺」！

無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。本周評論題目分別為：周一「應唔應該催好朋友還錢」、周二：「應該揀拍拖經驗多定拍拖經驗少嘅伴侶」、周三「被新上任嘅直屬上司處處針對，應唔應該辭職」、周四「單身好啲定結婚好啲」，及周五「速食文化對現代人嚟講係好定唔好」。

今晚一集題目

談到本周特色，絕對要數主持森美的「花式自殺」！先說今晚一集，當正反嘉賓熱烈爭辯與零經驗另一半拍拖，能製造無數難忘的第一次、例如第一次睇彩虹會否份外甜蜜時，森美突然爆出一句：「（一齊第一次睇彩虹）真係好美好，我（嗰次睇完彩虹）返到屋企，我老婆就係話：『我同其他男人睇過』！」說畢更露出氣結表情，令人捧腹。周三一集，當其中一名「包拗谷友」感嘆婚姻比職場更殘酷，就算遭老婆處處針對，作為老公亦不能「辭職」時，森美即意有所指謂：「我唔敢Yeah你（話你講得好），我真係唔夠膽Yeah，但你聽落有啲意思，有啲意思！」隨後又在其他集數中爆出：「婚姻根本就係攬炒」，配以似是而非的跩跩表情、欲言又止的狀態，更覺耐人尋味。

森美「花式自殺」第一式，爆被老婆潑冷水。

姚子羚直斥陸浩明膚淺？！

今晚播出一集「應該揀拍拖經驗多定拍拖經驗少嘅伴侶」，正方嘉賓有胡蓓蔚（豹嫂）、姚子羚、梁競徽，反方嘉賓有陸浩明（6號）、林秀怡及周奕瑋，當中豹嫂及6號貫徹語不驚人死不休特色，與同樣言論出位的子羚齊齊爭拗「濫交」定義，相當爆笑！6號為了強調A0可貴之處，直指經驗多的拖友可能涉及「犯濫性地交往」，話語一出，即引起豹嫂及子羚強烈反對，豹嫂：「冇拍過拖，唔代表佢冇性經驗」，子羚：「唔應該用拍拖經驗，去定一個人係咪濫交」，子羚更直斥6號：「少年你太膚淺」；豹嫂另外還以身體語言直白指出男人偏向以下半身思考，所以若找有經驗的姐姐拍拖會更好，相當大尺度。梁競徽則曲線自爆未婚前相當貪玩：「我老婆曾經講過一句說話：『我慶幸梁生你要玩已經玩過晒』！」

正方嘉賓，左起：姚子羚、梁競徽、胡蓓蔚

反方嘉賓，左起：周奕瑋、林秀怡、陸浩明

豹嫂講到手口並用。

正方嘅朋友玩辯論玩到Drama咁。

子羚口才的確唔錯，佢先係突破咗周奕瑋嘅盲腸窒到應一應。

之後再直指陸浩明膚淺。

之後再直指陸浩明膚淺。

梁競徽在周三「被新上任嘅直屬上司處處針對，應唔應該辭職」一集中，身為反方的他，更舉了一個自己以往拍古裝時的真人真事，來支持很多時人覺得被針對、可能只是誤解的論點，梁競徽：「我以前喺呢間公司，食飯時見到啲哥哥姐姐，拍古裝時可以除衫食飯，我見人除我咪又諗住除，即刻畀人鬧到飛起！除衫？你著番好晒啲衫先食飯呀。因為個個人都咁除，服裝姐姐邊著得切，如果你唔明，你會視為針對。」森美聞言，亦忍不住感嘆：「呢行係有少少唔同。」

明晚一集題目

正方嘉賓，左起：孔德賢、鄭衍峰、陳懿德

反方嘉賓，左起：梁競徽、潘盈慧、陳敏之

鄭衍峰真係掟筆架，有圖有真相。

森美梗係又要主持公道啦。

場面好混亂

第三集另一精彩位，是身為正方的鄭衍峰，曾以「感情問題，一律建議分手」來比喻遇到針對自己的上司時，應立即辭職的逼切性，豈料卻遭娛樂新聞台主播潘盈慧一句窒到應：「你頭先話，你將工作同感情掛勾咗，你話唔應該磨合咁多次，唔怪之得你咁耐以嚟都係拍散拖啦！」阿盈語音未落，鄭衍峰即忍不住激動飛筆，並一再強調「我冇（拍散拖）呀！」並紅都面晒直指自己被針對，場面爆笑；拗完一大輪，鄭衍峰聲嘶力竭作最後掙扎：「我冇拍散拖呀！我哋作為娛樂新聞主播要fact check！」想睇一眾藝人如何真情流露、針鋒相對，想學會如何多角度思考人生難題，記住密切留意逢周一至周五晚上10點半翡翠台播映的《今晚乜都拗》。

鄭衍峰嘅反應係咪好耐人尋味呢？

呢個谷友一講到男人之苦。

森美即刻勁大反應，佢仲要笑到爭啲企唔穩。

森美連環花式自殺，到底搞乜鬼。

德德睇嚟又係呢一集嘅笑料。