直播靈接觸丨梁思浩難忘婆婆化蛾回魂 重提嫲嫲入棺神奇事跡不禁落淚

回魂夜日子原來有數得計！

由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，昨晚（9日）播出一集主題是「回魂夜」，請來六壬師傅呂法傳師傅現身說法。為配合「回魂夜」主題，除了有駐場「女鬼」繼續遊來遊去外，今集更加碼找來「翻版星爺」以電影《回魂夜》的經典造型在直播現場走來走去，場面過癮。

今集有呂法傳師傅（下左2）擔任嘉賓。

今集除咗有駐場女鬼，仲有「翻版星爺」以《回魂夜》造型喺現場行嚟行去。

呂師傅在節目中講解回魂夜的傳統習俗和禁忌，他指回魂的日子有數得計：「死嗰日嘅天干地支加埋，9加9最多18日，所以回魂一定係18日之內返嚟，但有啲鄉例好似閩南咁，就會以第7日作為回魂夜。」呂師傅指回魂夜會有煞氣，在生的人要匿在房間避煞，他說：「否則有機會撞煞，輕則生眼挑針，重則會死亡！」呂師傅分享一件真人真事：「係我屋企人嘅親身經歷，我嫲嫲係上海人，回魂夜會有人頭鳥出現，烏鴉身但個頭係人嚟，埃及都有記載，其實就係靈魂使者，對於上海人嚟講，見到呢啲嘢係非常唔好嘅事，當時有親戚過咗身之後，佢另外一個親戚見到呢樣嘢，冇幾耐嗰個親戚都死亡。」

思浩都要同佢合照！

呂師傅講解回魂夜嘅傳統習俗同埋避忌。

思浩亦有分享自己親身經歷，他說：「我婆婆94歲時走咗，知道嗰日係回魂夜，我成屋係開晒冷氣閂晒玻璃窗，唔知點解10點幾左右，我喺屋企見到好大隻好靚嘅飛蛾伏咗喺牆度，第一時間諗我閂晒窗應該冇嘢入到嚟，我就諗係咪婆婆返咗嚟，因為我咩都冇準備，所以好緊張，之後打開雪櫃拎晒啲朱古力出嚟，同埋開咗2支香檳。」呂師傅呼籲大家在回魂夜不要殺昆蟲：「嗰啲天蛾通常大隻好多，超過手掌咁大都見過，回魂夜都會叫唔好殺昆蟲，有啲地方僻啲嘅話，有可能變成蜈蚣或者蛇。」

回魂日子有數得計。

呂師傅提醒回魂夜要避煞。

思浩再分享一個關於嫲嫲的神奇事跡，他講到不禁落淚：「我嫲嫲係上海人，死咗之後條屍要擺喺屋企3日，掃地婆（即堂官）會教我哋點照顧先人，嫲嫲因為比較老，佢對腳係彎咗，所以好難擺入棺材，掃地婆叫我哋撳住對腳同埋叫佢個名嗌佢上路，我啲眼淚一路流就一路嗌嫲嫲個名，最後嫲嫲雙腳係慢慢咁樣直番。」之後思浩再講到一件勞氣事，他說：「以前有人打嚟求助，佢話男朋友個老竇回魂，好驚鬼所以唔想畀佢返嚟，我即刻問佢係咪有病，你有咩資格唔畀人哋老竇返嚟見個仔，做人要三觀正確，你又未入門，你去酒店住囉，當時全部網友係拍晒手掌！」

思浩難忘婆婆化蛾回魂。

思浩重提嫲嫲嘅入棺神奇事跡不禁落淚。

此外，由下星期開始，一連兩個星期三將加開《直播靈接觸》1.5小時加長版，晚上10點半後將移師myTV SUPER繼續進行直播，大家萬勿錯過！

梁思浩夥Jojo黃耀英化身「地獄使者」。

由人稱「村長」梁思浩夥拍黃紫恩（Jojo）、黃耀英（Darren）主持；以靈異為賣點的TVB Plus直播王牌節目《直播靈接觸》，上一輯播出時大獲好評，中途由原先19集加碼至29集，欲罷不能。最後一集中思浩已埋下伏線，不排除推出第二輯。事隔不到半年，新一季《直播靈接觸》已定於10月21日直播。

今日首播40秒宣傳片，思浩、JoJo黃耀英全黑登場。

今日首播40秒宣傳片，思浩、JoJo黃耀英全黑登場。

今日首播40秒宣傳片，思浩、JoJo黃耀英全黑登場。

今日首播40秒宣傳片，思浩、JoJo黃耀英全黑登場。

蝴蝶在思浩手中生死往復。

新一輯《直播靈接觸》除「村長」梁思浩外，上次表現出色的黃紫恩（Jojo）及黃耀英繼續擔任主持，上星期五首條10秒宣傳短片曝光，陰森的灰白底色，簡單配上三張背影及宣傳字句「拾。貳壹（10月21日）」及主題「再入輪迴」。而今日播出的40秒長版意境更高，全黑打扮的三位主持緩緩登上一條長樓梯，到底他們是「地獄嚟嘅使者，定係神仙嘅化身？無人知」，只是他們回眸一望的眼神，令人不寒而慄，一隻蝴蝶在思浩手上由死到生，配上思浩的讀白︰「死亡你怕唔怕？有人話生死交替無始無終，你信唔信呢個世界有輪迴呀？生來死去，死去生來，如果死亡只係另一個生命開始。有離開自然就有回來……」對應今輯主題「輪迴」。

拍攝當日思浩要小風扇不離身。

JoJo黃耀英再合作主持直播節目。

JoJo黃耀英再合作主持直播節目。

短片中思浩、Jojo與Darren極盡冷酷的能事，但當日在將軍澳電視廣播城的古裝街。三人全黑打扮，一身戲服密不透風，加上氣溫逾30度，只見思浩手提小風扇不離身。當中有段小插曲，導演及攝影師要求思浩幻想蝴蝶在手中死而復生，比喻輪迴往復。起先二人擔心思浩不能在短短10秒中落淚，思浩反過來取笑二人︰「導演同攝影師可能太年青，已經忘記咗我係拍電視劇出身。10秒流淚對我來說，易如反掌。」

各師傅在會上分享故事。

思浩侃侃而談氣氛輕鬆。

此外，前日（5日）三位主持回到將軍澳電視廣播城，跟十多位玄學顧問團開會，顧問團由玄學大師、殯葬業、廟宇界等業界翹楚組成，繼續分享業界的奇聞異事。為新一輯《直播靈接觸》擬定題材，現場氣氛輕鬆。

翡翠台《通靈之王》第一、二季冠軍，（左起）羅泳嫻及楓燧。

後排（左起）皓云師傅、主持Darren、殯儀館總監梁伯威、殯儀顧問周敬慈、呂法傳師傅、陳法齊師傅、陳子亮、羅泳嫻、許儷瓊師姐、主持Jojo、楓燧道長、法銘師傅、姜梓躍。（前排左起）周亦謙、周漢明師傅、思浩、林千博師傅、Frankie師傅、𧝁孝廉律師。