巴黎奧運丨鄭衍峰難忘訪問5大田徑女神何沛珈特別鳴謝江忠德畀位發揮

娛圈事

巴黎奧運丨鄭衍峰難忘訪問5大田徑女神何沛珈特別鳴謝江忠德畀位發揮

2024年08月12日 16:45 最後更新：08月13日 11:56

六位「奧運之星」對今屆巴黎奧運亦感觸良多！

一連兩周的巴黎奧運圓滿落幕，於今晨（8月12日）香港時間3點於巴黎法蘭西體育場舉行閉幕，除了一眾主持，「奧運之星」劉穎鏇（Tiffany）、何沛珈（Roxanne）、何泳芍（Honey）、鄭衍峰（Leonard）、孔德賢（Danny）以及黃庭鋒在巴黎奧運期間感觸良多。

點擊看圖輯

巴黎奧運閉幕喇！

鄭衍峰（左）最難忘可以採訪到5位田徑女神。

劉穎鏇想玩沙灘排球。

何沛珈感激江忠德提攜。

黃庭鋒

孔德賢

何泳芍

一眾主持、特派專員及評述向35位香港運動員致敬及道謝。

身在巴黎的Leonard最難忘在田徑場上訪問到5位田徑女神，他說：「男子運動員畀檸檬我食，佢哋跑得好快，女子運動員就好好彩可以訪問到，絕對唔係私心，就算佢哋攞唔攞到獎都好，都好想知道佢哋背後嘅運動員精神。」

Tiffany透露很開心可以主持奧運：「除咗認識到好多唔同運動資訊，亦都有一個新興趣好想試，就係沙灘排球！」Roxanne特別感謝江忠德：「佢會喺Break嘅時間問你呢題識唔識答，如果識嘅話佢會喺Live度直接問番你，畀機會你去講。」黃庭鋒、Honey和Danny則最難忘觀眾的熱情和巴黎奧運的設計美學。

此外，《2024巴黎奧運盡在TVB》還特別拍攝了一眾巴黎奧運主持、無綫巴黎特派專員、評述，包括鍾志光、鄭景亮、黃翠如、方力申、鄭衍峰、朱凱婷、林溥來、何輝、貝可泓、洪松蔭、江忠德、何振然、莊琬晴和陳銘泰，向代表香港參加巴黎奧運的35位運動員致敬和道謝的片段，包括張家朗、陳諾思、何瑋桁、江旻憓、伍泰龍、黃鎮廷、杜凱琹、李皓晴、朱成竹、吳詠琳、趙顯臻、刁俊稀、鄭清然、馬君正、貝俊龍、祥傑、阿輝、劉允祐、李卓耀、鄧俊文、謝影雪、盧善恩、楊霈霖、楊雅婷、王嘉莉、盧蔚豐、李思穎、石偉雄、何詩蓓、張心悅、歐鎧淳、簡綽桐、鄭莉梅、譚凱琳和何甄陶。

觀看相關影片按連結：https://youtu.be/eEg-RwUysIg

Tags:

石偉雄奧運閉幕李思穎

往下看更多文章

江美儀攜劉穎鏇羅毓儀「貼地．夜遊香港」「母女」重逢盡訴心中情

2024年12月13日 14:30 最後更新：14:32

江美儀難忘孖劉穎鏇合作拍《隱形戰隊》。

綜藝節目《森下仁丹 Bifina Si 益生菌呈獻：一個香港．十種玩法過節篇》，由主持江美儀夥拍不同藝人好友或美食旅遊達人捐窿捐罅，以十種不同玩樂模式，鼓勵香港人在過節期間留港消費。

今晚（13日）播映的第五集，江美儀聯同曾於劇集中飾演母女的劉穎鏇（Tiffany）及羅毓儀，以「貼地．夜遊香港」為主題，重拾香港「消失的」夜生活，包括到旺角茶餐廳歎地道臘味煲仔飯，及油麻地果欄買新鮮生果等。其中意想不到的一站，是三位勇闖麻雀館深度遊、學習麻雀歷史及文化，羅毓儀在了解麻雀館職位時，誤把「戥腳」說錯成「坐枱」；而在外國長大的Tiffany，即使經過速成班訓練仍手忙腳亂：「我唔記得可以點match埋一齊，我只係諗緊點樣砌到愈多愈好」，笑料百出。

夜遊香港最後一站，Tiffany帶了美儀姐前往一間可讓客人自行佈置環境的糖水舖，貼心的Tiffany更將昔日與美儀姐合作拍攝劇集《隱形戰隊》的照片放滿店內，令美儀姐好驚喜。「母女」在店內盡訴心中情，Tiffany坦言難忘美儀姐精湛演技：「記得有一場戲，我要（演）昏迷緊（嘅人），因為我只係聽到聲，又要盡量唔好郁隻眼，跟住佢哋（工作人員）就話『大家唔好出聲，美儀姐入戲喇』，然後我係feel到你嗰啲眼淚滴落我度。」美儀姐則大讚Tiffany聰敏乖巧：「拍之前我唔識呢個女仔，咁我就問（陳）山聰『你同劉穎鏇拍過，你覺得佢點呀？如果我要同佢傾關於劇本嘢，佢會唔會覺得我好多事、好麻煩？』」想知美儀姐和Tiffany更多心底話，記住留意節目播映。

《一個香港．十種玩法過節篇》本周節目內容確實精彩，第二集袁文傑和邵初精彩展現本地式「一日環遊世界」，去齊富有中國、英國、土耳其、日本等特色的景點；第三集鄺潔楹、黃美棋及糖妹黃山怡的「HK$100 掃街自助餐食到飽」，教觀眾如何以相宜價錢歎到高cp值美食；而第四集冼靖峰與潘靜文的「遊港廟．嚐美食」更令大家可以深度了解廟宇文化，內容多元。

你或有興趣的文章

巴黎奧運丨鄭衍峰難忘訪問5大田徑女神何沛珈特別鳴謝江忠德畀位發揮

娛圈事