伊健：「已經唔記得蝕幾多，好彩仲有得做，慢慢填晒啲氹。」
藝人鄭伊健現身新城廣播接受好友譚玉瑛（阿譚）、何基佑及麥皓兒主持的《QK玉瑛室》錄音訪問，伊健和阿譚因合作兒童節目《430穿梭機》而成為好友，兩人久別重逢不但沒有芥蒂，反而互窒兼互相爆料，為直播室帶來不少歡笑聲。
鄭伊健接受好友譚玉瑛（阿譚）主持的《QK玉瑛室》錄音訪問。
伊健近日忙於為電影《久別重逢》宣傳，提到戲中飾演「少年鄭伊健」的陳卓賢（Ian），他笑指Ian極像初出道的他：「答問題都係答一兩句，不過，我依家已經講多咗嘢。」
伊健近年閒時與太太蒙嘉慧（Yoyo）旅居日本，生活優哉游哉。早年伊健打本給Yoyo在日本開設房地產公司，事隔數年，Yoyo近日決定「回流」返港，伊健稱：「嗰邊學習完就算，依家游手好閒。（陪你打機？）睇吓咩機啦，佢有少少沉迷，我係試玩，但佢一定要打爆機，鍾意玩就會係咁玩，直至有一日唔想玩。（你影響太太？）唔關事，佢本身性格好男仔頭。」
鄭伊健與譚玉瑛互窒玩爆料！
何基佑形容伊健有太太陪打機，又可以做自己喜歡的事，絕對是人生勝利組，甚至死而無撼，伊健聞言搞笑謂：「你返屋企會唔會有事？」及後，阿譚對住伊健表示：「你唔好睇小我，我一次機都未打過。」伊健笑指：「但你係飲紅酒師祖級人馬。」隨即表示要爆阿譚料：「佢做緊兒童節目時已經飲紅酒，但嗰時社會好封建，話飲紅酒就唔可以做兒動節目，所以我保守個秘密直至依家先講。」
鄭伊健自爆買樓投資慘變負資產。
阿譚就大爆伊健拍兒童節目時記稿最差，但伊健給他的感覺十分乖巧又正氣，「佢啱啱出嚟做嘢，有日同佢傾計講抱負，佢話第日要買間屋比父母住，我當時都冇諗過，唔通我真係咁不孝？」不過伊健自爆當初聽前輩意見，賺到錢要買樓投資，怎料慘變負資產，「我好聽話真係買咗樓，點知一買樓市就冧，可能買多咗，變咗負資產，已經唔記得蝕幾多，總之我就明白一句說話，就係『無事一身輕』，點會諗到好畀心機工作，但無啦啦多撻瘌，好彩仲有得做，慢慢填晒啲氹。」
伊健和Yoyo結婚超過十年，阿譚問他由兒子變成丈夫的心態有沒有轉變？伊健說：「冇。（你係一家之主？）都係兩個人啫！（喺屋企有話事權？）冇權話事㗎！但我哋兩個想法好接近，夠用就得，已經好開心。」之後阿譚問伊健為何不生育？他指看新聞覺得世界太亂，所以怕了，隨即反問阿譚：「咁你都一樣㗎！」阿譚沒好氣說：「呢條問題由我嚟問真係激氣。」其餘兩位即拍手掌大笑。
左起：何基佑、譚玉瑛、鄭伊健、麥皓兒
「鄭伊健真心同盟國際歌迷會」成立33周年，日前以「久別重逢」為主題舉行聚會，招待約300位來自香港、台灣、日本、韓國和新加坡等各地fans。活動現場重現經典電影場景，並首度公佈黑膠唱片製作計劃，引發粉絲熱烈反響。
鄭伊健邀請陳光榮、歌手朱雋言及好友Percy組成期間限定樂隊演出。
陳光榮與兒子Aiden
30年情誼化淚水鄭伊健哽咽喊話「大家身體健康」
活動開場由陳光榮兒子Aiden以大提琴演奏，緊接鄭伊健化身「導演兼司儀」，帶領粉絲回顧30年情誼。伊健致辭時感慨：「30幾年，有啲朋友喺度，有啲移咗民，有啲朋友⋯大家身體健康！」台下歌迷即場播放30年來共同經歷的片段，令他一度哽咽。被問及歌迷會歷史時，他笑言：「上次派對係2017年，當時我哋仲可以著校服，依家⋯」語畢全場會心一笑。
粉絲以30年來與偶像相處的片段剪輯成MV致意令伊健一度哽咽。
粉絲以30年來與偶像相處的片段剪輯成MV致意令伊健一度哽咽。
粉絲以30年來與偶像相處的片段剪輯成MV致意令伊健一度哽咽。
鄭伊健哽咽說：「30幾年，有啲朋友喺度，有啲移咗民……大家身體健康！」
復刻廣告檸檬茶驚喜現場粉絲座席藏懷舊彩蛋
活動現場精心還原《久別重逢》經典劇照場景，粉絲可化身女主角與偶像合影。每位粉絲座位均放置一盒復刻版檸檬茶，有粉絲表示：「90年代飲過同款，收到真的忍不住喊。」
粉絲獲贈一盒復刻版檸檬茶。
鄭伊健開場與Aiden互動，笑稱對方長髮造型藏有「驚天秘密」，引發粉絲瘋狂猜測「私生子」論調。
即興搞笑揭「私生子」謎底首唱《Stronger》鼓舞低潮
鄭伊健開場與Aiden互動，笑稱對方長髮造型藏有「驚天秘密」，引發粉絲瘋狂猜測「私生子」論調。在眾人起哄下，他揭曉Aiden實為陳光榮兒子，並強調：「呢個秘密講出嚟，你哋會唔會好驚？」全場爆笑之餘熱烈鼓掌。 演出中，鄭伊健連續獻唱《隨時候命》《一起衝一起闖》等曲目，並分享疫情期間創作《Stronger》的初衷：「戴住口罩嘅日子好難熬，但陳光榮嘅歌詞教我哋低潮時唔好放棄。」。
鄭伊健33周年聚會與粉絲合影
鄭伊健33周年聚會與粉絲合影
鄭伊與陳光榮、歌手朱雋言及好友Percy組成期間限定樂隊演出多首經典作品。
陳光榮作品集結成黑膠唱片 CD下月推出
台上還宣布好消息，伊健說：「以前香港唔太重視電影音樂，直至陳光榮出現，《仍能情深愛上》來自《姊妹情深》，仲有《風雲》、《中華英雄》、《極速傳說》，唔只我嘅電影，仲有《無間道》和《頭文字D》都係來自陳光榮。依家好多電子嘢，撳個掣就聽到，好少人會做隻碟留個回憶，佢就係做緊呢件事。今次仲會出黑膠碟，留住今年曾經有一樣嘢出現，感動到大家，記低佢，呢個就係我哋嘅回憶。」
陳光榮說：「我好喜歡《久別重逢》呢套電影，而且伊健用咗另一個層次去演繹，令我更鍾意呢部戲，所以我決定出sound track（原聲唱片）。」伊健更率先向fans劇透唱片封面和內頁靚相，他說：「依家做呢嘢唔簡單，尤其是黑膠碟。當日話出CD我都有反對，仲有冇人買咩？原來係『有』㗎！」陳光榮還透露黑膠碟正在德國印製，現已接受預購，CD下月推出。
活動現場精心還原《久別重逢》經典劇照場景。
活動現場精心還原《久別重逢》經典劇照場景。
活動尾聲，粉絲高呼「Encore」，全場大合唱《Together》為聚會畫上句號。
