每集邀專業獸醫解答問題。
新城知訊台及MBO TV全新節目《寵愛您》的4位主持羅沛琪（Pinky）、施匡翹（Zaina）、華浩然（Wolris）及麥卓華（小麥），昨天（3月5日）接受葉文輝（啤梨）主持的《梨事會》訪問，暢談主持寵物節目的心得及趣事，當中任職護士的Wolris對寵物生病有更深感受。
葉文輝訪問新城全新節目《寵愛您》4位主持。
Wolris第二次為新城廣播擔任節目主持，雖然過去曾主持音樂節目，但經過一年多的沉寂，這次回歸讓他感受到全新的挑戰，他表示：「都有些少緊張，今次節目資訊性強，又要了解嘉賓嘅背景，製定啲相關問題。」
左起：華浩然、施匡翹、葉文輝、羅沛琪
主持經驗豐富的Pinky，笑言遇到像Wolris這樣充滿熱誠的年輕人，每次工作完總想封大利是給他，她說：「佢令我搵番青澀，我哋做開主持，做過唔同類型嘅訪問，會畀人問有冇滑晒啞，我覺得係睇咩對象，自己都好鍾意小動物，節目其中一個環節係訪問醫生，好長智識。」
小麥則回憶起自己小時候養的小鳥和烏龜，表示雖然家人不喜歡貓狗，但他對小動物的熱愛始終如一，他說：「當時屋企唔想養貓狗，因為佢哋同人類關係最親密，有咩事大家未必承受到，所以冇乜帶動物嘅經驗，但我身邊太多呢啲人，佢哋鍚寵物仲鍚過自己屋企，今次呢個節目，就係會跟唔同狗主同貓奴去傾計，了解佢哋嘅心態。」
華浩然令羅沛琪回春。
節目中的一個環節名為「守護小毛孩」，特別邀請專業獸醫解答觀眾的問題，Zaina歡迎觀眾透過新城廣播的社交媒體留言，提出他們的疑問，讓專家為大家解答。此外，節目還有「寵愛故事」環節，邀請藝人及動物組織負責人分享與寵物的感人故事，稍後還特別訪問「大樹下善待動物庇護站」負責人Jojo，她將會跟聽眾分享不少關於毛孩的奇聞趣事，值得期待。
小麥補充道，他們還會分享最新的寵物服務及資訊，推薦哪些餐廳適合帶寵物去，並鼓勵觀眾報料，例如虐待動物及公園落藥，都歡迎舉報不當行為。至於華浩然作為一名專業護士，對於人類與寵物的護理有著獨到的見解，他表示：「人有時郁唔到，好多程序要做，貓狗可能要去醫院，例如貓狗屙唔出尿，可能一兩星期好得返，相反人類要長期插尿喉，康復得冇咁快。」
左起：華浩然、施匡翹、葉文輝、羅沛琪
歌手關心妍（Jade）接受新城李有毅（Ben）及兒子李國煒（Benson）主持的《Ben同Benson「chur」到行》節目訪問，最近鮮有公開露面的Jade，透露忙於在內地舉行巡迴演唱會，實現多年的夢想，她說：「近排一路做緊上年嘅2024巡迴演唱會，做咗廣州、佛山、東莞、江門、澳門、天津，嚟緊再去佛山南海，去我家鄉，真係好感動同開心。」Jade早前亦跟北京一間唱片公司簽約，日前推出第3首新歌《指尖的蝶》。
關心妍（Jade）接受《Ben同Benson「chur」到行》節目訪問。
早年，Jade設立「妍亮生命慈善基金」，並在銅鑼灣開設中心幫助基層人士，致力以音樂治療心身靈健康，由於每年需要五、六十萬元資金作營運，所以Jade將巡迴演唱的部份收入，捐作慈善基金的運作用途，她表示：「所以點解我一路做巡演，我近年喺香港唔係做好多活動，因為身份唔同咗，有基金，又要教小朋友，搵錢方面我係少咗好多，咁所以因為呢個基金，我真係要好努力去搵錢，同埋我唔係好識籌款，唔係好識去打劫人哋荷包，我又好怕，不過一個人去做，已經做咗十年，好感恩，會一路做，幫得幾多得幾多。」
Jade有空閒便會前往懲教署或某些戒毒機構作探訪，她認為藝人親身去支持這些在囚或更生人士，他們會有說不出的感動，Jade表示：「佢哋會覺得，我以前聽你唱歌，但你今日竟然會來搵我，原來我哋嘅影響力係你同佢講一句加油，嗰句加油嘅重量會好大，其實我除咗做呢啲，我一有時間就會去做其他支線服務，我覺得好有意思，所以我會繼續做多少少、唱多少少，去發放呢個光。」而「妍亮生命慈善基金」今年踏入10周年，Jade希望可以舉行慶祝活動。
左起：李有毅、關心妍、李國煒
Jade設立「妍亮生命慈善基金」幫助基層人士。
Jade於2016年為老公楊長智誕下女兒楊榮心（Jovia），一家三口樂也融融。Jade形容家庭生活十分有規律，每天會5點前回家煮飯，所以她和老公都會推掉很多應酬，Jade表示：「工人姐姐會幫我切好晒啲餸，我返去煮，因為我個女會帶午飯返學校，想佢食好啲，所以我會諗好晒一星期嘅菜，如果阿女做功課快，我哋會玩遊戲，臨瞓前會一齊祈禱；而星期日就一大家人食飯，包括我媽咪、奶奶、姑奶，係家庭日。」
最著重女兒品德教育的Jade，直言不用女兒名列前茅或十八般武藝，縱然女兒偶有犯錯，例如弄壞了一些東西，她總是循循善誘，但若果女兒說謊、不尊重人、沒有禮貌，她便會很嚴厲，Jade稱:「我覺得你讀書好叻、好成功，但你唔識得做人，你對人唔好、冇愛，其實係冇意思。」
關心妍內地舉行巡唱 酬勞撥作慈善基金經費
