直擊大熊貓龍鳳胎飲奶現場！ 細佬飲到成地都係 家姐秒變「污糟貓」

大熊貓官網星期三(4月2日)播出「家姐細佬」飲奶的趣緻畫面，見到兩隻孖寶飲奶飲到舐舐脷，「家姐」還變成了隻「污糟貓」，證明奶奶真的好飲到「Dum」一聲！

小編帶各位粉絲到熊貓館後場直擊家姐細佬飲奶的食相。大熊貓官網影片截圖

小編帶各位粉絲到熊貓館後場直擊家姐細佬飲奶的食相。大熊貓官網影片截圖

「家姐」及「細佬」一向都是餵食貓，小編就帶各位粉絲到熊貓館後場直擊牠們飲奶的食相！只見奶媽Virgina 正忙着將預備好的奶奶倒進兩隻孖寶的餐盤裏，不知「家姐」「細佬」是否太心急，將奶水弄瀉到餐枱及一地都是。「家姐」更是飲到成面「污糟貓」，鼻子嘴巴都沾滿了奶水，不停滴。

「家姐」更是飲到成面「污糟貓」鼻子嘴巴都沾滿了奶水，不停滴，搞到成地都是。大熊貓官網影片截圖

「家姐」更是飲到成面「污糟貓」鼻子嘴巴都沾滿了奶水，不停滴，搞到成地都是。大熊貓官網影片截圖

而「細佬」飲完餐盤裏的奶後，又急不及待地從餐枱爬下來，催促奶媽趕快添奶，Virgina 唯有抱起細佬返去餐枱上坐返好，場面一度混亂，連小編都忍不住笑說「憑佢哋嘅食相，確認係吃貨熊貓無誤！」對「家姐」「細佬」來說，奶奶的魅力真是無法擋！

細佬飲完餐盤裏的奶後，又急不及待地從餐枱爬下來，催促奶媽趕快添奶。大熊貓官網影片截圖

不少粉絲都被牠們的食相所吸引，不停心心眼，「係咪開餐飲奶奶嘅時間就最乖呢～太可愛啦！」、「點解我哋兩隻熊貓豬豬可以咁得意架」、「點解你地就算飲到成個嘴同成個地下都係，都依然係咁可愛架呢」、「家姐好乖，只係因為炸毛所以先飲到週圍都係啫；細佬就係百厭，好似我地人類bb咁食食下行左去……」，有人就提議「可唔可以用奶樽，自己揸住飲。」就可避免飲到成地都是。

對「家姐」「細佬」來說，奶奶的魅力真是無法擋！大熊貓官網影片截圖

有網友更搞笑地提議海洋公園「快d出盆盆latte，盆盆cappuccino，盆盆港式奶茶，用個盆飲再加暖水壼不斷添加好似特別好味」

又到海洋公園大熊貓六寶的粉絲貼堂佳作之寫真大放送時間。

粉絲鏡頭下的家姐

所謂佳作日日有，不少粉絲都用鏡頭捕捉到「家姐細佬」與媽媽「盈盈」越來越多的同款動作，絕對是親子餅印無誤。

海洋公園亦提醒一眾「契爸契媽」，幫熊貓們影完靚相，記得到大熊貓「竹」夢之旅，透過互動體驗，追尋大熊貓的蹤跡之餘還可以同AR家姐細佬及盈盈互動拍攝，打卡留念！

家姐難掩激動宣佈，全新一批貼堂佳作出爐！

好多契爸契媽幫姐弟兩影寫真。

同場加映細佬同奶爸Matt的大面自拍。

「家姐細佬」的最新寫真曝光掀起網民熱議：「太可愛啦！尤其是媽咪同細佬一齊叫外賣嘅照片，好搞笑」、「母女同款動作最可愛！」、「每張都好正，遲啲六寶可以整個攝影展」、「盈媽細佬：喂！唔該兩杯冰凍檸檬‘熊’茶多冰多甜」

女主角家姐之MV拍攝現場

母子齊心叫外賣：伙計麻煩寫嘢

細佬之熊大宇單手掩面

可可味三角飯糰

母女同款動作

安安：我型嗎？

海洋公園提醒大家記得到大熊貓「竹」夢之旅，透過互動體驗，追尋大熊貓的蹤跡之餘還可以同AR家姐細佬及盈盈互動拍攝，打卡留念！