Yanny參與廣播劇。
女子組合Super Girls成員陳穎欣（Yanny）早前與MIRROR成員Anson Kong（江爗生）及歌手陳凱詠（Jace），獲邀聲演DJ奧仕卡的電台廣播劇《Last Seen》，於劇中聲演野蠻港女的Yanny直言相當過癮，更指︰「這個角色搞笑之餘又愛撩事鬥非，錄這個廣播劇時我還經常爆肚，不斷窒他們，覺得好好玩。」
Anson Kong、陳凱詠、陳穎欣、DJ奧仕卡
陳穎欣在廣播劇中角色愛撩事鬥非，自言跟其性格相似。
由於疫情影響，這次大家未有到錄音室錄這個廣播劇，反而各自在家中用Whatsapp把對白錄好，Yanny直言感覺相當新鮮，不過在家錄音時發生了小插曲。她笑說︰「因為錄音大多是在工作後的深夜時間，我曾試過錄音時瞓著咗，他們就要想辦法叫我起身。而且我有養貓，我在房內錄時，牠們便會叫我，又會拍門製造很多嘈音。」
資料圖片
資料圖片
雖然起初4人錄音時未有見面，但卻靠whatsapp錄對白變得熟絡。Yanny說︰「大家好似網友咁，每晚錄完一集都會繼續吹水傾偈，當大家首次見面時，反而變得好熟，好似識咗好耐嘅朋友咁。」
陳健安日前推出新歌《不遲不早》，以自身經歷為題，表達每個人都有屬於自己的時間線，無需跟別人比較，按照自己的節奏生活才能感到快樂自在。他分享中學時曾留級、中七又自修了一年，大學亦比同學遲一年畢業，雖然比別人慢了三年，但他感恩說：「唔會因為比人遲而有怨言，每個人都有自己嘅時間線，嗰三年嘅經歷成就咗而家嘅我。」
陳健安推出新歌《不遲不早》.
《不遲不早》由安仔與賴映彤（小彤）共同作曲、小彤負責編曲，周耀輝填詞。安仔對歌詞讚不絕口，說：「頭一、兩句已經講緊我嘅故事，『多麼多麼彎曲的半生、多麼蹺蹊的一剎』，好多謝耀輝填咗一份意義深遠嘅歌詞畀我。」歌曲中的結他Solo更由安仔親自彈奏，他說：「嗰日喺小彤屋企錄咗差唔多3個鐘，彈8個Bar，超過100 Takes先成功彈到大家而家聽到嘅版本。」
歌曲中的結他Solo由安仔親自彈奏。
新歌MV由Oscar執導，講述隕石撞地球後的末日故事，找來陳穎欣（Yanny）擔任女主角。MV中，Yanny一改以往的喜劇形象飾演為人生努力奮鬥的角色，安仔大讚她表現出色，說：「少啲見你演文戲，Oscar同我都覺得呢部分嘅你好好睇，觀眾都未必睇過你呢一面。」Yanny笑言：「通常拍MV都係做人女朋友，一係開心甜蜜，一係狠心飛人。（安仔：釗峰都搵你做過！）係呀，但今次完全同你冇交流，大家都為咗人生奮鬥。」
觀看相關影片按連結：https://youtu.be/D18vmkZVR_4
雖然安仔與Yanny沒有同場演出，但他拍攝完畢後仍留在現場，更出動私伙相機為對方拍攝花絮靚相。另外，拍攝現場有三隻山羊，安仔和Yanny趁着空檔餵飼山羊，雖然場主提醒羊爸爸較惡，但當牠看見食物時，便主動親近，十分可愛。
拍攝現場有三隻山羊。
安仔趁着空檔餵飼山羊。
山羊看見食物便主動親近。
安仔直言與Yanny有不少共通點，例如都由組合轉為單飛，他又感恩表示去年的作品《戀愛腦之死》近期突然受到更多關注，認為時機難以預料。安仔說：「你永遠唔知個時機係幾時，大家要按照自己嘅節奏同標準去定義何謂成功。」Yanny認同說：「節奏慢嘅人都有自己嘅時間線，啲人成日話幾多歲要做啲咩，其實都係你自己去設計，唔應該每個人都一樣。」
MV圖片
MV圖片
