煞科零舍高興。
ViuTV新劇《反起跑線聯盟》早前公布卡士，有周家怡、梁詠琪（Gigi）與潘燦良等人主演，頗為吸引。而昨日（30日）是該劇的煞科日，首次執導電視劇的導演劉偉恒（Benny）透露，最後一日拍攝有「小薯茄」加盟。
ViuTV新劇《反起跑線聯盟》有好多資深演員。
最後一日拍攝有「小薯茄」加盟。
有份演出的練美娟（娟姐）在IG限時動態分享「煞科一刻」，向來冷靜的Gigi都難掩興奮拍手，而一旁的周家怡亦一邊拍照一邊大叫贈興。最開心一定要數到潘燦良，直情成個人跳起，可見他拍完劇後一身鬆呀！
《反起跑線聯盟》煞科。
劉偉恒（右一）首次執導電視劇。
煞科梗係開心啦！
《恨駕女團》衝出亞洲「恨駕到德國」！
由周家怡、李靖筠（Gladys）主理的網上平台《恨駕女團》繼早前衝出香港「恨駕到大阪」，日前更衝出亞洲「恨駕到德國」，而為了慶祝這次出征，家怡更誠邀周國賢，為《恨駕女團》節目創作主題曲《恨嫁恨嫁恨恨駕》，家怡及Gladys更於德國拍MV，認真有heart。
家怡及Gladys在德國拍攝《恨駕女團》，以及主題曲《恨嫁恨嫁恨恨駕》MV。
家怡表示這次機遇，緣於她之前跟周國賢合作拍劇，二人合唱《無人之境》，之後又邀請了周國賢為《恨駕女團》任一集嘉賓，「拍緊嘅時候我哋嘅枉阿姐就話不如寫隻歌俾我哋《恨駕女團》做主題曲啦，又估唔到周國賢好好咁應承咗。我哋有common friend就係小克，周生就即刻話搵不如搵小克填詞，小克又好好，又好了解我同Gladys，所以就寫咗呢隻歌，搵咗高佬監製，因為之前《無人之境》都係高佬監製，成件事好順利完成咗，好多謝佢哋。」
觀看相關影片按連結：https://youtu.be/Y5Yql406QAg
問到唱歌錄音經驗豐富的Gladys有否「指導」一下演員出身的家怡，Gladys即大讚家怡唱歌叻，「家怡唱歌好叻㗎，同埋我哋分開錄，所以冇乜機會交流唱歌方面嘅嘢。」家怡亦謂唱歌「經驗豐富」，「之前《導火新聞線》插曲有唱過，之後有套微電影《母親和我的小事》又錄過一隻歌，啱啱又有一隻係同周國賢合唱，冇記錯今次應該係第四次。」
演員出身的家怡今次是第四次唱歌。
Gladys大讚家怡唱歌叻。
家怡自言喜歡唱歌，又謂入錄音室錄歌的感覺很好玩，而為了這次錄音，她特別找了唱歌老師上堂，「教吓我點樣用聲，費事出嚟效果唔好吖嘛。」她謂最難是用聲音表達情感，「其實同演戲有啲似，因為演戲都係情感嘢，但係點樣再運用多少少把聲去表現到個情緒，而又可以融匯埋一齊，呢個我覺得係好好玩。」
家怡自言喜歡唱歌，並覺得入錄音室錄歌好玩。
為了這次錄音，家怡還特別找了唱歌老師上堂。
家怡覺得唱歌最難是用聲音表達情感。
至於MV中，家怡坦言最喜歡Gladys拋花球的一幕，「佢拋花球俾我接住，我覺得個畫面好靚個構圖，同埋顏色好鮮艷。」
家怡坦言MV中最喜歡Gladys拋花球的一幕。
