娛圈事
目前漢陽擁有9格「地皮」。
歌手漢陽（前名漢洋）嘅生意因為疫情幾乎停頓，於是開始鑽研虛擬世界嘅發展，當認識咗區塊鏈專家及元宙宇搞手Daniel Wong後，便喺元宇宙項目做埋「地產」經紀，𠵱家由藝壇踩入虛擬世界，他表示已經替多位朋友物色唔同項目中嘅「地皮」，更開始與世界各地，如日本元宇宙嘅演唱會搞手、娛樂項目負責人等聯絡，希望喺呢個新興行業上大展拳腳。
漢陽曾喺旺角麥花臣場館舉行《友共情三十載演唱會》。
漢陽經常做善事，之前同邱芷微和譚嘉荃出席慈善活動。
目前漢陽擁有9格「地皮」，價值接近10萬港元，笑言係窮人冇錢買太多，不過就買嚟保值，待將來升值，但他強調唔會因為開多一瓣而減少幕前演出，目前照做帶貨、直播及慈善演出。
漢陽有好多新發展。
頭條獨家丨漢陽進軍虛擬世界做「地產」經紀 擁有十萬「地皮」
求神准許拖著病父的手，陪伴走完人生最後一程。
無綫《東張西望》主持吳幸美（Amy）日前接受新城《詩歌有Guide》漢陽錄音訪問，Amy出身於小康之家，是家中獨女，父母將所有資源都投放在她身上，對她管教甚嚴，讀書時期更規定她要6時前回家；而Amy小時候已甚有藝術造詣，不時參加繪畫、書法、話劇和朗誦比賽，並且獲獎無數，她笑言：「我讀書一般，但收埋好多把刀，周身刀！」
吳幸美（Amy）日前接受新城《詩歌有Guide》漢陽錄音訪問
Amy在節目上分享詩歌《主你慈愛何等寶貴》，這首歌對她來說意義極大，「爸爸媽媽都係基督家庭長大，我爸爸一直有返教會，但未洗禮，到佢差不多離開上天堂時，佢就有臨終洗禮，之後我同媽媽都相繼跟佢信主。」而這首詩歌，Amy在爸爸入院期間不時播給他聽，可幸地舒緩了他的痛楚，Amy哽咽表示：「神好偉大，令到爸爸一路聽詩歌時好舒服，舒緩咗佢嘅疾病，我每次聽到呢隻歌，都會諗番起同爸爸呢段時間，係好難過，但又係人生一個經歷，所以一聽到呢隻歌就會有啲感觸。」
Amy得悉爸爸患病時感到晴天霹靂，當時每日又要為《東張西望》開工和拍攝另一節目，忙得不可開交，「我媽咪年紀大，佢未必知道情況係點樣，得我一個去解決問題，例如點樣醫治、需唔需要做手術，壓力非常之大，嗰段時間個人情緒好緊張，係人生裡面最難捱，做呢行當然唔可以對住人哋哭哭啼啼，永遠要笑臉迎人，但當時屋企情況，我其實好辛苦、好難過。」
Amy得悉爸爸患病時感到晴天霹靂
在那段難捱時間，Amy惟有祈禱與神傾訴，「我同神祈禱，我話『神呀，我爸爸喺醫院，情況亦唔樂觀，我唔知邊一刻佢會突然走，求你畀我同媽咪可以陪住佢，拖住佢隻手送佢上天堂』；我爸爸走嗰日，我同我媽媽去探佢，探完佢諗住去食嘢散吓心，本來陽光普照，一行出醫院就傾盆大雨，之後收到醫院電話話爸爸情況唔樂觀，我同媽咪上到去時，院牧已經企咗喺爸爸身邊，我睇住爸爸嘅心跳機慢慢跌到零，知道佢走咗，我同媽咪一人一邊拖住爸爸隻手，同佢講阿爸你走啦，你上天堂，唔需要擔心，我哋天家再見。」
在那段難捱時間，Amy惟有祈禱與神傾訴
漢陽坦言有信仰是一件很感恩的事，因為他父母離世時，自己亦有拖住他們的手，「等到佢最後一秒，我覺得係好圓滿，我將來都希望係咁樣齊齊整整，係人都要走，我哋喺地球只係過客，當然會唔開心，但有信仰嘅話，知道走咗會去邊，將來又會再見返，會釋懷到。」
