9月10日是中秋佳節，不少人會向親朋戚友贈送月餅表示心意。有男網民於討論區發文訴說，指女友近日到家中提早做節，離開前母親特意贈送一盒自家製的月餅，沒料女友竟嫌棄，稱「邊上得大場面」，該男網民聞言大感憤怒，批評對方糟蹋母親一番心意，更考慮應否分手。
女友嫌棄自家製月餅「上唔到大場面」。istock圖片
該名男網民於「香港討論區」發文指，其女友近日晚上到訪家中聚餐提早慶祝中秋節，母親亦大讚她十分乖巧，「會陪老人家食飯」。樓主透露，母親近年喜歡烹飪，「今年整咗好多月餅送畀街坊食、送畀親戚」，當晚女友離開前，母親亦送上一盒自家製月餅，稱「係auntie小小心意」，著她帶回家與家人分享。
資料圖片
豈料，女友竟嫌棄母親的心意，直截了當說，「呢啲自家製月餅邊上得大場面？雖然包裝好靚，但係始終同街買嘅月餅都唔同」。女友又指，平日只會吃貴價的奶黃月餅，「呢啲紅豆月餅佢唔食」，樓主聞言大感不解，「食落肚咪一樣，貴啲真係好食啲咩？」。最後女友勉為其難接過月餅，樓主母親雖感失落，但未有出聲責罵。
樓主透露，女友回到家後，竟致電批評他無制止母親送月餅，「明明屋企有貴價奶黃月餅都唔送，反而畀自家製」、「講到我阿媽係食唔晒想塞畀佢清貨，留返貴嘢自己食」。樓主聞言勃然大怒，直斥「使唔使咁講嘢，唔鍾意以後唔好再上嚟同我屋企人食飯」！
港男批評女友不顧他人感受、不懂感激他人付出。《香港愛情故事》劇照
樓主批評女友不顧他人感受、不懂感激他人付出，「阿媽一番好心送嘢畀佢食，就算拎到返去唔食都唔需要咁樣落我阿媽面掛？」，直言掛線後再沒有接聽對方電話，正考慮應否分手，「佢愈變愈差，但為咗呢啲事就想分手，係咪我小題大做？」。
不少網民留言批評樓主的女友不懂人情世故，認同應及早分手結束關係，「未結婚都咁，結咗咪仲大鑊」、「分手吧！月餅事小，性格重要！」、「未結婚連面都唔畀，你仲想同佢過人世？」。
資料來源：香港討論區
母親贈自家製月餅慶中秋，女友嫌棄「上唔到大場面」。istock圖片(示意圖)
