激讚謝嘉怡有「純真嘅幽默感」 C君：我成個節目都係睇佢

由鄭詩君（C君）、「自稱J2一姐」的黃紫恩（Jojo）、「女版金剛」謝嘉怡（Lisa）擔任主持的全新遊戲問答資訊節目《咁你都唔識》，由7月27日起，逢周四、五晚上10點半翡翠台播映；是次除了是C君相隔兩年再為無綫擔任主持外，更是首度撇甩陸永、以個人姿態為翡翠台綜藝節目擔任主持。「Common sense（CS）一啲都唔common」，到底有幾唔Common？聽落「淺到喊」的「常識題」，原來可以十個人有九個答錯。《咁你都唔識》正正雲集一堆抵死又貼地的刁鑽問題，內容涉及常識、飲食、文化、生活、交通及職業等多個範疇，透過有趣的答問環節，測試參與遊戲嘉賓「CS指數」，每集均會邀請三組由藝人配搭好友組成的組合，鬥智鬥力鬥吹水鬥演技。

首度撇甩拍檔陸永單拖為翡翠台擔任綜藝節目主持嘅C君。

「自稱J2一姐」嘅Jojo。

連自己好有幽默感都唔知嘅「女版金剛」謝嘉怡

Bob玩「大包圍」博大霧 遭助理Queenie爆料

27日打頭陣登場的嘉賓有林盛斌（Bob）及林家「大內總管」Queenie、 麥玲玲與好友Alfred、麥美恩與雷Sir。首集亮點絕對落在綜藝王阿Bob身上，繼之前於《獎門人》騎膊馬帶隊員出場，今集調番轉頭一出場就要林家「大內總管」Queenie揹佢上身，搶盡風頭！Bob玩遊戲時更抵死，竟「大包圍」博大霧，並豪言：「如果咁樣都中唔到兩、三個字嘅，我食咗你呢部嘢（電腦）！」說畢C君即「應機」與Bob大玩side bet，場面精彩。首集問題出人意表度相當高，當中跌眼鏡指數最高問題為：「根據家計會資料，邊個係影響夫妻性生活嘅首要原因」，其間因為Queenie一句「爆料」，令Bob與太太的性生活成為被「攻擊」焦點，阿Bob更揚言要直播「閨房事」反擊，到底搞邊科？

阿Bob同佢嘅「大內總管」Queenie玩得好癲。

麥玲玲And好友Alfred。

咩事阿Bob同 Alfred握晒手。

麥美恩And雷Sir。

雷Sir同C君原來有啲淵緣。

啲問題度得好認真架，除咗有「命運之輪」，仲有片睇，唔係齋噏架！

阿Bob成日一副食花生樣。

謝嘉怡就成日天然呆。

阿Bob同C君玩Side Bet，到底佢哋邊個會贏？

C君玩遊戲嗰陣，竟然反贈咗玲玲姐一句。

呢條問題嘅答案相當經典，仲搞到阿Bob話要直播「閨房事」添！到底搞邊科？

謝嘉怡代表主持出戰「真定假？咁你都唔識」，結果因為講嘢太特別，連環引爆笑彈。

麥美恩聽到黑人問號。

呢條問題嘅答案都係好經典。

阿Bob咩事發晒火？

Jojo主力刁難C君 謝嘉怡「女版金剛」上身

除了嘉賓搶鏡，三位主持亦各有各吸睛，更有份玩埋一份。「自稱J2一姐」的Jojo主力負責刁難C君，首集即以「冇仔女嘅兩公婆，佢哋嘅婚姻平均維持到幾多年呢？」拋窒C君；C君則貫徹「無聊爆肚金句王」本色，失驚無神就窒你一句，首集由於玲玲姐答案太「跳框」，C君即成功攝位發功：「你有玄學知識，其他就冇乜知識。」而三位主持中，以Lisa最出位，在「真定假？咁你都唔識」環節，每組均會派出一位組員再加一位主持，分別扮演吹水王及「真答案發言人」，首集代表主持出戰的Lisa「女版金剛」上身，全程好認真地講到好似好唔認真，不但「話梅」、「藍莓」傻傻分不清，更爆出一句：「因為個男人放咗個BB入去，令到佢咸濕」，聽到大家一頭霧水兼笑爆全場。

謝嘉怡第一集即發功放笑彈，除咗聽到大家一頭霧水嘅說話，仲有呆萌樣，唔好話「女版金剛」，「女版馬明」都好適合形容佢。

談到Lisa，C君亦讚不絕口：「佢參選（港姐）時我已經覺得佢相當有幽默感，當然可能佢自己唔知，佢間唔時會爆一、兩句爆笑嘅；同埋佢有一種純真，嗰種純真嘅幽默對個節目非常有幫助，甚至乎我自己成個節目都係睇佢，成日好期待『你有咩講呢今次？』，可能會突然有一句未必啱文法同表達意思，但又有喜劇效果喺度，我覺得Lisa先至係呢個節目不可或缺元素。」並直指《咁你都唔識》有助茶餘飯後吹水：「呢個遊戲節目係我自己最喜歡類型，除咗睇完獲得快樂，仲可以獲得日後同朋友吹水嘅元素，可以拎出街彈吓人、拋吓書包，非常有益身心。」

Jojo主力刁難C君。

兩位女主持其實都有份答吓問題玩埋一份。

阿Bob獲高人指點開運大法。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，將逢周一晚9點半及周二晚9點35分播映，每集會有各門各派玄學大師坐陣，跟觀眾互動解答靈異疑難，更會邀請有份量藝人亮相，分享他們的靈異經歷。

《直播靈接觸》昨晚（27日）請來阿Bob擔任嘉賓。

昨晚（1月27日）年廿八洗邋遢大日子，《直播靈接觸》跟大家分享主題為「頭炷香」，請來林盛斌（阿Bob）及奇門遁甲雲文子師傅擔任嘉賓。阿Bob透露近日除忙於辦年貨，又要為3月7日在紅館開的Talk Show作準備。節目中他獨家公開隱藏多年的開運大法，阿Bob表示2014年左右獲高人指點，他說︰「遇到工作唔順利、運氣麻麻可以試下，好簡單。位高人教我用一張紙，搵三個你覺得好勁、好犀利、好欣賞、好好運、好有錢、好富有豐盛嘅人，喺張紙寫個『豐』字。嗰時我搵咗兩位老闆同一位好欣賞嘅工作伙伴，一人寫一個『豐』字。跟住張紙用相架裱起放喺床頭，每一日瞓覺嘅時候，都有3個我好欣賞嘅人話畀我知『Bob你會好豐盛、會好豐足』。」村長解釋此為吸引力法，得到三位好運人仕祝福，自然功效強大。阿Bob表示打後幾年的事業是最豐收的日子，他認為是得到三位成功人仕的正能量加持，所以一帆風順。
 

每年有不少善信到廟宇力爭上「頭炷香」，祈求全年行好運。雲文子師傅笑言「頭炷香」非一般市民可以上到，她笑說︰「其實所謂『頭炷香』係祈願者上嘅第一炷香，只要根據奇門遁甲嘅吉時，自己係屋企都可以上香。而今年吉時喺聽晚子時，即聽晚11點到凌晨1點。」她表示只要在這段時間上香就可以。」雲文子師傅表示從道教來說，點香是跟天神溝通傳遞訊息的方法，她補充今年有幾個方位能增加運勢，如向西邊上香參拜三下可招貴人，西北方則利錢財家宅運。另外道教還有一樣名為「頭啖菜」，方法是以白烚一碟青菜，在上完頭炷香後 進食一口烚菜之後向南邊參拜四下，便能清除過往一年孽障。

阿Bob獨家公開轉運大法。

此外，接住兩星期共4集節目，將以錄播形式播出《祿播靈接觸》，節目內容依然豐富，結合中西玄學解構12生肖、12星座運程，教觀眾趨吉避凶。幾位師傅又會分享傳統習俗及新正頭禁忌，每集更會送出十二生肖水晶套裝，助你增添運氣。

雲文子師傅解構「頭炷香」及「頭啖菜」。