《思家大戰》曾比特陳葦璇獻靚聲引人瞓 鄭子誠無厘頭「爆炸菜」笑爆全場 

「我要瞓鬥」隊成員有曾比特、陸浩明、鄭子誠、陳葦璇和魏國洋，在節目鄭子誠的回答令人摸不着頭腦，引發笑彈！

由李思捷主持及監製的《施巴pH 5.5潔膚浴露呈獻：思家大戰》第三季，逢周日晚8時30分翡翠台播映。本周日晚（9月24日）播出一集，有曾比特（Mike）率領的「我要瞓鬥」隊，成員包括陸浩明（6號）、鄭子誠、陳葦璇和「羊仔」魏國洋，對戰由家庭觀眾組成的「GOAL FUN GIRLS」隊，成員包括鍾泳儀、陳頌兒、蔡穎橋、袁千千和邱曉雪。

「我要瞓鬥」隊成員有曾比特（左起）、陸浩明、鄭子誠、陳葦璇和魏國洋。

「GOAL FUN GIRLS」隊成員有鍾泳儀（右起）、陳頌兒、蔡穎橋、袁千千和邱曉雪。

J2全新綜藝節目《我要瞓鬥》將於25日晚首播。

「GOAL FUN GIRLS」隊着住嘜頭T-shirt現身，勁有隊形。

J2全新綜藝節目《我要瞓鬥》將於周一晚（9月25日）首播，Mike透露為節目獻出人生第一次，他說：「呢個係我人生第一個主持嘅節目，我覺得除咗唱歌要嘗試，做主持都要嘗試一吓。」出名靚聲的子誠被製作團隊封為節目靈魂，他笑言：「我為呢個節目奉獻把聲出嚟，我通常做節目都係夜晚，一聽我把聲就想瞓，參賽者要挑戰聽住我把聲而唔瞓，呢個先係高難度！」至於由一班年輕妹妹仔組成的「GOAL FUN GIRLS」隊形十足，她們齊齊穿上印有她們嘜頭的T-shirt上陣，思捷問到她們的隊名由來時，隊長鍾泳儀精靈地說：「目標就係Have Fun，就好似呢個節目咁，同埋同時要攞高分！

Mike為咗《我要瞓鬥》獻出主持初體驗。

鄭子誠嘅回答令人摸不着頭腦。

「GOAL FUN GIRLS」隊好玩得，思捷又招唔招架到？

蔡穎橋嘅超爆答案嚇到思捷口震震！

今集問答環節同樣精彩，在首個問題「填一個字，爆炸乜？」中，鄭子誠竟然九唔搭八地答：「爆炸菜，我個年代有㗎！」全場即時笑聲四起，就連思捷都聽到搖晒頭，子誠再解釋說：「即係榨菜嘅再進一步。」思捷笑言：「咁我聽日大牌檔試吓有冇啦。」至於「GOAL FUN GIRLS」隊一班女仔非常玩得，其中一條問題「一個廿幾歲嘅女仔點解會錫完全唔靚仔嘅李思捷一啖？」中，陳頌兒笑答：「想做你女朋友，我哋都想錫你一啖，我哋都係廿幾歲吖嘛！」被氹到冧滋滋的思捷笑笑口說：「依家啲女仔都幾主動喎。」另一條問題「女友打電話嚟，點解男友唔接電話？」中，蔡穎橋答出的超爆答案引爆全場嘩聲四起，思捷更口震震向子誠求救：「出唔出得街㗎，你教吓我，我唔知點喇！」想知道該答案究竟有幾爆？密切留意周日晚播出的《思家大戰》。

陳葦璇

「羊仔」魏國洋

「扮嘢王」李思捷向來以幽默搞笑風格深受觀眾喜愛，早前他驚喜現身內地頂流音樂節目《聲生不息．大灣區季》，與「福祿壽」拍檔阮兆祥「神模仿」林子祥同葉蒨文，獲觀眾一致好評。在內地掀熱話後，李思捷隨即又馬不停蹄到澳門舉行「李思捷百變天王笑唱會2.0」大放笑彈，期間吸引大批觀眾入場 ，反應熱烈，並拍板於四月底在佛山加開大型笑唱會。

李思捷、阮兆祥在《聲生不息・大灣區季》中模仿林子祥、葉倩文。

李思捷神模仿林子祥。

李思捷隨即又馬不停蹄到澳門舉行「李思捷百變天王笑唱會2.0」。

李思捷在今次笑唱會獻唱了不少快歌，並「開箱」了多首從未在台上唱過的歌曲，及10年前由他創作的《後備》，為笑唱會帶來不少新鮮感，而李思捷花了大量心力編排笑唱會，為的只是想給觀眾帶來一個愉快的晚上；在笑唱會中，當然不少得最擅長的模仿表演，今次李思捷模仿了劉德華、張學友、呂方、張國榮等歌聲演出。

李思捷在舞台演出表現投入。

又跳又唱獻唱多首歌曲。

問到云云「扮嘢」當中，哪一次模仿最令他有成功感？李思捷表示：「每次演出，只要有掌聲同笑聲，已有成功感，好似扮四大天王、秋官（鄭少秋）、蔡楓華都好成功感。」雖然李思捷堪稱為扮嘢王之一，不過他指對於模仿女歌星仍有難度：「模仿外貌唔難，但最難係模仿女性聲線，又要唱得好，需額外花時間勤力練習。」

自爆模仿女星有難度。

過往，李思捷經常以「福祿壽」跟兩位好兄弟王祖藍、阮兆祥四處開騷，今次笑唱會中，李思捷「撇低」好兄弟單飛上陣，未知他可有不習慣？李思捷笑言已經慣晒，因為祖藍主力發展內地節目，而祥師兄則有個人棟篤笑，三人在各自的領域努力。問到李思捷可會效法阮兆祥挑戰揀篤笑？他斬釘截鐵表示暫時無意挑戰，他指開棟篤笑看似簡單，但做一次棟篤笑需投放以年計的時間、心力去創作笑話，他說：「以『大師兄』黃子華、許冠文為例，佢哋兩位前輩需要花費2至3年先創作到一次棟篤笑，要喺台上講足兩個鐘引人笑係好難嘅事情，如果笑唔出，就會浪費咗觀眾兩個鐘時間，自己又瘀，所以引人笑，係難過唱一首好歌，因為唱歌可以練，但引人笑要到現場先知道觀眾反應，所以一定要有肯定性先可以去做呢件事。」

李思捷暫無意挑戰棟篤笑。

笑聲、掌聲為李思捷帶來成功感。

提到李思捷對上一次拍劇，已是2019年的《她她她的少女時代》，問到可有戲癮？他指遇上適合的劇本很重要，他透露今年會為自己度身訂造電影劇本，自己為自己創作角色，相信會更為精準有效。今年巿道雖不明朗，但李思捷的工作已排得密密麻麻，除了笑唱會外，將再與「福祿壽」到外地登台，又會跟男團「Hey Brother」推出新歌，吸金力驚人。

拍板四月底在佛山加開大型笑唱會。