Beamco志於幫助獨立音樂人追夢堅持信念 RubberBand勉勵愛好音樂同路人

麥花臣節和Beamco抱有共同的理念，讓音樂人成為觀眾的焦點，推廣香港的藝術和文化，及「入場睇Live Show」的習慣，線上線下支持本地獨立歌手！

日前於麥花臣場館舉行的Beamco音樂會全場爆滿，大會請來903新世代DJ YY做大會主持人，先由全港大專組別經海選出來的最後8強的學生，以自選曲目演唱，盡顯超凡唱功。大會特別安排全場投票，選出人氣歌王Sammi Kwan，及由60名獨立歌手作特選評審團選出最後的冠、亞及季軍，分別是Sammi Kwan、Kare及Caleb。

大會主持－903新世代DJ YY

8位入圍大專生

冠亞季軍

除了大專組別，更有一班愛音樂的獨立歌手演唱，雖然他們並不是主流歌手，但在indie界內首屈一指，分別有Delta T、Heyo、MIS樂隊、Eagle、Tang及YauYau等。眾獨立歌手多元的曲風帶出音樂不同種類與層次，令現場觀眾看得入神聽得興奮，氣氛高漲。

Delta T

Happy Kay

大會請來實力唱將小肥、陳慧敏及RubberBand當音樂會的嘉賓，陳慧敏先唱出《沉默之間》及《風之谷》，小肥則唱出《時光機》及《不平安夜》；別具心思的Beamco安排大專組別8強分為兩組，與兩位專業歌手合唱，陳慧敏與其中4位唱《十年如一日》，小肥與其4位唱《寵物》，在專業歌手與學生合唱的演出間，擦出不一樣的花火，令人喜出望外。

陳慧敏

陳慧敏與大專組別8強

小肥

小肥與與大專組別8強

最後，RubberBand是音樂會的壓軸演出樂隊，一出場成為音樂會的高潮，先唱出《¿醒未?》、《脫軌時刻》，再接着唱《Ciao》及《發現號》，變為全場觀眾大合唱，6號更即興走落台，與在場樂迷打成一遍！唱《終於好天氣》時，小肥與陳慧敏齊在台上與RubberBand合唱，為音樂會劃上完美句號。

RubberBand

RubberBand

小肥、陳慧敏及RubberBand合唱《終於好天氣》。

小肥、陳慧敏及RubberBand合唱《終於好天氣》。

在2023年底推出過《Juntos》大碟過後，RubberBand最近正密鑼緊鼓製作他們第十一張專輯（暫名《K》大碟），而第一首派台作品《想寫好的功課》亦於近日推出。

RubberBand推出新歌《想寫好的功課》。

觀看相關影片按連結：https://youtu.be/xjQRaQYpL0s

其實完成《Juntos》後，四位成員主音6號、結他手阿正、Bass手阿偉及鼓手泥鯭未有偷懶，反而更常見面，因為他們今次遠赴東京為《K》大碟錄音，加上有了上一張專輯在泰國錄音的經驗，樂隊早在出發前半年已恆常地每星期一或兩次在band房造歌及編曲，為錄音作好前期準備。這次製作過程，6號形容為「見證阿正滿血回歸」，他說：「因為今次《K》大碟好多首歌都係由阿正創作先，然後全team人一齊潤飾，而揀選嘅demo之中，阿正佔咗9首，而第一首派台歌《想寫好的功課》，就係來自阿正嘅旋律。」

6號形容阿正今次「滿血回歸」，交出多首旋律創作。

6號形容阿正今次「滿血回歸」，交出多首旋律創作。

《想寫好的功課》的旋律有一份溫暖的意境，6號表示：「因為阿正每年冬天都會去日本短住一、兩個月，加上受到日本音樂嘅薰陶，令佢寫出嚟嘅旋律都予人好溫暖嘅感覺，而呢份溫暖嘅意境，令我哋構想歌詞內容嘅時候，覺得唔應該係講大世界，而係講自身嘅事情。」

6號埋首填詞。

《想寫好的功課》由Tim Lui填詞，談及的是每個人的自身事情，當中亦是RubberBand眾人的寫照，6號續道：「RubberBand出道已有十七年，人生亦到了四十中嘅階段，而家回望過去，必定有好多事情，擺喺心裡好想做，但磋砣到呢個歲數仍然未做，《想寫好的功課》就係想講人生裡面究竟有乜嘢事情想做，但你未做，或者係未做好、未做到，呢首歌就係有提醒嘅作用。」

在MV裡，RubberBand特別邀來曾多次獲得香港舞台劇獎男主角的歐陽駿（Eddy）參與演出。擅演喜劇的Eddy，今次淡然的演出，正好為《想寫好的功課》畫龍點晴，6號道：「MV其實係將歌詞嘅想法，放落去一個關於斷捨離嘅故事：過去生命裡面可能有不同嘅相遇、緣份，當中積存好多唔好或者冇用嘅嘢喺身邊，幻化成主角屋企嘅鎖碎物件；Eddy喺斷捨離嘅過程中，審視自己係一個點樣嘅人，餘下嘅物件，就係佢餘下時間想奮鬥嘅目標，繼續想完成嘅事情。

MV圖片

MV圖片

MV圖片

說回《K》大碟的製作，RubberBand今次拉大隊到東京外，還有自出道已為樂隊錄音，但現在已移民加拿大的Jeremy Cheng，以及從香港回流日本名古屋定居的Tatsuhito Naruse，大家都紛紛走到東京參與錄音工作，形成一個大型Re-union現場。

已移民加拿大的Jeremy Cheng，特別為RubberBand到東京參與錄音工作。

（左）Jeremy Cheng（右）Tatsuhito Naruse（前香港日籍錄音師Nasan）

日本錄音師 - Shu Saida

監製Patrick Lui

不得不提的還有今次揀選的Victor Studio，是日本數一數二的錄音室，6號興奮道：「最嘩一聲係，木村拓哉、久石讓都喺度錄音，日本殿堂級樂隊Southern All Stars更加係長期book咗最頂一層嘅大studio錄音，而我哋用咗8日時間錄音，每日都會見到有唔同嘅管弦樂團、甚或小樂隊、爵士樂隊，民族音樂樂隊喺度錄音。」阿偉亦道：「雖然見唔到呢班日本頂尖音樂人，但時空交錯，大家身處同一個錄音室，覺得好神奇，因為嗰啲都係多年以嚟都好鍾意嘅偶像，能夠感受嗰個氣氛，係對我哋嘅創作同當時錄音都好有幫助，係一個好有靈氣嘅地方。」

RubberBand《K》大碟製作團隊齊集東京Victor Studio。

除了是知名音樂人的錄音勝地，Victor Studio的設備亦十分完善，阿偉續道：「去日本錄音係我哋嘅夢想，講咗好多年，一直都想感受下係乜嘢一回事，今次去到真係感受到無論係軟件、硬件，例如工作人員、器材等等都係配合得好好。今次用咗好多復古樂器同埋錄音器材，係一種喺香港冇機會試到嘅錄音感覺。」

東京Victor Studio是不少日本頂尖音樂人的御用錄音室。

古董錄音器材

由於只有8日的時間，RubberBand眾人都十分珍惜每一個時光，6號更爭取時間，多錄幾首歌的vocal，他說：「今次的確有朝聖嘅感覺，但唔想俾壓力自己。作為主音，我會提醒自己，因為好多miking（咪高峰設置技術）或者配套，返到香港已經唔係嗰樣嘢，未必可以補到。我哋本來寫好咗6首歌詞去錄，但最終只錄咗5首，其中只有4首可以用到。」而其他成員，包括阿偉與泥鯭的bass與鼓聲都在東京當地完成，現時《K》大碟尚欠阿正的結他solo部份，以及6號的配唱部份，樂隊期望6月就可錄好所有歌曲，然後進行後期工作。

6號、阿正

6號在東京完成了五首歌的配唱，但最終只能用上四首。

泥鯭在東京已完成drum set錄音部份。

阿偉在東京已完成bass錄音部份。

基於這次前往東京製作《K》大碟，今次的製作費亦大幅提昇，但阿偉覺得物有所值，他說：「今次一團人飛去錄音使咗好多錢，但就覺得物有所值，因為最重要係音樂質素，而日本錄音嘅質素，我夠膽講係做到一個好高質素嘅效果。」

今次RubberBand在東京Victor Studio錄音，製作費大幅提升。

阿偉指今次開支加碼，但物有所值。