芷珊約您｜遭黎芷珊逼供大談感情事張敬軒自爆烏龍「身後事驚魂」

娛圈事

芷珊約您｜遭黎芷珊逼供大談感情事張敬軒自爆烏龍「身後事驚魂」

2024年04月29日 13:00 最後更新：17:25

由黎芷珊主持的《芷珊約您》昨晚（4月28日）播出一集嘉賓是張敬軒（軒仔），芷珊飛到紐約直擊軒仔的美國站巡唱。

巡唱圓滿結束後，芷珊與軒仔進行深度交流。入行廿年的軒仔，大談由當年隻身來港發展到今日成為香港樂壇頂流之一確實不容易，芷珊問軒仔入行多年犧牲了甚麼？軒仔坦言：「一個內地人嚟香港（發展），你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」軒仔續指為了保持靚聲，連最愛的酒都不敢多喝：「我要Keep住把聲仲唱到以前啲歌，咁呢啲就係平時生活上嘅約束。」

點擊看圖輯

芷珊逼供軒仔感情事，軒仔自爆生活習慣會嚇怕potential對象。

今集嘉賓係張敬軒。

軒仔嘅美國巡唱大受歡迎。

軒仔大談未來10年大計，佢話希望將自己經驗分享畀後輩。

芷珊逼供軒仔感情事，軒仔自爆生活習慣會嚇怕potential對象。

軒仔坦言受到父母「矛盾一生」影響，唔會輕易投入一段愛情。

軒仔大爆烏龍「身後事驚魂」，一條牛仔褲搞到佢痛失10萬蚊！

問到未來十年的計劃，軒仔打算將多年來累積到的經驗與後輩分享：「用我哋捱過嘅苦頭去話畀佢哋聽捷徑喺邊度，呢啲係好好嘅傳播（傳承）。」芷珊問到現在的他快樂嗎？軒仔坦言：「快樂呀，行到42歲呢兩年係我人生最好嘅時候，我有自己團隊，無論做演唱會或者拍Youtube都有好反應，自己派嘅歌反應又好好，爸爸媽媽生活又安穩，自己想食嘅嘢又食得起，想去嘅地方又去得起，覺得人生好圓滿，但要Keep住落去係唔容易。」

芷珊還大膽向軒仔提問大家最想知道的感情事，42歲的軒仔坦言開始有想被人照顧的念頭，芷珊問到有否遇過適合的對象，軒仔想了良久後說：「（呢行）唔係好識到人係真嘅，同埋（我）唔係咁輕易畀人進入到我生命。」他又自認惡頂謂：「譬如有Potential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」芷珊向軒仔嚴刑迫供拍過幾次拖，軒仔說：「拖過一隻、半隻手仔咁啦，我係一個講將來嘅人，但一去到講將來標準就會唔同，我係冇『不如行吓睇吓點先啦』呢一種，我所有嘢都要Well Planned。」

問到有否真正愛過一個人？軒仔不諱言：「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」軒仔直言如果遇到真愛便會退休：「如果我Commit得佢係我另一半，我會同佢Share人生最後嗰段時間。」

節目尾聲，軒仔應芷珊要求爆了一個小秘密！軒仔透露2012年時突然有一天，十隻手指無故變黑，「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有Depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好晒啲嘢，之後突然之間發現，嗰排着緊嘅牛仔褲點解摸完之後（對手）愈嚟愈黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」軒仔續指當時的「身後事」非常誇張：「我打電話畀Johnny Yim（著名音樂人），同佢講要做幾個Project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄晒。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」

Tags:

張敬軒

往下看更多文章

孖朱咪咪首合作拍廣告傳「買餸福音」張敬軒邀前輩拍新加坡版《軒仔敲碗》再「對食」

2024年12月10日 22:00 最後更新：22:04

軒仔與咪咪姐曾在音樂會上合作，所以今次雖然是首次合拍廣告，但依然默契十足！

作為真正的街市專家，「香港街市」敢於創新，隆重推出全新手機應用程式（APP），為生活忙碌的香港人提供更方便、更貼心的網上買餸服務。為了將「買餸福音」廣傳開去，「香港街市」專誠邀得深受老中青喜愛的張敬軒（軒仔）擔任代言人與「鬼馬歌后」朱咪咪拍攝全新廣告，並推一連串開戶及超筍優惠來迎接2025年！

拍攝期間，建華集團主席凌偉業先生更帶同由「香港街巿」購買的鮮活刺身船、龍蝦刺身、皇帝蟹以及時令鮮果到場探班，身體力行支持「香港街巿」的「街市餸新鮮送」匠人精神！咪咪姐見狀即笑說：「若早知道凌老闆如此厚禮，昨晚便留肚不吃飯，而且我很久沒有大擦美食了！」其後又偕軒仔作狀餵凌老闆食刺身及提子！

看到拍攝現場放滿優質美味的新鮮食材，軒仔及咪咪姐當然拍得寧舍醒神，加上二人曾在音樂會上合作，首次合拍廣告同樣默契十足，你一言我一語，恍如在香港街巿「買魚頭搭魚嘴」一樣精彩！軒仔說：「凌主席帶來的美食就如咪咪姐一樣『新鮮』，而且咪咪姐充滿正能量，只要有她在的地方便有歡樂，總能帶新鮮感給大家！最驚喜是龍蝦刺身的伴碟亦起用了羽衣甘藍，跟咪咪姐一樣是『正菜』呀！又脆（趣）又爽，哈哈！」

軒仔坦言今次與咪咪姐合作拍廣告不夠喉，約定要到新加坡邀請前輩拍攝《軒仔敲碗》，咪咪姐聞言即說：「敲碗呀？即是飲食節目？飲飲食食是我的最愛，但我們也可以透過網絡兩地連線呀，毋須飛來飛去呢！」軒仔隨即口甜舌滑說：「但是我對住你的真人會更開胃呢！」氹得咪咪姐笑不攏嘴！

軒仔又盛讚廣告劇情相當「寫實」，事關自己的確試過因為「遮遮」生病而要親自買餸及下廚，並說：「因為第一次跟『香港街巿』合作很開心，雖然我經常四圍飛開騷，但只要我在香港有空時，便會到街巿買餸，因為我很喜歡吃蒸魚，偏偏『遮遮』不太會挑新鮮魚，只好由我軒仔親自出馬，現在有『香港街巿』APP，足不出戶便可選購游水靚魚，更有專人送到屋企，簡直是我們這種『在職人士』的喜訊呢！」

咪咪姐大表認同：「我間中會返香港工作及居住，但現在天時暑熱，日前出街食飯也感到翳焗，回家後見暈，現在有『香港街巿』APP便可以攤在梳化、歎著冷氣用手機選購新鮮食材，而且版面及操作簡單，長者也容易上手，多謝『香港街巿』的貼心安排！」

觀看相關影片按連結：https://youtu.be/yUAO7JMs-sk

現年68歲的咪咪姐表示從小到大都未曾請過家傭，多年來一直親自買餸煮飯，對食材的新鮮程度最為着緊，並說：「正如我在廣告最後所說的一樣：『買餸點會喺電視買呀！梗係去街巿買㗎啦！』街巿的人流量高，食材自然更新鮮，有新鮮食材是烹調美食的最重要一環，正如我最拿手星洲咖哩雞一樣，用新鮮雞一定較冰鮮雞好食，很多朋友也要求我煮這個菜式給他們打包拿回家呢！」

除了新鮮，擁有「至抵精明眼」的咪咪姐直言，價錢同樣重要，「師奶最叻格價，現在只要開啟應用程式，不同檔口的價錢便一目了然，大家可以登記老公的信用卡結帳，『打斧頭』也更簡單，哈哈！」軒仔則對「香港街巿」APP的優惠「心心眼」，誠意推介給一眾「澱粉」：「網上買餸同時可以賺取積分換取更多獎賞，包括潮牌家電、生活用品等，平台更會不時推出優惠套餐及限定快閃優惠，精明『澱粉』萬勿錯過！」

好物當然要跟身邊至愛的親朋友好友分享，向來尊賢敬老的軒仔，希望將「香港街巿」APP推介給前輩羅蘭姐，認真有心！他說：「我最近見過羅蘭姐，看到她操作智能電話時相當熟練，相信要學習使用這個APP零難度，加上長者始終體力有限，不方便拎重物，只要於指定截單時間前在『香港街巿』APP下單，便能即日派專人送到府上，最適合一眾老友記。」

咪咪姐亦謂要將「香港街巿」APP推介給「飯腳」羅蘭姐及胡楓（修哥）：「我經常跟修哥及羅蘭姐一起吃飯，知道他們愛吃海鮮，加上年紀大，不建議吃隔夜餸，所以『街巿餸新鮮送』這個概念真心100分，無論是行動自如，抑或行動不便的老友記，也可以安坐家中『逛街巿』，品嚐『鮮味』！」

「香港街市」的全新網上買餸平台服務覆蓋超過九成住宅地區，而全新手機應用程式，介面清晰、運作更流暢，無論生猛海鮮、新鮮肉類及蔬果，甚至五金用品，通通都可以透過「香港街市」APP輕鬆選購，買餸同時可以賺取積分。用戶只要於指定截單時間前下單，即日可以安排由專人送到府上，務求令大家得到最優質的服務！由即日起至2025年6月30日，全新會員即送迎新優惠包，可以$20加購鮑魚10隻或健康農場皇子雞一隻！另外更包括不同類別的電子優惠券，合共總值$500！每星期均推出超筍限定優惠，齊齊推介給親朋好友，實行「普天同買」，即買即慳！

「香港街巿」買餸平台網站：https://www.hkmarket.com.hk

「香港街巿」Apple App Store 下載連結：https://apps.apple.com/us/app/id6736645883

「香港街巿」Google Play 下載連結：https://play.google.com/store/apps/details?id=com.hkmarket.webapp

你或有興趣的文章

芷珊約您｜遭黎芷珊逼供大談感情事 張敬軒自爆烏龍「身後事驚魂」