反黑英雄丨入行3年升呢之作曾文心殘廁欺凌戲主動要求真打

娛圈事

反黑英雄丨入行3年升呢之作曾文心殘廁欺凌戲主動要求真打

2024年06月28日 12:30 最後更新：12:45

曾文心又自爆因自己遴迍撞瘀了下巴和膝頭，媽媽睇到啲傷痕好心痛。

《反黑英雄》昨晚（6月27日）播出的第4集，兩大焦點劇情分別是陳祖耀（袁偉豪飾）對仇家無良（黃子恆飾）窮追不捨、以各式各樣手法試圖取其性命外，還有飾演卧底阿賢的張振朗，如何穿梭黑與白之間查案及自保的故事。除了緊湊刺激的肉搏戰及鬥智場口，《反黑》還夾雜了黑幫情、同袍情、友情、愛情等不同「情」的元素，昨晚一集振朗和曾文心的偶遇、及振朗對文心的無私照顧及關懷，就展現了人類的「同情心」。

點擊看圖輯

有網友錯晒重點，留言大讚振朗隻手好靚，仲引嚟一堆同好人熱烈討論。

臥底張振朗+學生妹曾文心呢個「救贖CP」組合夠晒新鮮。

曾文心差啲被車撞，張振朗再次出手救佢。

有網友錯晒重點，留言大讚振朗隻手好靚，仲引嚟一堆同好人熱烈討論。

曾文心IG圖片

Michelle大讚振朗是很好的前輩。

呢場殘廁虐打戲原來係真打真軍，唔怪得咁逼真啦！

曾文心撞到下巴瘀晒。（曾文心提供）

呢張係化妝後嘅相，啲瘀傷被完全掩蓋。（曾文心提供）

雙膝瘀晒，認真陰功。（曾文心提供）

其實幾位小妹感情好好呢。

左起：曾文心、李海銅。

劇情講述阿賢偶遇偷金魚的學生妹陳樂怡（曾文心飾），原來阿怡不但父親早逝、母親（顏仟汶飾）是一名道友，在學校亦慘遭欺凌；阿賢眼見阿怡如此可憐遂決定向其伸出同情之手，展開微妙的「救贖」之旅。雖然救贖劇情煞是感性，但網民卻搞笑地放錯重點；其中一場振朗拯救險被車撞的曾文心的戲份，網友竟被振朗的靚手吸引：「手控們，過來看一下，雖然觀感有點尷尬，但是發現了他的手好看。雖然不算特別長，勝在乾淨骨節分明，掌面也寬。」貼文一出即引爆共鳴，不少「同路人」留言：「在《靈戲逼人》第一集結尾也有他的手指喔！」、「人帥就好還要手特別好看」、「這個…愛了！」

對於入行僅3年的曾文心（Michelle）來說，《反黑英雄》絕對是其升呢之作， Michelle透過第31期藝員訓練班入行，曾參與演出作品有《新聞女王》、《羅密歐與祝英台》、《飛常日誌》、《你好，我的大夫》等。Michelle曾於中央戲劇學院進修，更曾在北京國家大劇院演出過，回港後亦多次演出舞台劇，演出經驗豐富。Michelle受訪時坦言：「係我入行以嚟最多戲份嘅角色，覺得好激動、好感恩，好多謝公司同佳導畀呢個機會我。」Michelle還預告會為這個角色獻出多個人生第一次。

談到劇中與振朗有不少對手戲，Michelle大讚對方是很好的前輩：「同佢第一次見面係喺化妝間，佢化緊妝時都仲睇緊一本關於演戲嘅書！佢真係好Nice，佢會同我分析每一場戲，每句對白背後有咩含意，應該用咩態度去演。」Michelle又謂最難忘是被振朗的眼神震懾：「振朗演戲嘅眼神真係好細緻，佢喺一、兩秒之內可以變化出唔同嘅情感，仲要單靠眼神唔使對白，真係學到好多嘢。」

另外，昨晚Michelle被同是新演員的李海銅和張天妮捉入殘廁虐打的場口，有齊掌摑、扯頭髮、叉頸及推倒地上，畫面震撼，Michelle事後透露為求拍出好的效果，主動要求「真打」：「因為我哋幾個都比較新，唔係好識就住鏡頭打，而我哋都Friend，我就話不如真打。」Michelle又自爆因自己遴迍撞瘀了下巴和膝頭：「因為嗰場有好多跌低嘅戲，我跌到膝頭哥好多瘀傷，仲將個下巴撼到地下，搞到有個位腫到好似一粒鵪鶉蛋咁大。返到屋企之後，媽媽睇到啲傷痕好心痛，我知佢係想喊，但係佢冇喊，仲有幫我捽藥油。」

往下看更多文章

奪命提示｜陳山聰發起「瞓覺相Challenge」郭柏妍企棟棟睡姿+成腳蚊赧背後暗藏專業精神

在《大灣區航空桂林及張家界航線呈獻：奪命提示》中飾演神秘訊息情報科（ASIB）頭目的陳山聰，出席劇集前期宣傳活動時，曾揚言手上持有大量「隊友」瞓覺相！昨日（4月15日）山聰帶頭「找數」，在個人社交網「自爆」三張自己的瞓覺相，並hashtag「瞓覺相challenge」，著「隊友」跟著自爆。搞笑的是，走開潮人路線的山聰，就連瞓著覺也不自覺Chok甫，遭「隊友」留言取笑，其中振朗更落足鞋油：「阿頭～犯晒規喎，瞓覺都可以咁型。」

未幾，ASIB其他要員劉佩玥（Moon）、張振朗、劉穎鏇（Tiffany）、丁子朗及郭柏妍（Rosita）相繼上載瞓覺相，當中最吸睛的是丁丁的「半開眼瞓覺相」及Rosita的「企棟棟瞓覺相」；對於丁丁能睜著眼睛睡覺，隊友嘖嘖稱奇，山聰搞笑留言指：「我有理由懷疑你係反我眼」，振朗則抵死留言：「子超，你唔好有事」，令阿Moon也忍不住大笑：「喂呀！」至於Rosita的直立式瞓覺甫，則獲隊友封為「可愛睡模」，她自己亦乘機曲線宣傳：「Julie係咪周公嚟架？」

不過，搞笑還搞笑，Rosita的企棟棟睡姿背後原來有段故，而且更相當專業。事緣Rosita當日原來發高燒，但與韓馬利一樣因不想影響劇組拍攝進度，Rosita一直沒有說出自己發燒實情，就連監製Jazz也是最近才知道Rosita當日頂著高燒拍攝。

對此，Rosita接受TVB.COM訪問時，憶述當時情況真的蠻辛苦，幸獲劇組貼心照顧：「嗰時都病得好緊要，同埋發好高燒，但因為嗰時啲Rundown已經排晒，我見到我當日要拍嗰場被綁架戲又涉及好多唔同嘅工作單位，如果甩咗呢場我怕會浪費好多人力物力，所以我都頂硬上，希望可以順利完成。劇組好好，喺唔需要我嘅場口都畀我休息，瞓一瞓好好多。」另照片所見，Rosita的美腿還佈滿蚊赧，原來Rosita之前在南生圍拍攝重頭打鬥場面時，被蚊咬到一腳都是，認真我見猶憐。

至於振朗與Tiffany的「同框瞓覺甫」，則遭監製Jazz取笑「識睇梗係睇腳」！原來驟眼看振朗恍似將腳晾在Tiffany腳上睡覺，但實情其實只是角度問題，但Tiffany仍搞笑地叫振朗「Please move your leg」，相當識玩。長期口多多的振朗，更搞笑地分享瞓覺必靚秘訣：「識瞓一定係gel晒頭，着晒皮褸，或者着禮服瞓覺，咁喺呢個世界就冇人可以影到我樣衰嘅瞓覺相。」