娛圈事
恭喜「ViuTV一哥」何啟華榮升做業主！
今日（3月15日）男團ERROR成員何啟華（阿Dee）被發現出現在大埔新樓盤上然的展銷廳，據市場消息透露，阿Dee屬「1『家』1付款計劃」買家，在早上A組時段入市，斥資過千萬買入兩個單位，包括一伙三房單位及一伙開放式戶。
男團ERROR成員何啟華（阿Dee）入市買樓。
購大埔區兩單位涉及近千萬。
阿Dee受訪時，透露今次入市是為家人買樓，提到樓市下挫，他鬼馬自稱是「逆市奇葩」，又指自己是普通市民不懂樓市，但樓價跌就代表年輕人有希望。阿Dee表示由細到大都是住在大埔，講到今次大手購入大埔新盤上然的原因，他就抵死食字解答：「住上弦好過住下弦！」
阿Dee笑指自己是「逆市奇葩」。
風騷爆金句「住上弦好過住下弦」！
初二再見～
陳慧嫻40週年演唱會《The Fabulous 40 Priscilla live in Hong Kong》，昨晚（1月26日）完成第五場，應節收爐三日，初二（1月30日）再啟市。昨晚慧嫻請來ERROR任嘉賓，舞台上搞笑謂剩係想同肥仔講嘢，因為肥仔同佢差唔多高，終於可以用水平線對望，其他個三個就由得佢，免自己不停向上望得多會頸痛。
陳慧嫻40週年演唱會來到第五場。
慧嫻應節收爐三日，初二（1月30日）再啟市。
第五場請來ERROR任嘉賓。
講笑過後，慧嫻先是多謝ERROR ，邀請她加入年青人隊伍，「可能有好多人唔知我同ERROR係乜嘢關係呢？ ERROR佢哋最近有一隻新歌，有一日唔知點解邀請我去做佢哋呢個MV入面客串嘅一個角色。」ERROR肥仔話，「其實我哋個個都一識你㗎…同埋我哋ERROR呢 有個古怪嘅心願 ，我哋專搵啲靚姐姐合作，你唔係客串咁簡單呀，你係女主角呀。」
慧嫻多謝ERROR 邀請她加入年青人隊伍。
ERROR又謂，慧嫻的跳舞街是經典，本來他們的新歌是希望可以向《跳舞街》致敬，mix埋跳舞街音樂落去，但係最後因為版權問題實現唔到，所以點都要搵慧嫻拍MV crossover 他們的《野舞士》。
ERROR曾邀請慧嫻拍他們《野舞士》的MV。
完成第五場之後，慧嫻就可以收爐三日，年初二再啟市，昨晚她騷後接受傳媒訪問，「今晚係龍年最後一場，我揀唱《去吧》都係因為咁，龍年去吧，有咩開心唔開心都要放下，一齊開開心心迎接新一年！」
慧嫻昨晚還特別選唱《去吧》送走龍年，迎來蛇年。
收爐三日，慧嫻表示主要是休息訓覺，另外會用六位數字去封利是，準備初二尾場派比所有台前葛後工作人員。另外因為頭場華麗跌親，其實膝頭哥係有瘀晒，幸好不是大礙，亦襯這三天休息可以好好散瘀。初二真正完成尾場後，她才會真正跟家人聚會拜年及慶祝新年。新一年會唔會想搵個男朋友，慧嫻謂，「我都咁大年紀啦。唔會再強求了。我好幸福，身邊有好多好朋友，屋企人陪伴嘛。咁其實我又唔會話抗距嘅，如果生命真的緣份上有安排，先去諗去接受囉。」
慧嫻指收爐三日主要是休息訓覺。
並透露會用六位數字去封利是。
