紅十字會血庫存量極低　緊急呼籲市民捐血

香港紅十字會輸血服務中心公布，星期五成功收集794袋血液。不過血庫存量仍然處於極低水平，僅餘三至四日存量，緊急呼籲市民捐血，盡快補充血庫。

紅十字會。fb圖片

中心指出，上星期颱風嚴重影響血液收集工作，中心一度需要暫停捐血服務。而中心每日要收集約650包血液，才足以維持醫院需求，讓需要接受輸血嘅病人可以得到適切治療。

紅十字會。fb圖片

中心呼籲市民透過HK Blood App或致電各捐血站，預約捐血時段。

近日日本相繼發生嚴重地震，更發出了首個「巨大地震注意」。香港紅十字會表示，雖然香港發生嚴重地震的機會不大，不過外遊時總有機會遇上突發情況，如果大家提前做好準備，去到世界任何一個角落，即使面對地震都可以迅速應變，立即看看紅十字會的保命貼士！

遇地震保命5招：

1.身處室内嘅人應躲到堅固嘅傢具下面，並要遠離玻璃或容易墜下嘅物件

2.身處戶外嘅話，應遠離建築物、斜坡同架空電線等地方

3.千祈唔好從高處跳下 (註：呢個係地震災害造成傷亡嘅主要原因)

4.當被埋喺瓦礫下不能掙脫，切忌大聲呼叫，應用敲擊聲或吹口哨求救

5.盡量遠離海岸，如遇上地震或海嘯，須向高地逃走

除此之外，香港紅十字會又提醒大家，地震發生時，謹記有3個動作要做：

1.留意餘震、山泥傾瀉或者海

2.留意電台、電視，有關最新消息嘅公佈

3.檢查損毀同容易墜下嘅物件，遠離已損毀嘅建築物

最後，大家日常都要謹記三個準備：

1.準備逃生包

2.定期參與演習

3.留意逃生路線

紅十字會再次提醒大家，逃生時最緊要輕便，「所以千祈唔好帶太多物資。」

紅十字會圖片

如果想了解更多有關遇到地震時可以如何應對，就快啲Click 入以下網址並將相關資訊分享給身邊的親友，一齊有備無患啦：

https://s.redcross.org.hk/380disablg9