胡鴻鈞和吳業坤又希望大家欣賞演唱會時感到心滿意足！
認識14載，胡鴻鈞（Hubert）和吳業坤（坤哥）終於擁有屬於他們兩人的首個演唱會，由森立演藝及天人集團主辦，香港人壽贊助之「胡鴻鈞 X 吳業坤《GROW WITH THE FLOW 演唱會 - 香港站》」，將於2024年12月8日（星期日）在麥花臣場館和大家見面，票價分別為$980和$680，獨家售票平台為KKday，門票將於10月22日上午10時優先發售，以及10月29日上午10時正式公開發售。
點擊看圖輯
「胡鴻鈞 X 吳業坤《GROW WITH THE FLOW 演唱會 - 香港站》」將於12月8日在麥花臣場館舉行。
今日舉行演唱會發布會。
Hubert爆每次同坤哥講不如一齊開show，對方會有好多理由。
Hubert透露原本演唱會叫《GO WITH THE FLOW》，但大家14年間各有成長，所以最後將GO改為GROW。
坤哥笑指與Hubert相識多年，很多事都沒有特別顧忌，連老婆都覺得二人太close。
二人都希望屆時所有觀眾會看得心滿意足。
「胡鴻鈞 X 吳業坤《GROW WITH THE FLOW 演唱會 - 香港站》」將於12月8日在麥花臣場館舉行。
今天（10月20日）大會於荃新天地1期花園廣場舉行演唱會發布會公布詳情，儘管天氣依然非常炎熱，而發布會場地剛好在室外露天位置，但也無阻接近一百位粉絲在炎陽下的到場支持。
今日舉行演唱會發布會。
主持Kawaii在台上問及Hubert和坤哥為何認識這麽久才第一次合作開演唱會，Hubert笑說：「我和坤哥由比賽到而家認識咗14年，但坤哥太忙，每次同佢講不如一齊開show，佢就會有好多理由，例如佢自己開個唱、拍劇、結婚，同埋去旅行度蜜月，終於坤哥有時間啦，多謝你。」坤哥說：「得我哋兩個係唔成事嘅，要多謝主辦方同經理人嘅促成，仲有好支持我哋嘅粉絲。」全場粉絲即時拍掌和尖叫，為Hubert 和坤哥兩人打氣。
Hubert爆每次同坤哥講不如一齊開show，對方會有好多理由。
Hubert表示：「今次演唱會名稱叫做GROW WITH THE FLOW，係上次影演唱會海報嗰陣靈機一觸諗到，本來係叫做《GO WITH THE FLOW》，因為我哋認識咗14年，有各自嘅經歷，不過坤哥就多我一樣嘢，就係結咗婚，已經係人夫，但係我又想演唱會名入面有成長嘅意思，所以最後將GO改為GROW，大家一齊成長。」坤哥回應說：「當初影結婚相嗰陣Hubert都有嚟，我同Hubert識咗咁耐，好多嘢都冇特別顧忌，但係我老婆見到我哋企得咁close即刻好緊張將我同佢拉開，今日係老婆生日，但為咗做嘢唔可以陪佢，希望佢唔好嬲啦。」
Hubert透露原本演唱會叫《GO WITH THE FLOW》，但大家14年間各有成長，所以最後將GO改為GROW。
坤哥笑指與Hubert相識多年，很多事都沒有特別顧忌，連老婆都覺得二人太close。
至於會否有其他地方的演出，Hubert說主辦方在安排中，坤哥則說如去海外巡演可一併拍攝旅遊特輯，一舉兩得。Hubert和坤哥說歌單和嘉賓人選仍未作最後決定，他倆呼籲大家可以留言在他們的社交媒體上作參考，希望屆時所有觀眾也會看得心滿意足。
二人都希望屆時所有觀眾會看得心滿意足。
