幾位朋友感情超好。
由霍汶希(Mani)任製作人,有「龍虎豹」之稱的容祖兒、阿Sa蔡卓妍及阿嬌鍾欣潼主理的旅行綜藝節目《因為是朋友呀》第一季大受歡迎,因此製作單位決定開拍第二季,同樣以三人友情作切入點,通過到不同地方旅遊,展現閨蜜情。第二季首站由香港開始,並找來好友關智斌(Kenny)任首集嘉賓。
這集主要紹香港地道的特色,如逐漸式微的手寫小巴牌、香港獨有的交通公具電車、港式絲襪奶茶等。提到坐小巴,祖兒表示很多人都怕大聲叫「有落」,但自己卻是喜歡大聲叫,阿Sa亦指自己是同類人,阿嬌坦言自己就那種不敢叫落車的人,「所以有時成日坐到過咗站。」又分享一次「恐怖」經歷,「有一次我搭Van仔搵我阿媽,突間坐喺我隔離個男仔話幫我俾錢,嚇到我即刻落車。」這時Kenny跟祖兒、阿Sa大叫羨慕,「靚女先有呢啲福利!」隨後阿Sa自爆最喜歡在小巴上扮拍MV,「以前小巴冇冷氣,開窗吹風……」然後便作狀微風吹起長髮飄逸的模樣,「我仲試過喊呀。」看到阿Sa陶醉入戲,祖兒忍不住大笑起來。
阿嬌手寫小巴牌
Kenny沖既奶茶一定好好飲
除後四人學習沖絲襪奶茶,又穿起傳統服式旗袍及唐裝,學習禮儀,例如打招呼、掉了東西在地上如何保持優雅姿態地拾起等,又自編自導自演《繁花》的情境戲,但笑料爆出,讓祖兒過足戲癮。四人難得聚首,少不了玩默契大考驗遊戲,當Kenny問到三人如需要借錢時,第一個會打給誰?阿Sa阿嬌異口同聲說老闆,祖兒卻說謝霆鋒,阿Sa即謂:「佢肯定唔會借俾你。」祖兒問:「真係?」阿Sa肯定地說:「真!」Kenny接着說:「你有喺佢身上攞到過任何嘢咩?」阿Sa續說:「個percentage好低,唔好嘥時間,哈哈。」祖兒直言有想個第二個就是找老闆,但害怕,阿嬌問道:「怕乜嘢?」祖兒笑說:「加長份約,哈哈。」四人隨即大笑。首集於一片笑聲中結束,第二站三人將會到新加城展開閨蜜爆笑之旅。
祖兒著旗袍好有韻味
阿Sa擺個女人味甫士
美美的嬌嬌著咩都靚
Kenny 成個十三少咁
Twins Spirit世界巡迴演唱會完美結束。
Twins今年年頭開始《Twins Spirit 世界巡迴演唱會》,巡足一整年,聖誕於英國倫敦OVO Arena Wembley演出完滿成功結束,日前又從倫敦飛到新加坡做了兩場,所到之處都非常受歡迎。
Twins於新加坡舉行《Twins Spirit 世界巡迴演唱會》尾站。
Twins於新加坡舉行《Twins Spirit 世界巡迴演唱會》尾站。
阿Sa不捨變喊包。
英國的騷,黃偉文(Wyman)、JW也有去捧場,氣氛超級熱烈,兩人本想同美國一樣繞場握手,但因為歌迷太瘋狂關係,只得在台前握手,去不了後方,而Wyman亦拍下騷後感,大讚Twins演出精彩,「有生之年都冇諗過,可以聽到呢首歌《你最紅》live呀大佬!」此外又公開收到阿Sa特地帶來的厚禮,非常開心。
而新加坡站不單是Twins出道至今的第100及101場演唱會,並且是《Twins Spirit 》這個騷的最終場,舞台上跟歌迷暫別,歌迷台下大哭,兩人也被感動得眼眨淚光,慶功時阿Sa跟一班Dancer擁抱,又再忍不住落下不捨眼淚。
阿嬌高呼要放假。
回想這一年來的努力,阿Sa(蔡卓妍)謂走過世界各地,並且完成第一次倫敦開騷的夢想,是一件非常開心的事,由香港站開始,真的從來沒想到可以走足一整年:「每一站都有難以忘記美好回憶, 其中應付『時差』對我來講最難忘。美加巡迴不停去完東岸又去西岸,連續21日,返香港一個禮拜又去倫敦,喺倫敦過埋聖誕又直接去新加坡,覺得自己啲體能都真係算係咁。」
獲黃偉文(Wyman)捧場。
談到英國之旅,阿Sa完騷後,有留下放一個短假,與媽咪、容祖兒、黃偉文等好朋友一起過聖誕:「英國之旅好開心呀,因為第一次同媽咪喺外國過聖誕,好多朋友都過埋嚟一齊玩,見到阿Y同君如姐啦,阿祖啦,馬天佑啦,仲有我一啲移咗民去英國舊同學,呢個咁難得嘅聖誕party,我哋都籌備咗一陣,大家齊心協力先可以達成,真係好難忘好好玩好耐冇過過一個咁多人咁開心嘅聖誕節。」
新加坡慶功上,Sa坦言走到最後一站有點不捨:「每個演唱會都會有結束嘅時候嘅,當然會唔捨得,喺個台上面見到有好多歌迷都喊,搞到我都忍唔住。當你企喺個台上面,見到台下面嘅觀眾好投入咁跟住你唱歌,對住你好開心咁笑,好留心咁聽你講每一句說話,係真係好感動。我會永遠都記得呢啲畫面。慶功時啲dancer唔捨得,一個二個喺度喊,所以又搞到我忍唔住,一開咗個掣就好難停㗎啦,哈哈。我成晚好耐都平復唔到心情,瞓咗冇一個鐘就要起身執行李出機場。」
Twins完成第一次倫敦開騷的夢想。
Twins唱足101場。
=
回港後,Sa表示要集中火力做電影宣傳:「電影農曆年上,我都好期待。因為成套戲啲演員都好好笑,好期待謝票嘅時候同佢哋一齊玩一齊吹水,一定笑死我。今年係超級無敵忙碌嘅一年,都真係有啲攰,我諗下年真係要放慢少少腳步,唔可以走太快。長命功夫長命做吖嘛!」
Wyman大讚:「有生之年都冇諗過,可以聽到呢首歌《你最紅》live 呀大佬!」
阿Sa與容祖兒一起過聖誕。
至於阿嬌(鍾欣潼)就表示巡足一整年非常難忘:「我同阿Sa都經常係台上面講,我哋每一次演唱會,都會當係最後一次,今次都唔例外,無人知日後幾時再開,我真係要好好放一個假,已經同公司申請了,我要好好休息,養足精神。美加及倫敦如夢如幻,要敵過時差,但又實現了倫敦OVO Arena Wembley開演唱會的夢想,非常多謝歌迷,這次巡演的一路相伴,佢哋做左好多應援,有忠粉Twins先行到咁遠。同埋第一次係英國過聖誕,好有氣氛,都難忘,我買咗好多聖誕裝飾返屋企裝飾自己個聖誕樹。」
阿Sa兩母女
阿Sa坦言從來沒想到可巡足一整年。