飲茶︱「魔音」馮盈盈大唱汪阿姐首本名曲《金絲雀》嚇到羅家英急住叫停

娛圈事

飲茶︱「魔音」馮盈盈大唱汪阿姐首本名曲《金絲雀》嚇到羅家英急住叫停

2025年03月27日 16:00 最後更新：16:18

一共十集、以粵式飲茶文化為主題的全新節目《中國建設銀行(亞洲)呈獻：飲茶》，由羅家英、馮盈盈、關楓馨擔任主持，逢周一至五晚上10時30分翡翠台播映。

前晚（3月25日）播出的第二集，首款介紹蝦餃，三位主持到訪多間傳統酒樓，介紹蝦餃的由來及製作過程。昨晚播出的第三集，點心主角則是燒賣，除有介紹燒賣起源，還有不同種類的「燒賣巡禮」。今晚播出的第四集，正所謂「飲杯茶食個包，慢慢傾」，三位主持將帶大家去到蓮香樓這家擁有足足98年歷史的老字號品嚐叉燒包。而本周最後一集，三位主持將介紹以雞作為內涵的點心，包括糯米雞、珍珠雞和雞扎等。

點擊看圖輯

品嚐切肉燒賣

馮盈盈展現魔音

馮盈盈嚇到家英急住叫停：唔該你唔好再唱啦！

蓮香樓，品嚐豬潤豬肚鵪鶉蛋燒賣

一盅兩件知多啲：大水煲死人頭

羅家英和關楓馨品嚐松露鵪鶉蛋燒賣

馮盈盈和關楓馨飲早茶食蝦餃

三位主持了解蝦餃餡料、品嚐高湯金魚餃

三位主持在不同的茶樓品嚐各類型包點

昨晚一集，馮盈盈介紹茶樓文化時提到昔日公子哥兒會拿著雀籠去茶樓飲茶時，一向有「魔音」之稱的她突然興致大發高歌「阿姐」汪明荃的首本名曲《金絲雀》，嚇到家英哥表情包大爆發之餘，還急忙搞笑地制止盈盈再唱下去：「唔該，唔該你唔好再唱啦！你咁唱法，將我阿姐嗰首歌唱壞咗，令我好傷心喎！」原來今時今日在廣州還有茶客會提着雀籠去飲茶。想了解更多傳統點心故事，記得留意下周播出的《飲茶》啦！

往下看更多文章

飲茶｜老地方憶述與人生摯愛溫馨點滴家英哥揀陸羽茶室向阿姐補送婚戒背後有段故

由羅家英、馮盈盈、關楓馨擔任主持的《中國建設銀行(亞洲)呈獻：飲茶》昨晚（3月28日）播出的第五集，家英哥與關楓馨到訪陸羽茶室時，憶述童年時與父親在茶室渡過的開心時光：「五零年我由廣州嚟咗香港，咁我老豆呢就帶我嚟飲茶喇。」

由於陸羽茶室滿載了家英哥與最愛摯親的重要回憶，家英哥特意在這個別具意義的地方，不止一次與阿姐慶祝結婚周年，還在同一地方向阿姐補送婚戒：「我記得先嗰兩年，我哋啱啱就係結婚12周年，咁就喺度食餐飯咁樣。因為嗰時我隻戒指唔見咗（被偷），咁就（喺14周年）買番隻戒指送畀佢啦！」相當有心思。

另外，關楓馨（Fabi）在節目中經常稱呼羅家英做「爺爺」，細問之下原來他們之間有著深厚淵源！Fabi父親關禮傑曾在劇集《怒劍嘯狂沙》中，飾演羅家英兒子，當時二人私交甚篤，家英哥還會與關禮傑於工餘時間一起踢足球，Fabi也是因為陪爸爸踢波而認識家英哥。Fabi接受TVB.COM訪問時，開心透露與「爺爺」已足足十年沒有見面，今次透過節目重逢，份外開心：「能夠喺自己有份主持嘅節目同家英哥合作，真係好難得、好開心，因為家英哥嘅搞笑角色太深入民心喇，同佢合作算係實現咗人生目標！」

雖然相隔十年才重逢，但自小與家英哥有感情基礎的Fabi仍與對方一見如故，更坦言當正家英哥親爺爺，又大讚家英哥零架子及從不罵人：「佢真係當我孫女咁錫，我都真係當佢爺爺，大家真係會互相關心；新年嗰時，我同盈盈都有去佢同阿姐度拜年。」Fabi笑言最愛聽家英哥講古：「去到唔同嘅地方，家英哥都有好多好好聽嘅故事話畀我聽，好似以前佢哋做完大戲會去邊去邊，或者以前尖沙咀唔係咁。家英哥又好鍾意影相，佢好sweet架，會叫我哋企喺度幫我哋影相同打卡，所有交流都好窩心，大家好有一家人嘅感覺。」