藝人馮盈盈近期拍攝飲食節目《飲茶》，一心諗住再翻身，用心經營社交平台的她近日詩興大發，貼出多張靚相並留言：「春有百花秋有月，夏有涼風冬有雪，若無閒事掛心頭，便是人間好時節。」再來多幾句：「心無執念，隨順四季流轉，便是人間好時節。來到大自然環境，放鬆心情，不如意的事都可以自然放下，好好享受春意盎然的美景！」
前港姐冠軍馮盈盈當選後備受力捧
馮盈盈分享飲茶慳錢策略！
馮盈盈近年曝光度大減
文采依然的馮盈盈，身穿低胸春裝晒線頭，仙氣十足，網民留言：「心口好似脹咗喎！」
仙氣十足
露線頭
狀態極佳
仙氣十足
一共十集、以粵式飲茶文化為主題的全新節目《中國建設銀行(亞洲)呈獻：飲茶》，由羅家英、馮盈盈、關楓馨（Fabi）擔任主持，本周四、五晚上10時30分翡翠台播出最後兩集。
三位主持到訪不同酒家品嚐各種粥粉麵飯
三位主持到訪不同酒家品嚐各種粥粉麵飯
家英哥、Fabi去到茶莊品茶
昨晚（4月3日）播出的第九集，主題為粥粉麵飯，三位主持介紹飲茶與四大發明的關係，以及到訪不同酒家品嚐各種粥粉麵飯。家英哥、Fabi去到粵館，品嚐揚州炒飯、鴛鴦炒飯。而說到炒飯，家英哥幽默地爆料「阿姐」汪明荃：「我講畀你聽啊！我嘅太太汪明荃乜都唔識㗎，淨係識炒飯㗎咋！」笑言「阿姐」只會做炒飯，他還提到阿姐得閒無事會說「我炒飯你食」，並透露自己經常吃阿姐做的炒飯。當Fabi問到家英哥：「阿姐炒畀你嘅炒飯，應該好甜㗎喎！」家英哥貫徹無厘頭作風回答：「嗰個就叫上海炒飯啦，佢上海婆嚟㗎嘛！」
在品味油製煎炒點心後，怎能少了那一杯清香的茶？當然少不免要飲茶中和油膩感。家英哥、Fabi去到茶莊品茶，家英表示最愛飲壽眉和英紅九號，會相當消滯：「令人輕鬆晒！」家英哥亦深感同感，認為飲茶是一種生活情趣。他表示：「有時會燒香，點一支沉香或者檀香，令到氣氛好有古典，或思古之幽情。咁揸本書睇吓，飲啖茶，令到生活感到好美滿咁樣。」
三位主持帶大家試食傳統甜品
三位主持帶大家試食傳統甜品
家英哥感慨：食埋個甜點呢個《飲茶》就係最好嘅收結啦！
而今晚（4日）播出的第十集，作為「飯後甜品」，當然要放最後一集啦！三位主持帶大家試食傳統甜品、以及糖水。傳統粵式糖水以羹、湯、糊三種形態，他們到飯店品嚐傳統甜品，包括糖沙翁、蛋散、啫喱仔。家英哥貫徹始終，最後一集亦秉持着幽默作風，笑稱馮盈盈為「蛋散小姐」。
三位主持發表感言
三位主持發表感言
在節目的最後，三位主持以及點心師傅都發表感言，家英哥感慨萬分：「食埋個甜點呢個《飲茶》就係最好嘅收結啦，我做呢十集亦都係最好嘅收結，令我引起好多嘅回憶，飲茶唔係真係飲茶，其實係我哋廣東人好深奧嘅文化。」其中受訪的點心師傅亦說：「食點心好似好簡單，但其實用咗好多功夫同時間。」點心師傅每天清晨兩三點起床，只為了將那份用心與熱情傳遞給每一位食客。他們的勞動背後，是對技藝的堅持和對食客的尊重。正如馮盈盈所說：「飲茶唔係真係講飲個杯茶，或者食嘅點心，係講緊背後嘅文化，甚至係我哋鄰里關係、一家人嘅個種愛。」Fabi也認同這份文化魅力：「因為我覺得呢個係一個好獨特嘅香港文化，亦都唔希望佢會消失。」
三位主持發表感言
