林家謙在節目中透露跟林宥嘉和JW的合作關係。
J2《我們的音樂時代》新一集主持許文軒（Edmond）邀請林家謙及JW（王灝兒）任嘉賓，JW與林家謙關係密切，由家謙作曲，JW主唱的《矛盾一生》更成為二人最廣泛播放的歌曲。
JW和林家謙接受主持許文軒訪問。
家謙笑說：「當時諗如果呢首歌可以賣畀天王天后梗係好啦！」JW即時起哄說：「唉！死啦！要賣畀JW，佢Dup咗！你使唔使Google下我係邊個？」家謙再說：「知道JW要咗，冇特別大嘅Expectation，因為佢嗰時靜咗排，加上又收得太埋，我真係要Google下JW個樣㗎！最後首歌跑出，但呢個三部曲頭兩首都係一早作咗之後賣畀佢，但最後一首嘅《自由飛翔》係度身訂做，專登陰JW。」JW即說：「首歌真係好難唱，半度半度轉Key，真係錄咗好耐。」
林家謙自爆向偶像林宥嘉自薦作品而促成合作。
節目中，林家謙亦分享他與台灣歌手林宥嘉的關係，「寫歌畀林宥嘉係因為佢係我偶像，我喺社交平台Send咗Demo畀佢，好似見工Send CV咁，你唔會諗住間間都覆你，但佢真係覆咗，好記得當時我喺灣仔食緊一碗麻辣米線，收到佢Message果下想噴出嚟。」而林宥嘉亦現身節目，「我本身唔識佢，收到Demo之後，覺得佢好畀心機寫歌，把聲好溫柔，旋律有一種拿住拿住嘅感覺，所以我回覆佢想同佢合作。」
林宥嘉表示收到Demo後覺得林家謙好畀心機寫歌而回覆對方。
林家謙一次過跟陳奕迅和林宥嘉合作覺得好夢幻。
家謙亦有提到林宥嘉第一首廣東作品《壞與更壞》亦出自他手筆，「首歌出前幾日我先知道係廣東歌，寫嘅時候諗住兩個對象，一個係林宥嘉，另外一個係陳奕迅，因為佢哋兩個把聲有個共通點，就係有一種好自然，直接由心唱出嚟嘅感覺，我就用咗呢個聲線嘅方向去寫。最後首歌林宥嘉唱，而其中一位監製係陳奕迅，實在好驚喜，好夢幻，因為兩個對象都喺同一首歌入面出現。」
今年KKBOX香港風雲榜來到第七個年頭，繼續秉承以香港樂迷為本的主旨，依據香港全體用戶點播次數產生出年度得獎名單，真實呈現香港用戶的喜好。近日率先公佈《第七屆KKBOX香港風雲榜》完整得獎名單！KKBOX根據所有香港用戶於2024年1月1日至12月31日期間，點播於2023年12月1日至2024年12月31日期間發行的本地單曲的次數，排行出總點播次數最高的本地歌手。
《第七屆KKBOX香港風雲榜》「年度風雲歌手」得獎歌手分別為（依英文名字母順序排列）：Anson Kong江𤒹生、Anson Lo盧瀚霆、Edan呂爵安、Ian陳卓賢、Jer柳應廷、洪嘉豪、Keung To姜濤、MC張天賦、陳蕾及林家謙；「年度新人」由去年推出首支個人單曲的Tiger邱傲然奪得；而由KKBOX香港編輯團隊所投選的「年度編輯推薦歌手」得主則是轉型做獨立歌手後綻放個人魅力的JACE陳凱詠。
Anson Kong江𤒹生
Edan呂爵安
洪嘉豪
Tiger邱傲然
JACE陳凱詠
本年度風雲歌手依然屬於男歌手的天下，陳蕾成榜上的唯一女歌手，更是連續兩年在女歌手中獨佔鰲頭奪得「年度風雲歌手」獎！人氣男團MIRROR成員Anson Lo盧瀚霆、Ian陳卓賢、Jer柳應廷及Keung To姜濤 ，和去年於電影圈中嶄露頭角的MC張天賦，一同躋身四度獲得「年度風雲歌手」獎之列，實力非凡。
陳蕾
Anson Lo盧瀚霆
Ian陳卓賢
Jer柳應廷
Keung To姜濤
MC張天賦
音樂才子林家謙絕對是KKBOX香港樂迷的超級寵兒，自2020年奪「年度新人」獎後，他已經打破KKBOX香港風雲榜紀錄，連續五年成為「年度風雲歌手」！去年，他因為失眠而寫下的歌曲《無答案》及被網民稱「唱歌技巧似喃嘸」而創作的《喃嘸師感官漫遊》亦廣受樂迷喜愛，加上由他一手包辦曲詞編監為香港史上最高票房華語電影《破．地獄》製作的主題曲《普渡眾生》，更是街知巷聞，令林家謙在香港樂壇的成績愈見亮麗！
林家謙
單是這張得獎名單， 相信已經讓不少樂迷引頸以待，即將舉行的《第七屆KKBOX香港風雲榜》音樂盛會，能讓樂迷一睹得獎歌手的現場演出，屆時勢必掀起撲飛熱潮！有關《第七屆KKBOX香港風雲榜》的詳情，KKBOX香港將於稍後公佈，密切期待！
