Yanny自言係衝動型，可以好衝動咁去簽紙結婚。
陳穎欣（Yanny）自從SuperGirls拆夥後，作多方面不同嘗試，近日她跟廚師陳家豪（Arthur）為香港開電視主持的飲食節目《食過FIND尋味》，節目將在下星期一（8月29曰）播出，一連10集一同品嚐「招牌菜」，鑽研廚藝。今次是Yanny首度擔任飲食節目主持，她亦會在節目中大展廚藝，即場炮製甜品泰式香蕉煎餅，表現有板有眼。
首次主持飲食節目。
自認饞嘴的Yanny透露一直期待主持飲食或烹飪節目，但拍完今次節目後，為此負上沉重代價：「初初我係好期待今次節目，因為我好鍾意食嘢，但原來拍呢類節目好辛苦，每次拍完都會試食，拍攝一日就要食好多嘢，飽到嘔，亦都肥咗好多，雖然我冇刻意去磅，但塊面圓咗好多，完成節目拍攝後，我要食清啲減肥。」
其實經常在家下廚。
所以都有板有眼。
Yanny表示向來喜歡下廚，不時會煮家常便飯給男友品嚐，男友對她的廚藝亦很滿意，她謂：「我無論工作幾忙都會落廚，反而覺得出街食飯太普通，自己煮係好味啲，我都成日煮意粉、西餐、四餸一湯畀男友食，佢好鍾意食我煮嘅嘢。」Yanny計劃何時跟男友拉埋天窗？Yanny大方指不排除會「閃婚」，她表示：「我同男友都好穩定，但依家工作好忙，連瞓覺都冇時間，邊有時間諗結婚，但我覺得自己係衝動型，可以好衝動咁去簽紙結婚。」
Yanny和做音樂的男朋友Gareth拍拖多年。
陳健安日前推出新歌《不遲不早》，以自身經歷為題，表達每個人都有屬於自己的時間線，無需跟別人比較，按照自己的節奏生活才能感到快樂自在。他分享中學時曾留級、中七又自修了一年，大學亦比同學遲一年畢業，雖然比別人慢了三年，但他感恩說：「唔會因為比人遲而有怨言，每個人都有自己嘅時間線，嗰三年嘅經歷成就咗而家嘅我。」
陳健安推出新歌《不遲不早》.
《不遲不早》由安仔與賴映彤（小彤）共同作曲、小彤負責編曲，周耀輝填詞。安仔對歌詞讚不絕口，說：「頭一、兩句已經講緊我嘅故事，『多麼多麼彎曲的半生、多麼蹺蹊的一剎』，好多謝耀輝填咗一份意義深遠嘅歌詞畀我。」歌曲中的結他Solo更由安仔親自彈奏，他說：「嗰日喺小彤屋企錄咗差唔多3個鐘，彈8個Bar，超過100 Takes先成功彈到大家而家聽到嘅版本。」
歌曲中的結他Solo由安仔親自彈奏。
新歌MV由Oscar執導，講述隕石撞地球後的末日故事，找來陳穎欣（Yanny）擔任女主角。MV中，Yanny一改以往的喜劇形象飾演為人生努力奮鬥的角色，安仔大讚她表現出色，說：「少啲見你演文戲，Oscar同我都覺得呢部分嘅你好好睇，觀眾都未必睇過你呢一面。」Yanny笑言：「通常拍MV都係做人女朋友，一係開心甜蜜，一係狠心飛人。（安仔：釗峰都搵你做過！）係呀，但今次完全同你冇交流，大家都為咗人生奮鬥。」
觀看相關影片按連結：https://youtu.be/D18vmkZVR_4
雖然安仔與Yanny沒有同場演出，但他拍攝完畢後仍留在現場，更出動私伙相機為對方拍攝花絮靚相。另外，拍攝現場有三隻山羊，安仔和Yanny趁着空檔餵飼山羊，雖然場主提醒羊爸爸較惡，但當牠看見食物時，便主動親近，十分可愛。
拍攝現場有三隻山羊。
安仔趁着空檔餵飼山羊。
山羊看見食物便主動親近。
安仔直言與Yanny有不少共通點，例如都由組合轉為單飛，他又感恩表示去年的作品《戀愛腦之死》近期突然受到更多關注，認為時機難以預料。安仔說：「你永遠唔知個時機係幾時，大家要按照自己嘅節奏同標準去定義何謂成功。」Yanny認同說：「節奏慢嘅人都有自己嘅時間線，啲人成日話幾多歲要做啲咩，其實都係你自己去設計，唔應該每個人都一樣。」
MV圖片
MV圖片
