92歲譚倩紅近日家中暈倒檢查發現心率不正須安裝心臟起搏器

HotTV

92歲譚倩紅近日家中暈倒檢查發現心率不正須安裝心臟起搏器

2024年04月15日 21:30 最後更新：04月16日 15:53

譚倩紅手術後已無大礙，精彩依然好好，而且好精靈。

92歲的譚倩紅當年在TVB經典劇集《真情》中飾演「容姨」一角，深入民心，雖然自2004年淡出幕前後就安心享受退休生活，甚少現身於人前，但仍簡中出席圈中人的聚會，今年初曾與曾《真情》擔任編審和編劇的陳寶華見面，當時容姨依然好精靈，笑容亦很慈祥，但原來她近日試過在家中暈倒，檢查後發現心率不正，要安裝心臟起搏器。

點擊看圖輯

曾在《真情》擔任編審和編劇的陳寶華年初在IG貼出與「容姨」的合照！

曾在《真情》擔任編審和編劇的陳寶華年初在IG貼出與「容姨」的合照！

汪曼玲指容姨最近身體出了一些狀況。

影片截圖

觀看相關影片按連結：https://youtu.be/oHuPDGQmHK4?si=bjxm5WzP6D9I6tFb

譚倩紅日前接受資深傳媒人汪曼玲的訪問，汪曼玲指容姨最近身體出了一些狀況，容姨透露有一晚她吃完飯坐在沙發上看電視，當時天氣仍好熱，她就想行去關風扇，想不到一轉身就暈倒，幸好工人剛好走過，而她暈倒只是一剎那，好快就醒過來。

汪曼玲補充，指容姨女兒知道後好擔心媽媽的身體狀況，於是送容姨到醫院接受全身檢查，雖然身體並無大礙，但心臟科醫生提議帶心臟監察儀，觀察24小時心臟的情況。原本醫生建議帶兩日，但容姨女兒就要求媽媽帶足一星期，結果醫生檢查後，要求容姨必須安裝心臟起搏器，因為容姨平均心跳率曾跌至29。汪曼玲又透露，容姨話做完手術後，情況好了很多，沒有再覺得好攰，因來她初時以為攰是因為年紀大，想不到原來和心率不正有關。

事實上，容姨雖然已經92歲，但多年來身體狀況都很好，只在大約在9年曾接受白內障手術，至今視力不俗，耳仔亦仍聽得好清楚，思維更是好好，「我自己覺得好好記性。」

此外，譚倩紅透露在16歲的時曾經險喪命，「我12歲就跟任姐（任劍輝）......任姐幫我接班，係我嘅開山師傅，16歲嗰年跟咗錦添花劇團，陳錦棠一哥，有一班喺廣州，就要落鄉做戲，試過嗰次落鄉做就去到江門戲院，我仲記得嗰晚尾戲，演出《金鏢黃天霸》，尾場就有一場叫群雄大會，打北派全武行，我有份北派，因為未夠鐘出場，嗰晚黑尾戲，我就預早同阿媽就執齊晒啲嘢入咗畫艇先，散場唔洗咁匆忙」，想不到容姨行上船期間「差錯腳」，不小心跌落海，而且她又不會游泳，只能亂爬等人救，幸好最後被救回。容姨回憶起當時穿著的一對屐依然在腳上，「你話係咪好橋，整定你唔死就係死，我要捱世界㗎......我覺得生死有時，富貴由天。」

譚倩紅承認自己性格大情大聖，從來不記仇，「又唔係同佢做人世，大家朋友啫，你千祈唔好嬲人，你嬲人，人哋都唔知你嬲佢，咪盞自己辛苦。當我自己最唔開心、最難過嘅時候，我自己會話：算喇，一切由天定......人在做，天在看.....善惡到頭終有報，只係爭早定遲......所以我做人從來唔嬲人，亦都冇敵人，最緊要係平安健康。」

往下看更多文章

黃麗梅神隱12年罕見受訪平反「雞有雞味」金句：而家啲雞真係冇味道

曾以一句「雞有雞味，魚有魚味」成為全港熱話的飲食節目主持始祖黃麗梅（May姐），神隱12年後近日罕見現身，接受資深傳媒人汪曼玲（汪姐）網絡節目《快拍- 曼鏡頭》專訪，親自為經典食評平反，更大談近年生活與飲食觀察。現年62歲的她雖然外形較以往豐腴，但膚色紅潤、精神奕奕，比實際年齡更顯年輕，狀態極佳。

「雞有雞味」平反：現今雞肉真係冇味道
黃麗梅憶述，當年在亞視飲食節目中自創「雞有雞味，魚有魚味」食評，曾被網民恥笑為「廢話」。她在訪問中直言：「呢句我發明嘅，唔記得邊年，喺個飲食節目度講，後尾啲人就話我『黃麗梅傻嘅，雞緊係有雞味啦，唔通雞有菜味、有魚味咩』，成日畀人恥笑我，我都唔理。」但時移世易，她發現愈來愈多人認同：「而家啲人都話，May姐你真係好叻噃，而家食雞真係冇味道！飼養啲雞，28日出啲雞，一啲味都冇。」

她進一步解釋，現時香港大部分雞都是冰鮮雞，雞味不濃郁，肉質過分軟腍，與她年輕時吃到的新鮮雞完全不同。「新鮮劏、4小時內食用嘅雞係最好食，可惜而家好難搵到。你試吓返大陸食啲走地雞，好韌、咬唔到，但啲肉有汁又帶甜，真係有雞味！」

細緻拆解雞、魚、蟹的真正味道
黃麗梅在節目中不僅為「雞有雞味」平反，更細緻講解如何分辨雞的真正味道：「雞應該皮爽肉滑骨有味，就算玉米雞、三黃雞、清遠雞，每個地方嘅雞味都唔同。雞髀一組組肌肉，顏色有深有淺，香港冰鮮雞就全部白色，冇層次。」

談及魚和蟹，她同樣有獨到見解。她指出，現時大部分魚都是飼養，失去昔日鮮甜和脂香；而蟹的味道則與品種、成長階段、是否交配等有關，「一隻蟹由重皮蟹、膏蟹到水蟹，每個階段味道都唔同，食法亦有講究。」

息影後創業　專注手作美食
自2013年離開亞視後，黃麗梅轉戰內地創業，先後在廣州開設雲吞麵店及點心專門店，直至2018年回港。近年她專注於節慶手作食品生意，每逢新年、中秋等節日，親自製作蘿蔔糕、馬蹄糕、粽子、月餅、臘腸等，堅持新鮮製作、即訂即做，產品遠銷內地、港澳。她笑言：「一年四季都忙唔停，三個月一個產品，包裝、設計都自己做，唔會存貨，唔會浪費。」