洪卓立江門開騷擔心票房 驚訝封塵歌變求婚hit song

結果，音樂會當晚，現場2800個座位，座無虛席！

洪卓立（Ken）《The Other Planet 另一個星球》巡迴音樂會，日前去到江門一站，從未到過江門巡迴的Ken坦言知道要到江門開show，第一件事是想到當地美食，第二樣是擔心票房，「我喺度諗今次觀眾會推介我啲乜嘢呢？因為上次東莞站粉絲推介我食燒鵝，然後成個粉絲群全晚就係燒鵝嘅食物。第二件事就係點樣樂觀都會諗吓個票房，話晒我未去過江門巡迴，唔知人哋識唔識自己㗎嘛。」結果音樂會當晚，開售的二千八百個座位，座無虛席。

Ken《The Other Planet 另一個星球》巡迴音樂會日前去到江門演出。

全場座無虛席！

Ken表示每一場的巡迴都有自己想表達的訊息，向來不習慣亦不擅於表達自己的他藉着巡迴主題「The Other Planet」釋放自己，「每一場嘅medley部份，我都會加我自己想表達嘅諗法入去，透過唱歌同畫面講比大家聽，而medley最尾嘅一首歌就係核心思想。」

Ken指每一場的medley部份，他都會加自己想表達想法入去。

這次想表達的訊息是「告別娑婆」，Ken將過去三、四年來的一些想法透過歌曲展現，加上自己親手寫下文案，放在畫面跟觀眾分享，核心思想就是希望大家不要放棄，「自己經歷咗唔少事，我都冇放棄，亦都一步一步咁行返上舞台，所以我都希望將呢個訊息帶比現場觀眾。」對於作為歌手，除了娛樂觀眾，他自覺有責任帶出某些訊息，「例如係珍惜、例如唔好令自己後悔、例如堅持。」

江門站想表達的訊息是「告別娑婆」。

核心思想就是希望大家不要放棄！

嘉賓戰金意

嘉賓戰金意

演唱會尾聲，Ken除了預告下一站將於佛山舉行，更分享了一段小故事。在唱最後一首歌《目前》前，他表示出乎意料地不知道原來大家十分喜歡這首歌，「因為首歌係好耐之前，後尾我先至知道原來有啲朋友係攞呢隻歌嚟求婚。之前我去咗電台做訪問，DJ喺咪後同我講，『我老公都係用呢隻歌同我求婚㗎，如果佢唔係用呢隻歌，佢求婚唔成功㖭呀！」引得全場爆笑。Ken笑言「好驚」，「不過我覺得我喺呢個樂壇都有少少嘅貢獻，當大家去求婚，各位男士如果求婚嘅話，可以考慮吓用呢隻歌啦。」

與歌迷合照。

全場大合照。

洪卓立笑言唔知喊咗幾多，因為屋企個磅壞咗。

洪卓立（Ken）正於內地舉行巡迴演唱會，早前完成廣州及順德兩站，日前迎來全新巡迴的首站-東莞站。新一站亦有新主題，名為《The Other Plane音樂會》。演唱會上，Ken除了唱出多首歌迷耳熟能詳的歌曲，當中更特別挑選了一首已多年未有唱的《帶着骨灰去旅行》，感動全場。

洪卓立東莞站演出有新主題，名為《The Other Plane音樂會》。

上兩站音樂會主題「說故事的人」，緣於他兩年前的一個讓歌迷來信，訴說自己故事的社交平台節目，這次一公佈東莞站後，門票於兩分鐘內火速售罄，於是Ken便跟團隊溝通，想要一個全新的主題，「一路同創作團隊溝通，點樣改寫成個故事框架，重新做一個框架、新嘅rundown、新嘅故事內容。上幾場音樂會都係訴說有關『珍惜』二字，今場開始希望大家向前看，勇敢面對未來，到處探索，就好似到咗第二個星球一樣，經歷新嘅體驗。」

Ken指上幾場音樂會都是訴說「珍惜」，東莞站開始希望大家向前看，勇敢面對未來，到處探索。

音樂會上，Ken演繹了多首歌大家耳熟能詳、歌迷大愛的大熱歌曲，包括：《彌敦道》、《苦行僧》、《愛別等》、《少年遊記》及《帶着骨灰去旅行》等，當中《帶着骨灰去旅行》更是六年未有再唱。原來Ken於六年前的一個音樂會上，表示自己不會再唱這首歌，但由於有很多歌迷當年未有聽過，於是趁今次演唱會前，紛紛於網上留言，希望Ken可以再唱，一向愛錫歌迷的他為了滿足歌迷，決定將歌曲加入歌單，「今次喺呢個新嘅巡迴、新嘅theme入面，配合演唱會主題，演繹返呢首歌，事隔幾年冇唱，今次台上再唱，又有另一番新體驗。」

Ken在音樂會上演繹了多首歌大家耳熟能詳歌曲。

當中《帶着骨灰去旅行》更是六年未有再唱。

除此之外，在跟歌迷有限的聊天環節上，Ken表示十分感恩自己團隊，亦多次強調團隊的重要性，他又特別多謝和音，聽得現場觀眾十分感動。另外，音樂會上見Ken身形比之前似乎減磅不少，問他減了多少磅，他謂沒有磅過，並笑說：「因為屋企個磅壞咗，哈哈。而家盡量執行一日只食一餐。」

Ken為音樂會減磅不少。