巾幗梟雄之懸崖｜曾航生自爆遇上從演34年來最大挑戰突破「火爆極限」演窮兇極惡龍督軍

娛圈事

巾幗梟雄之懸崖｜曾航生自爆遇上從演34年來最大挑戰突破「火爆極限」演窮兇極惡龍督軍

2024年11月14日 14:30 最後更新：14:37

阿Sam透露拍攝時硬食勁多NG。

在台慶劇《健絡通25周年呈獻：巾幗梟雄之懸崖》第十五集登場的龍督軍（曾航生飾）由於生性貪財、橫蠻又兇殘霸道，連日來不斷要脅七爺（胡定欣飾）交出超大金額作軍餉，而且吓吓硬功要脅、不是喊打就是喊殺，去到激動時更會揮動皮鞭打爛家中物件甚至傷人，「殺傷力」強大，堪稱劇中最兇惡奸角。不過昨晚（11月13日）龍督軍終作繭自縛，死於柴十七（黎耀祥飾）及眾手下的亂槍之下。

點擊看圖輯

曾航生

謝雪心

謝雪心提供照片

在鏡頭前「手起鞭落、鞭鞭有力」的曾航生（Sam），私下原來「手無駁雞之力」，加上是次角色堪稱暴走Level，令即使有「TVB御用奸人」之稱的Sam亦大嘆遇上極大困難。阿Sam受訪時坦言起初入劇組時，雖然自覺已做足功課，但面對監製不收貨之餘，還要硬食勁多NG，Sam笑言：「今次呢個角色可以話係顛覆式嘅演繹，成個過程學到好多嘢。第一日開工我本身以為自己做足功課，背熟晒劇本、喺屋企亦試演咗；但去到現場先發現原來自己唔夠爆、唔夠惡，但我試演時覺得自己已經去到最惡嘅極限。」

Sam續說：「第一日拍真係有啲壓力、唔係好習慣，初頭捉唔到導演把尺都有啲失措，唔知點處理好，最記得有一場戲我要拍枱鬧定欣同祥哥，嗰場戲拍咗好耐、Take咗好多Take，監製嚟咗現場同我面對面傾。」Sam又感恩黎耀祥在旁鼓勵及給予意見：「佢有畀個佢覺得適合我性格嘅演繹方法出嚟，但監製就覺得我有潛力可以再去盡啲，最終監製嘅指引令到我開咗竅，之後演起上嚟就好過癮。經過今次嘅訓練，自己都覺得原來曾航生都有啲地方可以再提升，係一個好好嘅鍛煉機會。」

劇中鞭不離手的Sam，笑言現場受訓及拍攝時不但笑料百出、且險象橫生令他慘變生人勿近：「因為嗰條皮鞭係真嘅，第一有啲重量，第二佢係有威力嘅，我每次發出去真係啪啪聲。所以當曾航生喺現場試嘅時候，真係一揮出嚟，大家都嘭一聲四散。」

此外，昨晚還有一個搶焦場口，劇情講述薇姨（謝雪心飾）欲圓龍四海（蕭正楠飾）心願帶其拜柴十七為師，十七為令四海死心，竟逼令四海飲其口水尾，令薇姨氣上心頭、鬧爆十七！就在四人拉鋸之際，身穿旗袍的心姐，意外地露出一雙美腿，不但線條修長，皮膚狀態也很好，年屆71歲雙腳仍如此保養得宜，著實令人佩服。其實心姐大晒美腿早有前科，心境依然勁青春的她，早前以cosplay造型在內地出席動漫節活動時，已獲大讚皮膚白滑。

談到保養心得，心姐笑言要多謝父母：「真係要多謝媽咪，皮膚真係有啲先天嘅，因為我一向都唔係好識保養，尤其我哋以前一路係運動員，連防曬都唔識用，真係要多謝父母嘅遺傳。依家我有時返內地拍戲係乾燥啲，就會幫對腳搽吓cream。」翻查資料，因體弱學習游泳的心姐，小學時候已參加由香港舉辦的渡海泳，並憑擅長的背泳曾經奪得多項游泳獎牌，認真多才多藝。

往下看更多文章

巾幗梟雄之懸崖｜孖黎耀祥相隔16年再度走難兼趴地胡定欣笑言：世事太微妙

2024年11月12日 13:30 最後更新：11月13日 13:53

昨晚重現《巾幗》經典趴地場面！

台慶劇《健絡通25周年呈獻：巾幗梟雄之懸崖》（下文簡稱《巾幗4》）昨晚（11月11日）引爆《巾幗》經典回憶位，劇情講述七爺（胡定欣飾）和柴十七（黎耀祥飾）為了配合戒嚴於大街大巷走難兼趴地，二人更因於趴地期間「郁身郁勢」，險遭軍人嚴懲。對此，監製方駿釗（嘟嘟）引爆集體回憶，指胡定欣與祥哥於2008年播出的《巾幗梟雄》中，亦曾因走難齊齊趴地；翻查舊片，當時二人走難的場面更加混亂，飾演夫妻的二人要「飛撲趴地」避爆炸，相當考身手。