COLLAR成員Day許軼推出首支個人單曲《Wait A Second》，MV邀范俊業兒子Kenji范麒智飾學生角色。她坦言首次單飛緊張，籌備數月赴日排舞，隊友探班打氣。歌曲由謝國維監製、陳詠謙填詞，Day盼登頒獎台，延續COLLAR單飛佳績。MV拍攝中Kenji笑稱Day慢熱卻有趣，展現默契。
Day首支個人單曲《Wait A Second》由謝國維編曲監製、陳詠謙填詞。
繼Marf邱彥筒、Winka陳泳伽、Sumling李芯駖「單飛」獲得好評後，女子組合COLLAR成員Day許軼，亦於昨日（4日）推出首支個人單曲《Wait A Second》。作為Day的「單飛」頭炮，曲風以快歌為主，既有擅長的跳舞元素外，亦有Live Band元素，更邀請了人氣小鮮肉Kenji范麒智擔任MV男主角，二人在MV以學生Look上陣零違和感，不過首次「單飛」出歌的Day自言心情既緊張又不習慣。
點擊看圖輯
Day首支個人單曲《Wait A Second》由謝國維編曲監製、陳詠謙填詞。
Day與Kenji范MV以學生Look上陣。
COLLAR姊妹探班為Day打氣。
Day許軼推出首支個人單曲《Wait A Second》。
Kenji笑言第一次跟Day交談感覺十分緊張。
Day與Kenji范MV以學生Look上陣。
日本排舞一絲不苟
新歌《Wait A Second》意旨停一停，是首青春幻想曲，由謝國維編曲監製、陳詠謙填詞，Dear Jane成員Nice黎俊華負責打鼓，幕後團隊陣容鼎盛，Day表示：「今次首歌用咗2、3個月時間籌備，比團歌過往用2、3星期去完成嘅時間長，事前同咗各方面嘅藝術總監傾咗好耐，花多咗好多時間去構思，特別喺錄音方面，錄咗3次，排舞亦特別去咗日本揾當地排舞導師去排。」
COLLAR姊妹探班為Day打氣。
姊妹探班窩心打氣
作為第四位「單飛」COLLAR成員，Day坦言心情非常緊張：「感覺係既擔憂又唔習慣，但有啲興奮，好緊張第一次拍MV冇其他成員喺身邊，好驚，但好彩今次搵咗一班跳舞好朋友嚟參與MV入面角色，叫有朋友陪就安心啲。」MV拍攝期間，COLLAR成員Ivy蘇雅琳、Gao沈貞巧同Winka陳泳伽亦專誠到場探班，為Day打氣，表現窩心。Day表示：「隊友們有畀好多意見我，由未出歌就幫手諗，我有Send首曲畀Gao聽，佢已經幫手作啲搞笑嘅歌詞。」
Day許軼推出首支個人單曲《Wait A Second》。
滿有憧憬上頒獎台
提到終於「單飛」出道，Day透露背後原來是一眾COLLAR隊友出力推動：「其實我一直好嚮往團體，但同隊友傾偈，佢哋都有自己嘅發展，大家畀咗好多鼓勵我，叫我不如都試下，做啲自己想做嘅歌，於是我就嘗試。」過往COLLAR成員「單飛」都有好成績，問到Day會否感到壓力？Day說：「冇壓力！今年大家都有各自發展同自己嘅作品。對獎項方面當然有少少期待啦，因為親眼目睹Marf同芯駖攞獎，當時望到佢哋行上頒獎台攞獎，我都好開心好激動，都有幻想當我上台攞獎，佢哋幫我拍掌嘅情況。」
Kenji笑言第一次跟Day交談感覺十分緊張。
初拍Kenji表現緊張
在《Wait A Second》MV中首度跟Day合作的Kenji，笑言第一次跟Day交談感覺十分緊張，他表示：「其實我本身好緊張，不過我個人好衰，見到對方比我仲緊張，我個心就會安定咗；拍第一個鏡頭時，我同佢（Day）傾偈，佢有少少僵硬，我問佢係咪I人，佢話自己係超級I，其實佢只係慢熱，之後講多少少嘢，發現佢個人其實都幾fun。」
