基仔笑言：「我哋其實好多budget，但係我哋想用一個low cost嘅方法去呈現。」
古巨基早前帶隊跟程人富及海兒（Hedy）拍攝新節目《I really LOVE to Travel》，首站玩爆日本環球影城，由於三人拍的reels獲網民大讚，所以這次基仔決定再下一城，同時亦是回饋大家，以「low筆（低成本）」拍攝，還原廿二年前《任天堂流淚》MV，不少網民看完都大讚製作認真兼笑爆嘴。
點擊看圖輯
古巨基與程人富、海兒拍攝新節目《I really LOVE to Travel》。
古巨基與程人富、海兒拍攝新節目《I really LOVE to Travel》。
觀看相關影片按連結：https://youtu.be/cLSufwM3Upo
《任K房流淚》MV由程人富飾演基仔、Hedy飾演當年MV女主角李彩華，除了二人，基仔亦在MV中穿插，還原當年MV的鏡頭。有網民看完廿二年前的MV對比，都指基仔完全冇變過，更好奇他食甚麼防腐劑，基仔笑說：「盡量唔瞓覺、食麻辣鍋、燒烤，啤酒一定要啤㗎啦、紅酒啦、威士忌都飲少少，全部加埋就一定可以防腐。」
程人富和Hedy飾演MV男女主角。
基仔笑指今次MV賣點是「low筆」製作，「我哋其實好多budget，但係我哋想用一個low cost嘅方法去呈現。」雖然低成本製作，但當中的細節位誠意十足，程人富在MV中的服裝，是由「服裝部同事」基仔提供，「佢身上嘅幾套衫，真係廿幾年前拍《任天堂流淚》MV裏面我着嘅衫嚟嘅，我摷返佢哋出嚟，收藏咗咁耐，原來都冇穿冇爛。」「冇穿冇爛」的還有基仔，「我頭先都着過一件，都啱身，肥瘦冇乜變，哈哈。所以呢個珍藏，再復刻番喺呢個MV，程人富成個人似晒呀。」
程人富在MV中的服裝由「服裝部同事」基仔提供。
基仔自己都有試著其中一件衫，而且仲著得落！
至於首次任MV女主角兼演戲的Hedy指這次非常好玩，「第一次同兩位實力男演員拍攝，的確學咗好多嘢。我仲以為我哋真係要去個郊野公園嗌，low cost先好笑。呢個MV通宵拍咗十五個鐘，因為用咗十四個鐘笑，哈哈。」
Hedy大讚好玩！
觀看相關影片按連結：https://youtu.be/4YUVk_Y0cIA
劉洋與黃博僅相差1分！
《香港何濟公止痛退熱散呈獻：中年好聲音3》逢周日晚上8點翡翠台播映，節目由車婉婉擔任主持，評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審，本集更邀請了音樂情人鄭子誠用靚聲帶觀眾進入《中年3》20強競賽。
劉洋獻唱《一千個傷心的理由》獲得96分成本集最高分數。
肥媽讚劉洋演出如同演員投入角色一樣，唱出感情。
周國豐話好似享受緊一個表演者嘅表演咁精彩！
海兒激讚係感情與技巧嘅完美混合體！
昨晚（3月9日）一集是20強晉身16強一對一PK賽下半場競選，本輪最高分數的演出，是劉洋獻唱的《一千個傷心的理由》，獲得96分超亮麗成績，劉洋分享選唱此曲是因為一位好哥哥：「第一次聽這個歌，是我一個好哥哥唱，他唱這首歌當時淚流滿面，我也差一點……」說到此不禁眼濕濕，鐵漢劉洋也有柔情的一面。
陳溢光獻唱《活著VIVA》獲得85分。
同劉洋PK失敗。
周國豐指由於歌曲結構簡單，加上歌詞重覆，極考唱功：「對於作為評審，最正係我哋好多時睇參賽者表演，會戥佢驚、戥佢擔心，但剛才嗰3分幾鐘對我嚟講，係享受緊一個表演，根本唔覺得比賽緊。」海兒則激讚劉洋為「感情與技巧的完美混合體」：「我唔覺得佢係想做一啲技巧出嚟譁眾取寵，或特登咇啲感情出嚟，好純粹去唱心中所想。佢唱咁澎湃嘅歌，我都唔會覺得太多，仲會想聽下一首、再下一首！」
黃博獻唱《我的愛》獲得95分，成第二高分。
張佳添讚好聽到已經入咗去，左腦熄咗唔再想分析！
陳曉東讚黃博演出揮灑自如。
何平秋亦輸咗畀黃博。
黃博比賽數天前患感冒失聲
「女大魔王」黃博獻唱的《我的愛》、則獲得95分第二最高分，黃博透露選唱此曲原來跟十多年前一次歌唱比賽有關：「嗰時準備下round唱呢隻歌，結果（未唱到）就被foul。其實就係想講曾經有好多遺憾，如果你堅定去愛，一定可以搵番返嚟。」黃博又指錄影前數天因患感冒失聲，幸好錄影當日已回復狀態：「今日搵番把聲其實都好感恩。」張佳添大讚黃博唱出個人特色，讓他聽得如痴如醉：「音色好靚，開始（都仲）喺度分析（佢唱成點），慢慢已經唔記得咗（做緊評判），已經入咗去，好好聽，我左腦熄咗，唔想分析！」陳曉東則謂：「聽到無奈，聽到追尋，又聽到堅持。同埋佢好揮灑自如，隨時可以轉另一種氣聲，我覺得好好。」雖然黃博所得分數比劉洋低1分，但最終東東仍選了她為本回合MVP，更以「驚喜的存在」形容黃博。
本回起頒發名次紀念襟章。
第18名：陳溢光
第17名：何平秋
第19名：陳嘉琦
第20名：李創偉
本集跌入「中年危機區」的分別是阮慧珊《留低鎖匙》85分、善玥澄《唯一》分87、陳溢光《活著VIVA》85分、何平秋《（你沒有）好結果》86分及羅逸軒《仍然是最愛你》86分，最終評審們決定淘汰陳溢光和新馬區選手何平秋，其中陳溢光在後台分享感受時不禁落下男兒淚：「我諗我收埋咗（自己）廿年，廿年冇喊過，呢個舞台令我記番起最初唱歌係咩樣。」何平秋則感謝胞弟何平亮一直鼓勵自己追尋歌唱夢，亦感恩歌唱老師爸爸自小教她唱歌。另今季製作組還特意製作了名次紀念襟章頒贈予20強參賽者，昨晚一集頒發了第17名-20名，分別為第20名的李創偉、第19名的陳嘉琦、第18名的陳溢光及第17名的何平秋，別具意義。
陳溢光淚灑後台。
何平秋分享感言。
黃博成本回合MVP。
16強名單
