克勤直言為養家沒辦法。
李克勤亮相《善心滿載仁愛堂》，他表示從報章看到陳柏宇疫情下「幾乎乞食」的報道，多月來沒有工作花掉老本過百萬，他亦感同身受。克勤同樣是由1月起幾乎沒有工作，坦言在香港沒有收入，稍後會回到內地工作。
李克勤謂現在冇得唱所以返TVB唱。（東星圖片）
東星圖片
克勤指往常都是即日來回、或者留一個周末，現在單是來回隔離便是一個月，若加上工作一離開便是兩個月起，克勤更指大仔不捨得他離家工作，「大仔問我可以不去嗎？我問他是不是不用食了，可以不搞生日會嗎？太太都不想我走，但真的沒收入、養家沒辦法。」
東星圖片
對於陳柏宇為女兒花百萬老本，克勤苦笑：「我兩個小朋友、再多隻狗！相信業內大家都慘，不少幕後更轉行了！」
陳柏宇一家三口。
李克勤亮相《善心滿載仁愛堂》節目。
克勤更爆料指昔日「爆期」的紅館，反過來問他有期有否興趣演出，但疫情變化太大都不敢接，亦希望盡快見到疫後第一場紅館演出成事，代表娛樂事業復甦，「現在沒得唱，在TVB唱囉！」
二人是由20歲就相識的好朋友！
陳慧嫻40週年演唱會《The Fabulous 40 Priscilla live in Hong Kong》來到第三場，邀請了好朋友李克勤任嘉賓，慧嫻台上跳到甩褲，叫克勤幫手搞，又吩咐克勤，唔好咁辛苦為兒子賺錢，等佢地白手興家！
陳慧嫻第三場演唱會。
邀請了好朋友李克勤任嘉賓。
休息一日之後，慧嫻昨晚（1月24日）再返紅館，依舊狀態大勇，氣氛比前兩晚更熱烈，整晚都全場大合唱歌聲震館，令她十分開心，不知是否觀眾反應熱烈，慧嫻亦被帶動忘我，跳舞環節興奮跳到甩褲，當她與克勤完成《跳舞街》之後，立即大叫：「克勤呀！我唔知係咪瘦咗呀...我條褲甩左落嚟，我入面個條打底褲呀.....你幫我搞搞得唔得....」李克勤就尷尷尬尬笑住話：「我有家室㗎啦喎....」慧嫻：「唔緊要啦，當睇唔到啦今晚....」克勤：「搵個女dancer過嚟啦，過年流流.... 」引得觀眾大笑。
二人合作唱跳《跳舞街》。
掀起全場高潮！
慧嫻更興奮跳到甩褲。
兩個由20歲就相識的好朋友，從寶麗金年代已經同一間唱片公司，兜兜轉轉又再於新公司英皇娛樂中做回同事，慧嫻表示：「佢係李克勤！佢藉得啟德個館咁大掌聲呀！」克勤笑道：「咁客氣呀，識咗幾十年...」慧嫻即說：「就係識咗幾十年，我哋好少係台講真心話，通常真心話都係我哋係電話講，佢真係一個天才嚟㗎！我做咩都問佢意見，今次演唱會佢都特登第一場就嚟睇，又俾咗好多意見我，好多我諗唔到嘅嘢，佢都諗到。咁多年，我做咩節目，接咩工作，佢都俾好多意見我，我乜都問佢，不過近半年我見你不停咁巡迴演出，飛去呢度飛去個度，我都唔敢打咁多電話俾你，有時見到都覺得有啲心痛，做咩咁辛苦啊？」
二人由20歲就相識。
克勤回話：「嘩，我有少少眼眨淚光添，我家庭負擔重嘛。」慧嫻訓話道：「你唔好咁辛苦！等佢哋好似你咁白手興家！自己賺錢！」觀眾即掌聲雷動，克勤笑道：「我都要洗㗎，男人需要安全感嘛，我咪努力搵錢囉。」慧嫻：「係啦，你重係一個細路，你重要砌嗰啲咩go嘛。第日我冇得食，唔該你救濟下我啦，as my best friend ，我知你一定會，我依家落去換衫，你同我唱半個鐘啦。」
從寶麗金年代已經同一間唱片公司，兜兜轉轉又再於新公司英皇娛樂中做回同事。
之後克勤獨唱時謂自己為了這個好朋友，第一晚刻意就來捧場，「我都未試過做人嘉賓要跳舞嘅，誠意十足㗎啦，睇咗一次先，有定心理準備。今晚揀左一首慧嫻冇係演唱會揀嘅歌比大家，如果大家鐘意，一陣熱烈啲一齊唱。」接著唱出慧嫻的經典名曲《去吧》，「行走CD」果然名不噓傳，令觀眾聽出耳油，熱血沸騰。
克勤第一晚已來捧場。
今場又唱出慧嫻的經典名曲《去吧》。
