COLLAR推出新歌《OFF/ON》MV 不婚主義Marf披婚紗零憧憬

Marf：「人生to do list冇呢個剔剔。」

由Marf（邱彥筒）、Gao（沈貞巧）、Day（許軼）、Soching（蘇芷晴）、Candy（王家晴）、Winka（陳泳伽）、Ivy（蘇雅琳）及Sumling（李芯駖）組成的新生代女團COLLAR，自年初成軍後短短半年，推出年度第四支團歌《OFF/ON》，跳唱歌曲節奏澎湃，內容講述8位成員經食吹波糖後，就好似「撻着」靈感一樣，由現實的納悶生活，走進充滿幻想的空間，從而帶出活出真我的主題。

女團COLLAR成軍後半年，昨日（15日）推出第四首團歌《OFF/ON》 。

日前COLLAR為新歌《OFF/ON》拍攝MV，為演繹沉悶與幻想世界，拍攝期間8位成員交足戲，以不同的酷爆造型亮相，其中Candy浸浴造型上陣、Marf就以婚紗Look示人、芯駖則要瞓「男友」大腿、Gao被綑綁車尾箱等，對於披上婚紗造型亮相，Marf表示並非首次着婚紗：「之前都着過婚紗拍嘢，不過第一次戴頭紗，同埋第一次咁凝重要攞花球，我覺得呢個主題好襯我，結婚結到好納悶，因為我本身對結婚冇乜幻想。我係咪不婚主義？冇特別幻想，人生to do list冇呢個剔剔。」

Marf演慘情新娘，現實不婚主義。

Gao被綑綁車尾箱。

Candy浸浴當消暑。

Day天然呆舞出悶味。

至於以浸浴Look示人的Candy，雖然要在水中浸一個鐘，但她表示很享受：「比想像中舒服，可能天氣熱，加上係暖水，唔會浸到打冷震，喺一個好舒服狀態拍攝。」而瞓在「男友」大腿的芯駖，透露「男友」大腿是女工作人員所扮，笑言瞓到對方血液不循環。


Ivy穿火辣性感紅裙最養眼！

Soching表示今次MV最考起的地方是跳舞唔准有表情！

Winka直言不許有表情，反而更會手腳不協調。

Sumling 要瞓「男友」大腿。

每次拍MV，COLLAR都有不少趣事發生，今次亦不例外，為了營造納悶氣氛，導演要求8位成員就算跳舞都要木口木面、毫無表情，對此Winka、Soching表示被考起，Soching說：「以為唔畀表情跳舞會容易啲，但原來比平時跳舞難，更容易甩step。」Winka直言不許有表情，反而更會手腳不協調，不過Day就笑言是做回「自己」：「平時戴口罩跳舞都唔會有表情，所以都係做番自己。」

此外，提到在MV中，8位成員要食吹波糖吹波，眾人一致認為Ivy食吹波膠最耍家，不過Gao就踢爆Ivy「出貓」：「人哋食兩粒吹波糖，佢食咗八粒，用八粒嚟吹。」

COLLAR人氣爆燈！

Sumling透露買了好多手信給隊友們。

樂壇女子組合COLLAR成員Sumling李芯駖，日前代表主演電影《望月》，到日本福岡出席由香港國際電影節協會主辦、文創產業發展處贊助的巡迴影展「光影浪潮 - 香港電影新動力 2024」，向世界各地宣揚香港電影，同場還有《武替道》導演Herbert梁冠舜及《贖夢》演員Brian李凱賢。首次撇低COLLAR成員，獨自出埠的Sumling，坦言今趟旅程難免有點孤寂感，但她仍感恩有今次機會，她笑言出發前還嘗試學好幾句日語，跟日本觀眾打招呼。

芯駖、導演Herbert梁冠舜、Brian李凱賢

芯駖、Brian李凱賢

Sumling過往曾到日本拍攝團歌MV及綜藝節目，不過為電影出埠卻是首次，她表示：「覺得同日本好有緣分，之前好多工作都喺日本發生，不過今次非常緊張，好擔心唔識同日本觀眾溝通，慶幸有位非常好嘅翻譯，其實我出發前都有嘗試學一兩句日文，嚟同日本觀眾打招呼。」

Sumling出發前特意學了一兩句日文同日本觀眾打招呼。

首次獨自出埠，Sumling表示不太習慣，她說：「平時一定係一大班姊妹喺身邊，好似之前日本拍《idc》MV，最少人一次都有Gao同我一齊喺日本拍旅遊節目，今次得自己一個，有啲孤寂感，我成日上網update吓，睇佢哋做緊咩，我都買咗好多手信畀佢哋。嚟到日本，見到便利店，就會諗起COLLAR拍MV時，一齊去便利店狂掃嘢食，去舖頭買衫，平時會一齊街拍，你拍我，我拍你，今次得我一個，影少咗好多相。」

Sumling對獨自出埠，表示不太習慣。

提到年底有不少樂壇頒獎禮舉行，今年單飛出歌的Sumling，對於新人獎可有盼望？Sumling指：「反而係平常心，因為出作品，我係好享受過程，好喜歡整個作品由零開始，去到誕生，箇中經歷係好開心，呢個亦係令我想做更加多作品嘅動力，所以重點係作品，對獎項未有太大盼望。」

Sumling對獎項保持平常心。

去年好姊妹Marf邱彥筒成為女新人，對此，Sumling可有壓力？她說：「上年Marf成為女新人，好戥佢開心，好proud of佢。我又冇壓力喎，無論喺團或solo都有好多作品，獎項如果有係感上添花。」未知可會邀請媽媽出席頒獎禮？Sumling笑言媽媽年紀大，留在家中舒舒服服看電視好過。