港產片又再揚威海外！由新晉導演曾慶宏執導，毛舜筠、Edan、Anson Lo主演嘅電影《過時·過節》，獲選今屆釜山國際電影節參展電影，10月初喺當地舉行世界首映，導演屆時亦會飛去當地同觀眾見面。
《過時·過節》以親情為主軸，亦探討三代人嘅世代矛盾。故事講述八年前一場「混亂冬至飯局」發生後，各位家庭成員心存芥蒂，自此為食一餐齊齊整整嘅冬至飯都傷盡腦筋。故事係導演受自身家庭經歷而啟發，相信亦係唔少香港人嘅心底故事。
當然套戲嘅焦點，或者會落喺《大叔的愛》拍檔Edan同Anson Lo度，但其實導演一樣大有來頭。畢業於中大新聞與傳播學院嘅曾慶宏，曾任港大客席講師，又喺《明報》「星期日生活」撰寫專欄。2018年，佢憑《下雨天》奪得第12屆鮮浪潮國際短片節「鮮浪潮大獎」及第六屆「張國興傑出青年傳播人獎」。
《過時·過節》將於11月喺香港上映。
霸戲哥
** 博客文章文責自負,不代表本公司立場 **