陳柏宇對於教育兩位寶貝女環保概念十分嚴謹。
由環境運動委員會、環境及生態局、機電工程署合辦，環境及自然保育基金撥款資助的《「綠色出行 零碳未來」新能源巴士體驗日暨嘉年華》，昨日（3月2日）於九龍灣建造業零碳天地舉行，大會邀請了歌手陳柏宇（Jason）擔任表演嘉賓，現場演唱了兩首歌，並分享實踐綠色低碳生活的心得。
陳柏宇（Jason）昨日（3月2日）出席「綠色出行 零碳未來」新能源巴士體驗日暨嘉年華。
柏宇在活動上表示十分支持環保，尤其香港引進了第一部新能源巴士，認為值得大力推行，而對於教育兩位寶貝女環保概念他亦很嚴謹，他說：「大女（陳羿辰 Abigail）由細個開始，已教她擦牙唧牙膏時要關水喉、沖涼唔好不停開著花灑搞咁耐、無論睡房及客廳要識關燈，唔好長開著，出街一定帶備環保袋，食早餐堅持唔外賣。」
柏宇在活動上分享實踐綠色低碳生活的心得。
現場演唱了兩首歌。
他並謂雖然細女陳星晴（Audrey）仍未夠一歲，但已經以身教示範環保，例如洗手塗梘液時關水喉，沖水時才開水喉，與及分類放入不同環保箱，由她BB開始將環保成為她的生活習慣，他表示：「依家小朋友都佷幸福，有工人姐姐或者大人們都會幫他們執手尾，而我要兩個女自己動手執手尾，唔會幫佢地，而且作為家長，身教係好重要。」
柏宇對於教育兩位寶貝女環保概念十分嚴謹！
陳柏宇 milet 世紀同台，首度獻唱中英版新歌
陳柏宇 Jason 昨晚 (7日) 於日本人氣歌姬 milet 的亞洲巡迴演出香港站《milet Asia Tour 2024 in Hong Kong》驚喜登場擔任演唱會嘉賓，港日同台獻唱特別版新歌，為全場觀眾帶起高潮。
陳柏宇 Jason 擔任 milet 演唱會演唱會嘉賓。
Jason 及 milet 繼今年 7 月於日本為中、英文版歌曲〈Cheat Day (feat. milet)〉、〈Out of the Loop〉錄音及拍攝 MV 後，相隔 4 個月後再度合作，首度現場獻唱〈Out of the Loop〉。甫上台 Jason 便說：「多謝你嘅邀請，我好興奮，因為今次係我哋第一次 live 演出，仲要係唱兩首歌嘅 mash up，知道你為咗唱廣東話落咗好多苦功！」milet 道：「廣東話啲發音真係好難！錄完之後其實都唔係太滿意自己嘅發音。」Jason 二話不說大讚 milet：「你做得非常好！（對著觀眾問）你哋話係咪呀？」樂迷隨即吶喊歡呼。故此，這次同台合唱的版本也特意保留〈Cheat Day〉的幾句歌詞，如「巴打 絲打 仲去死 chur 咪啦」「要一次攞晒啲大假 快啲去天腳底渡假」等，重新編排後的中英 mash up 版本為樂迷帶來耳目一新的感覺。
甫上台 Jason 便多謝邀請
二人見面後亦隨即交換禮物，Jason 除了送上鮮花、也準備了最新專輯《LIFE IS HARD》，當中收錄了與 milet 合唱的兩首歌曲。Jason 於日本首次與 milet 碰面時送上了她最喜愛的香港零食 － 黑加侖子軟糖，更將其縫製成一個斜孭袋給她穿上。今次當然也不例外，Jason 特意準備了更大包裝的軟糖，milet 接過後也開心得笑逐顏開。
二人見面後亦隨即交換禮物
milet 接過後也開心得笑逐顏開。
合照
