John哥入行至今仍保持初心！
藝人姜大衛（John哥）日前 (17日) 接受新城廣播節目《QK玉瑛室》主持譚玉瑛、何基佑及麥皓兒訪問，童星入行至今已73年的John哥，直言當初是父母帶入行，「我父母都係做呢行，咁啱又要搵小演員，嗰時都冇得揀，係個天揀我，後來觀眾揀，直到依家。」
姜大衛接受新城《QK玉瑛室》譚玉瑛、何基佑及麥皓兒訪問。
John哥直言入行至今都保持初心，由於是自己喜歡的職業，所以就算有多辛苦都不會有怨言，「我一生人過得都幾燦爛、幾滿足，4歲由童星做到依家，完全冇埋怨過，唔知點解，一定係好鍾意呢行，唔覺得攰。」John哥又指小時候拍戲很開心，因為可以賺錢又不用上學，「我十幾歲就做主角，五百蚊一部戲，後期做武師就鍾意拍打戲，邵氏搵親我哋都係拍武打片，當年後生唔知咩叫辛苦，日頭打完，夜晚收工就出去打保齡、打枱波。」
John哥入行73年。
John哥大爆與太太李琳琳相識經過是在婚禮上。（本網記者攝）
John哥和太太李琳琳結婚至今携手走過50年，他大爆兩人相識經過是在婚禮上，「當年石天結婚，佢做伴娘，我同朋友去飲，其實同佢都識，但唔係好熟，之後梗係我追佢啦！」譚玉瑛聞言表示：「當時喺觀眾眼中，佢（李琳琳）好似飛女，成日着迷你裙又化粧，係時代尖端女性，就算你成日拍武打片，但你又好文靜。」John哥笑言：「我都唔知鍾意佢啲咩，係緣份。」
姜大衛與譚玉瑛
何基佑問John哥當時與李琳琳拍拖有什麼考量？John哥形容兩人是敢作敢為，「真正嘅明星係唔可以公開戀情，驚粉絲唔鍾意，同埋影響票房，但我個人好反叛，覺得結婚好正常啫，我仲係奉女成婚，冇大排筳席，我哋係天主教徒，只係去教堂結婚，夜晚飲完第二日就飛咗去度蜜月。」John哥續說：「我係飛仔，佢係飛女，都係反叛，但結婚係我哋私事，唔需要交代，只要我向佢交代，佢向我交代，好聽啲係前衛，我哋係為咗目的不擇手段。」
詳細節目內容，請重溫6月17日，下午3-4時，新城知訊台《QK玉瑛室》節目，收聽網址：https://www.metroradio.com.hk/MetroInfo/
多位星級好友現身支持Gigi姐，以及交流烹調心得。
最近串流平台推出的飲食節目掀起熱潮，不少港人亦燃起對烹飪的興趣，尋找不同的亞洲菜食譜，以炮製美味佳餚。適逢這個狂熱，荃新天地今日邀請到廚藝了得、兼出版了14本食譜的資深演員及烹飪專家黃淑儀（Gigi姐），現身介紹其全新食譜 —《Gi味滋味合集烹飪秘笈2024特別版》，以及其首次限量發售的獨家秘製「Gi味黑金醬」。
Gigi姐推出全新食譜《Gi味滋味合集烹飪秘笈2024特別版》。
活動中，Gigi姐大展身手，示範如何以「Gi味黑金醬 」入饌，炮製其拿手菜式—黑金醬炒飯。而Gigi姐多位星級好友，包括譚玉瑛、陳松伶、張鐸、錢家樂，以及鄧達智，亦有到場交流烹調心得，預祝Gigi 姐新書大賣，並化身小助手協助Gigi姐完成菜式。及後各人亦有份試食，驚嘆Gigi姐的手藝非凡，黑金醬的風味甚具層次，令人垂涎。
Gigi姐即場大展身手。
炮製其拿手菜式「黑金醬炒飯」。
Gigi姐多位星級好友亦有到場交流烹調心得。
Gigi姐多位星級好友亦有到場交流烹調心得。
同場Gigi姐亦擔任了S⁺ REWARDS會員煮食工作坊的導師，教授現場觀眾烹調黑金醬菜式。不少參加者大讚Gigi姐的煮食貼士實用，獲益良多。
Gigi姐亦擔任了煮食工作坊的導師。
入廚66年對烹飪熱誠有增無減 創香港品牌推食譜研醬汁瓣數多多
活動中，Gigi姐透露自己早在8、9歲就已經在廚房揸起鑊鏟，並向鄰居偷師學藝，並反覆從失敗中學習，才開始研發菜色及鑽研菜譜：「我一開始煎魚時連要燒熱隻鑊都不知，後來我成功煎好一條紅衫魚，我爸就當場獎勵了我一個5毫。原來成功煮到餸，是會得到家人的肯定，對我來說很有成功感！」
Gigi姐透露自己早在8、9歲就已經在廚房揸起鑊鏟。
時至今日已經入了廚房66年，Gigi姐更創立了一個全新的香港品牌「GiGourmet ｜ Gi 味滋味」，希望讓在電視螢幕前與其成長的每一個港人從美食感受美味，還有濃濃的人情味。除了自家研發醬汁，今年亦推出第15本食譜，內容包羅萬有，集佳餚、湯膳及醬料於一身，包含多個煮法。當問到今次食譜中最大的賣點，Gigi姐認為是「貼地」，食譜中所選用的食材都能在一般市場中買到：「一個家庭主婦突然可以去哪裏找黑毛豬？一般人不會特地去找這些特別食材，所以我書內寫的材料都是季節合適、買得到、方便的。」
Gigi姐認為今次食譜中最大的賣點是「貼地」。
Gigi姐好友陳松伶亦很認同，大讚Gigi姐的食譜簡直就是天書：「除了貼地，我更加喜歡食譜是以卡的形式推出，想煮甚麼菜就拿出來放在廚房，非常方便，又不容易弄髒。」另外今次推出的食譜，有三種語言，包括中文，英文及印尼文，非常貼心，適合大家鑽研。
陳松伶（左）大讚Gigi姐的食譜簡是天書。
大合照。
