香港小姐2024丨樂易玲何小慧回應港姐合約苛刻風波 直言：都係為咗保障佢哋

近年關於港姐合約問題真係風波不斷！

《2024香港小姐競選》15位候選佳麗今日（7月15日）正式會晤傳媒，今年有不少佳麗大爆被合約「嚇到退賽」，並指出TVB給她們的合約高達一百多頁，電視廣播有限公司助理總經理（藝員管理及發展）樂易玲和製作部高級經理（非戲劇製作）何小慧一同接受訪問做出回應：「其實香港小姐嘅合約經過公司好嚴謹審批，咁多年嚟我哋都好認真想搵到一些佳麗真的有心，經過呢個比賽，不論輸定贏，可以代表香港做一些宣傳，畀人知道香港女仔好嘅一面，所以佢哋一定要有呢個心同埋志向，仲有好多佳麗對我哋嘅合約都冇問題。」

電視廣播有限公司助理總經理（藝員管理及發展）樂易玲和製作部高級經理（非戲劇製作）何小慧一同接受訪問做出回應（本網記者攝）

表示香港小姐嘅合約經過公司好嚴謹審批（本網記者攝）

她亦表示：「有些佳麗本身同其它公司簽了約，不過佢哋可能都唔清楚知道自己簽咗咩，後尾先發現唔可以再同第三方再簽約，我哋都鼓勵佢哋處理咗自己嘅合約問題先，都有兩三個佳麗都有呢個問題。」

鼓勵佢哋處理咗自己嘅合約問題先，都有兩三個佳麗都有呢個問題（本網記者攝）

講起上屆有佳麗提到合約條款中有一條是即使沒有入圍，半年內也不能參與其它活動。樂小姐回應表示：「我記得佢哋簽咗我哋份合約，有3個月訓練期，呢3個月佢應該要好集中精神去訓練，之後到比賽當日都佔咗3至4個月時間，所以我哋有條例就係呢半年內入咗呢個訓練營，真的要比心機和盡力學習，將自己蛻變為更好嘅女仔，咁呢個都係為咗保障佢哋。」

講起上屆有佳麗提到合約條款中有一條是即使沒有入圍，半年內也不能參與其它活動（本網記者攝）

直言都係為咗保障佢哋（本網記者攝）

加強互動元素‧網民投票可影響最終三甲賽果？！

《2024香港小姐競選決賽》將於9月15日（周日）晚8點假將軍澳電視廣播城舉行，並於翡翠台現場直播。已進入倒數階段的《2024香港小姐競選》，大會今日再公布15強佳麗（1號陳紫佟Jessie、2號倪樂琳Ellyn、3號王汛文Candice、4號謝淑怡 Zoie、5號莊曉婷Kimmy、6號李曼思 Adria、7號秦冀雯Yvonne、8號盧凱怡Kerry、9號陳甜甜Rose、10號吳芷靖Clary、11號梁嘉莹Emily、12號鍾翠詩Tracy、13號程姜月Dolores、14號楊梓瑤Amina及15號俞可程Kanis）的官方晚裝照片。照片所見，一眾佳麗分別以桃紅、淡粉紅、淡黃、棗紅、蜜桃紅、湖水藍、紫紅、彩藍、鮮黃、Tiffany Blue、墨綠、鮮粉紅、紫色、紅色及深藍共15種不同色彩的高貴晚裝上陣，相當繽紛耀眼。另一特別之處是，15強佳麗身形均相當勻稱，大部分更是標準葫蘆身形，難怪被外界一致認為今屆佳麗質素很不錯。

今屆港姐除了破天荒全女班陣容呈獻盛典，今年的超強互動元素亦值得關注。為提高網民參與及投入度，大會今年其中一個宗旨是「港姐你有Say」，讓網民及觀眾僅透過參與以下三大步驟，就能有份投選心水佳麗及有機會贏取豐富獎品之餘，更有機會影響當晚決賽進程及賽果，相當刺激。第一步，由即日開始，全球網民可進入港姐投票頁面（https://tvb.app.do/mshk2024 ）投選「我最喜愛佳麗」，每人每次可投選1-3名心水佳麗，而投票截止日期，為決賽當晚的節目時段！之後即緊接進行終極階段投票，全球網民可參與決定今屆港姐冠軍，詳情稍後會正式公佈，密切留意！

15款不同顏色晚裝剪裁獨特盡顯葫蘆身段

15款不同顏色晚裝剪裁獨特盡顯葫蘆身段

15款不同顏色晚裝剪裁獨特盡顯葫蘆身段

投選「我最喜愛佳麗」

全球網民有機會參與港姐傳統答問環節

第二步，由即日開始，全球網民可於TVB各大官方平台，包括無綫官方FB專頁https://www.facebook.com/share/p/rbK3mDjjX4Jvr2si/、香港小姐官方FB專頁https://www.facebook.com/share/p/2vBPuHaw2nhpDvTC/ 、及香港小姐官方IG https://www.instagram.com/p/C_IvXYVic-D/ 留言，向15位佳麗提出各樣刁鑽提問或意見，當中別具創意、有趣或有意義的問題，將有機會被選用於決賽當晚由相關佳麗直接回應。

第三步，於決賽當晚，除了各大TVB網絡平台，myTV SUPER更會於節目直播期間開放Chatroom，讓觀眾即時留言互動，討論賽事，同時，於當晚佳麗才藝表演環節，更可於myTV SUPER直播Chatroom進行投票，一起參與今屆新增，100%由觀眾話事的「才藝女神大獎」投票！另外，今年港姐決賽，myTV SUPER更首度提供豎屏直播，為觀眾帶來全新觀看電視節目體驗！