Andy藉着新歌《免費升級》多謝一直支持他的家人。
黎展峯(Andy)全新廣東作品《免費升級》歌曲及MV今日(8月13日)上架。新歌是採用全新的音樂班底,是首次合作,包括作曲的台灣音樂人廖佑祥,填詞陳詠謙,編曲Pandora及監製廖志華。
點擊看圖輯
《免費升級》由Andy自身出發,正好呼應他剛經歷的一個迷惘期。
Andy坦言前排唔知點解自己個人冇咗團火,所以想做一隻比較熱血啲嘅歌曲。
新歌除了為自己打氣,同時希望鼓勵跟他一樣,生活中感到迷惘或意志逐漸被磨滅的人。
Andy推出新歌《免費升級》。
VIDEO
觀看相關影片按連結:https://youtu.be/HEczMZEmqNg
新歌的誕生及靈感,由Andy自身出發,歌曲正好呼應他剛經歷的一個迷惘期,「前排唔知點解自己個人冇咗團火,無論唱歌、演戲,都覺得需要好大好大嘅進步,所以同陳永謙講咗話想做一隻比較熱血啲嘅歌曲,於是直接用咗『熱血』呢個Terms等佢發辦,最後就有《免費升級》呢個誕生。所有歌詞、歌曲本身輕快嘅節奏都燃番起我心入面嗰團火,去繼續推動自己進步。」
《免費升級》由Andy自身出發,正好呼應他剛經歷的一個迷惘期。
Andy坦言前排唔知點解自己個人冇咗團火,所以想做一隻比較熱血啲嘅歌曲。
歌曲除了為自己打氣,同時亦希望鼓勵跟他一樣,生活中感到迷惘或意志逐漸被磨滅的人,「有時我哋嘅生活重重複複做同一樣嘢嘅時候,就會磨滅咗心入面嗰團火,又或者覺得生活過得好無聊、好渾噩,除咗身邊有好多人提醒你,其實你亦都係一個最好嘅角色去睇番起你自己、燃番起自己團火。正當係因為你自己睇起自己,自己去訓練嘅時候,係一樣免費嘅嘢,所以都希望大家可以藉住呢首歌去提醒自己,為自己提升,咁就可以免費升級。」
新歌除了為自己打氣,同時希望鼓勵跟他一樣,生活中感到迷惘或意志逐漸被磨滅的人。
Andy亦找來好友黃浚銘(Boris)及Shin拍攝MV,Andy表示這次是他找來最多人幫手拍攝的MV,當中最感謝的是他的fans,「有一個場景係講我有一個簽唱會,所有嘅fans都係睇住我由一開始出道,到而家我再燃番起自己團火,所以我覺得呢隻歌都係報答佢哋一路支持我。」
Andy的MV找來好友Boris及Shin拍攝。
MV中其中一個場景是簽唱會。
Andy感謝Fans的支持。
除此之外,Andy更藉着這首歌,多謝一直支持他的家人。Andy坦言雖然比較少跟家人傾心事,自己亦不多時間了解他們的生活,但經常感受到他們滿滿的愛,更眼濕濕謂:「佢哋會問我:『幾時有歌出呀?』、『幾時有嘢拍呀?』但我通常會:『呀,就嚟有啦、就嚟有啦。』好少分享一啲內心嘅感受俾佢哋聽,但係喺呢度都好想真真正正咁同佢哋講聲多謝,希望透過呢隻歌話到俾佢哋聽我慢慢成長緊,希望嚟緊可以做到更多嘅嘢去證明俾佢哋睇,佢哋個仔係可以照顧到自己。」
Andy亦藉着這首歌多謝一直支持他的家人。
不約而同推出新歌!
歌手黎展峯(Andy)、陳可瑩(Charlie)及唱作女歌手Anna hisbbuR昨日(9月4日)到新城接受T.MAX及JY主持的「Z世代咪高峰會」訪問,3位同期出道的歌手,不約而同推出新歌,Andy表示:「我首新歌《免費升級》係講升級自己心態,有時做嘢做得多會好苦悶或者無聊,但都要時刻提番起自己團火,帶畀大家正能量。」
黎展峯、陳可瑩、Anna hisbbuR現身「Z世代咪高峰會」訪問。
Andy提升心態。
而Charlie新歌《最佳食用日期》呼籲大家不要浪費時間,「意思想講,我年紀都唔細,所有嘢都唔可以等,例如約朋友出街,會成日講下次再約啦,但好快會冇咗件事,又或者想學某啲嘢,又會諗等下次有錢先,但真係唔好等,想做就去做。」
Charlie想做就做!
Anna克服恐懼。
左起:Anna hisbbuR、黎展峯、陳可瑩
至於Anna hisbbuR則宣傳歌曲《I go to school by bus》,她透露自小已不喜歡上學,高中乘坐巴士期間,曾有段時間十分恐懼,過程更出現幻覺,所以她將這些經歷在MV內呈現出來;Anna hisbbuR亦直認恐懼是源於自己,「因為驚面對群眾,係天生特質,不過做咗藝人之後,多咗做創作就舒服好多,唔使咁刻板。」
黎展峯、陳可瑩、Anna hisbbuR現身「Z世代咪高峰會」訪問。
詳細節目內容,請重溫9月4日,下午4-5時,新城知訊台《Z世代咪高峰會》,網址:https://www.metroradio.com.hk/MetroInfo/