限量黑膠見面會 李幸倪：今年剩返幾個月，要繼續衝埋佢

Gin親手送上簽名黑膠唱片

昨日（1日）Gin Lee李幸倪到位於銅鑼灣羅素街的英皇娛樂期間限定概念店「0 e:ffect Concept Store」，為推出限量七吋黑膠唱片舉行見面會。

Gin Lee李幸倪到位於銅鑼灣羅素街的英皇娛樂期間限定概念店「0 e:ffect Concept Store」

同自己合照

其實早於活動前幾日，Gin專登到concept store將全部限量黑膠簽名，認真愛錫fans。見面會當日，首一百位訂購唱片的幸運粉絲一早到場排隊，等待Gin親手送上簽名黑膠唱片。Gin好奇問到：「我問佢哋屋企有黑膠唱片機咩？佢哋有啲話冇，有啲就話因為呢隻黑膠，所以會專登去買番部黑膠唱片機，好感動呀，好多謝佢哋嘅支持。」現場所見，歌迷十分有秩序地排隊，Gin除了送上黑膠，亦逐一跟歌迷合照，當時亦有不少顧客於concept store內，當見到Gin除了十分開心，更大叫：「真係見到明星呀！」十分搞笑。送完一百張黑膠後，fans們聚集於店外不肯離去，加上不少途人駐足圍觀，場面熱鬧，隨後Gin便走到透明櫥窗的Busking位置跟大家say hello及多謝大家出席支持，最後便跟全場來個大合照。事後Gin表示：「頭先企喺Busking位，其實係同啲fans好近距離，只係一塊玻璃之隔，近到有啲fans伸手出嚟同我隔住玻璃掂住隻手，好搞笑。同埋其實我喺企裏面係完全聽唔到出面嘅聲，佢哋口擘擘咁樣，好得意，有試過想讀唇㗎，但搞唔掂，哈哈。」她又謂現在充滿電回到工作崗位，「跟住落嚟就要繼續做新歌，今年剩返幾個月，要繼續衝埋佢。」

首一百位訂購唱片的幸運粉絲一早到場排隊

現場歌迷亦有秩序排隊

CinLee逐一與歌迷合照

親自送上黑膠

GinLee感謝大家支持

另外，黑膠唱片收錄了《Dum Dum（I’m Not Dum Mix）》及《企好》兩首作品，Gin表示特別揀選了這兩首歌放於黑膠中，對她來說別具意義，「兩首都係上年嘅作品，兩首無論喺音樂排行榜同頒獎禮上都得到好好嘅成績。《Dum Dum》係我嚟到公司後第一首歌，亦都係第一首五台冠軍歌，曲風同影像同以往好唔同，發掘到另一個面向嘅自己。歌詞又好洗腦啦，啲人以為歌名係『肯定就是你』，哈哈。至於《企好》係第二首五台冠軍歌，所以特別有意思。」

Gin Lee李幸倪日前跟今年樂壇男新人曾傲棐（Arvin）開啟「學校巡迴運動比賽」，首站二人到九龍塘真光中學進行羽毛球比賽，劉若寶（Polly）擔任主持。

Gin Lee與Arvin開啟「學校巡迴運動比賽」。

Polly擔任主持。

比賽共有三個回合，第一回合是Gin跟Arvin分別跟一名學生各自組隊，進行雙打比賽中；第二回合Gin跟Arvin繼續對戰，不過數增加到四對四；最後一個回合，Gin跟Arvin組成「EEG All Star隊」對戰「真光隊」進行雙打，總成績將會計入「龍虎榜」，二人將會遊走各區學校巡迴，巡迴比賽完結後，Gin跟Arvin便會到獲得最高分的學校唱歌表演。

比賽共有三個回合。

第一回合是Gin跟Arvin分別跟一名學生各自組隊雙打。

第二回合數增加到四對四。

最後一個回合則是Gin跟Arvin組成「EEG All Star隊」對戰「真光隊」進行雙打。

為了爭取兩位歌手到校演出，真光隊派出羽毛球校隊成員出戰，希望爭取勝利﹐不過當日打的羽毛球是放大版，最後EEG隊險勝。平時做開gym、行山的Gin賽後表示：「琴日學校雖然派出羽毛球隊迎戰，有少少淆底。我即刻喺側邊練吓波、攞吓個感覺。因為我哋打呢個唔係一般嘅羽毛球，唔係咁簡單，哈哈，可能平時唔叻就會ok handle到，平時好叻嗰啲反而會俾你一個巨型嘅羽毛球同埋球拍耽誤咗，所以我哋就誤打誤撞險勝，贏咗少少。」而有打開籃球的Arvin自爆有秘密練兵，「前排有條癮想打吓羽毛球，又真係約咗朋友出嚟打。就當係秘密練吓兵啦。」

EEG隊最後險勝！

比賽時間正值lunch time，雖然眾人於三十四度高溫下作賽，但同學們都在場外落力為大家打氣，氣氣熾熱。Gin跟Arvin均表示未有在曝曬的情況下影響發揮，Gin笑言：「絕對冇！冇發揮就係最好嘅發揮。」Arvin坦言靠隊友carry，「當然下次有番冷氣，我嘅表現應該會出眾啲。」

比賽時間正值lunch time，同學們都在場外落力為大家打氣。

這次的校園比賽，二人都謂勾起學生時代熱血的回憶，Gin回想起自己在田徑隊及排球隊時的訓練，「都係烈日當空、冇怨言咁樣去訓練，所有嘅skills都係咁樣每一日用血汗換返嚟，好多呢啲好開心嘅回憶。」Arvin亦想到以前學校鐘聲一響便衝到籃球場打波，「打到身水身汗又上返去課室晾番乾個人，成日都會因為咁樣攝親。嗰日完全有番嗰種青春揮灑汗水嘅感覺。」

Gin和Arvin不停為同學們簽名然及合照。

Gin和Arvin不停為同學們簽名然及合照。

Gin和Arvin不停為同學們簽名然及合照。

接下來二人將會繼續四出向各學校「挑機」，Gin坦言希望她的出現可以令學生們感受到她為他們打氣，「因為我覺得而家學生嘅壓力實在太大，所以我哋出少少綿力去幫佢哋打氣，呢個都好緊要。賽後感受就係下次我會記得搽防曬㗎啦唔該晒，哈哈。」

Gin表示希望她的出現可以令學生們感受到她為他們打氣。

Arvin則謂本來以為這些玩具羽毛球會「好流」，「點知冇錯真係好流，但係原來好流嘅係我。第一次玩都真係有啲手腳唔協調，但係唔緊要，我會返去偷偷地練習再返嚟復仇、一雪前恥㗎啦！同埋同學們嘅熱情、笑容真係好有感染力。」至於比賽主持Polly，於比賽完結回到家後，即頭暈兼嘔吐，「仲有啲腳步浮浮，我諗我應該中咗暑，哈哈，之後都即刻飲番多啲水，瞓番一晚就冇事啦。」

主持Polly曝曬中暑。