每逢佳節倍思親。
資深演員及武術指導徐少強9月15日傳出本月初於北京因食道癌而病逝,終年73歲。一對仔女徐偉棟、徐頴堃其後向外界確認爸爸的死訊,並透露正與家人處理爸爸的身後事。適逢今日(9月17)中秋節,二人都在社交平台悼念爸爸。

徐少強於本月初在北京因食道癌病逝,享年73歲。

徐少強與一對仔女徐頴堃、徐偉棟。
繼徐頴堃在IG Story分享張學友歌曲《你是我今生唯一傳奇》留言:「I Love You.」憑歌悼念爸爸後,徐偉棟沉澱過後亦於今日凌晨在IG Story貼出徐少強留着長髮、英氣十足望向鏡頭的照片,配上任賢齊的歌曲《心太較》、酒杯Emoji及「老竇來生再聚」,短短六字勝過千言萬語。

徐頴堃在IG Story憑歌悼念父親。

徐偉棟亦在IG Story悼念爸爸。
徐頴堃貼在IG貼出與爸爸的合照,並分享早年與爸爸在中秋節的對話,來電顯示:🖤大俠爸爸🖤『一陣一齊食飯啦,有啲嘢攞俾你。』心諗:爸爸送咩俾我呢?一到食飯,爸爸隨意攞咗一個迷你月餅出嚟。『今日中秋,意頭。』『我哋影幅相留念呀!』『有咩好影呀?…(心虛)其實係劇組送但食唔晒,所以攞舊俾你!』『It’s ok 係你人生第一次送月餅俾我,所以特別珍貴。』『為咗表示回禮,我煲咗湯俾你飲。』爸爸嘗試掩蓋他那見牙不見眼很甜的笑容。我遞上熱湯,你不作一聲地喝了一口,『幾甜喎。』『係好甜呀 Daddy!因為係我煲㗎!』『中秋節快樂』#2021中秋#第一次收你的月餅#第一次煲湯給你喝#亦是最後一次了」。

徐頴堃在中秋節貼出與爸爸的合照。

並分享早年與爸爸的對話。

徐頴堃當時煲了湯給爸爸飲。