曾比特盼新歌為樂迷釋放負能量。
曾比特（Mike）接受新城《國語力》主持T.MAX訪問，Mike的新歌《Talk to me》一上榜便連續兩星期成為《國語力排行榜》冠軍歌，他開心表示：「多謝我公司同家人，我會繼續努力。呢首歌係我今年第一首全新單曲，亦係人生中第一首國語歌，希望大家聽完首歌後會覺得心頭一暖，將內心不好的事釋放出去。」
曾比特新歌《Talk to me》連續兩星期成《國語力排行榜》冠軍。
Mike指觀眾都期望看到狀態好的藝人，故不能將自己不好或負面的一面呈現出來，「呢樣好重要，既然呢啲唔好狀態唔可以畀人睇到，惟有放喺心入面，但我哋心入面擺咗好多嘢，可能未必咁容易釋放出嚟，有時甚至唔記得，所以我希望接落嚟呢首歌，後面嘅album都會朝住『給予能量』呢4個字去做。」
問Mike是否一個喜歡表達的人？他笑言：「唔算係，我工作嘅時候有好多話要講，但靜落嚟時，就鍾意自己一個匿喺到做嘢，可能做家務、做運動、寫歌，比較鍾意沉靜。」
盼新歌為樂迷釋放負能量。
曾比特接受新城《國語力》訪問。
提到《Talk to me》MV拍得十分漂亮，Mike透露MV在長沙取景，而且拍攝時間超長，「因為前一日我喺長沙有工作，原本想夾時間拍MV但夾唔到，最後直接喺長沙拍，我哋係凌晨4點拍到第二朝8點，拍足16個鐘。」
曾比特新歌《Talk to me》 連續兩星期成新城《國語力排行榜》冠軍
Mike曾比特近日推出2024年首隻個人單曲《Talk To Me》，亦是他第一首國語作品，他表示：「呢首歌係希望以一個安慰、比啲能量大家，作為前題下創作嘅一首歌。」
Mike近日推出新歌《Talk To Me》。
Mike接受《巴士的報》訪問。（本網記者攝）
Mike指，歌名叫《Talk To Me》，是代表每個人都需要一個「Me」，即是一個人去傾訴，他認為每個人生活上或多或少會有些壓力或鬱結，但沒有方法或地方去好好發洩，日積月累下，內心入面就會有好多垃圾積聚，「所以今次推出呢首歌嘅原因都係因為希望將每一位聽眾內心嘅垃圾得以清除咗，有時你搵唔到有個人傾訴嘅時候，你會咁啱諗起一首歌『cause i be here talk to me』，你就會諗起一句咁嘅歌詞，咁你就會覺得好似有人支持你。」
Mike IG圖片
Mike IG圖片
VIDEO
觀看相關影片按連結：https://youtu.be/WduNI4GT-uE
雖然新歌是鼓勵人們面對困難時不要獨自承受，要勇敢與他人分享自己的情緒，但Mike自言不擅長「Talk to人」，並笑言自己平日是「Talk to小動物」，而自己排解鬱結心情的其中一個方法就是唱歌，Mike說：「我以前經常性無嘢做或者多嘢諗就練歌囉自己係度，我覺得練習係一樣好好嘅嘢，無論練歌也好，練樂器也好，可能甚至係一啲技能上嘅嘢去練習，我覺得係練習嘅過程，你會清空咗你個腦袋，你會好foucs做呢樣嘅時候，慢慢入面好多嘢，可能你覺得唔好嘅嘢就會唔見咗。」
本網記者攝
Mike笑言自己平日是「Talk to小動物」。
愛犬Waffle
在過去兩年，Mike積極開拓內地市場，憑真人騷《聲生不息》在內地人氣急升，之後又曾參與《披荊斬棘2》，以及多個不同的綜藝節目，Mike謙虛的表示：「又唔可話發展嘅，無論咩地方都繼續努力啦！」他指在內地活動與香港最大的分別是，他可以與來自不同地方，例如台灣、馬來西亞的歌手合作，每個地方的歌手都各有特色，會令人意想不到，並舉例他最近參加了真人騷《下一戰歌手》，裏面有內地、台灣及馬來西亞的歌手，大家在音樂上都會有不同的想法，「同我一齊玩得最多嘅就係艾薇，佢係一個好搖滾嘅一個女孩子，但佢個人嘅反差都好大，我覺得都好有趣！」
Mike憑真人騷《聲生不息》在內地人氣急升。
Mike在《下一戰歌手》中與艾薇合作。
Mike是選秀節目《全民造星II》出身，而在內地參加的綜藝節目大多都是歌唱比賽的模式，相比起當年參加《造星》，他覺得他在唱歌和面對人方面都有進步，而現在的他亦比以前更加放鬆，「（依家）身邊就係同我一樣做緊歌手嘅人，大家都係玩音樂嘅時候，相對個氛圍就比較直接同簡單啲，因為以前比賽你可能係擅長跳舞，佢會擅長做呢樣、佢會擅長做嗰樣，咁嗰件事可能大家共同嘅話題未必真係咁多，咁當然後期大家都係一齊為同一個目標去努力啦，咁但係呢個節目（《下一戰歌手》），好多唔同嘅節目都係，更加多大家一齊去Jam歌、一齊去唱歌，大家研究首歌點唱，嗰件事就變得直接同簡單。」
Mike IG圖片
本網記者攝
Mike亦從前輩身上學到對歌手這份職業的態度，而面對同輩，他就覺得最緊要大家玩得開心，「大家玩得埋，我覺得好似交朋友咁樣。如果你話學到啲咩特別，我學到最特別一樣嘢就係，我學到唔同嘅話。」Mike還即場示範馬來西亞和閩南話，又笑言其他就「唔講得」。
本網記者攝
曾比特因內地音樂真人騷《聲生不息》與林子祥和葉蒨文結緣。
Mike IG圖片
Mike近年主力在表演上，推出的作品數量較少，他透露來年亦會出更多歌，而今次推出個人首隻國語單曲《Talk To Me》是一個project的起步，有計劃推出國語專輯，其他計劃就要睇公司，但他好希望可以演唱會，但前題是要儲多此歌，「我希望趁住呢段時間追返，可以推出到，催迫自己去真係有唔同嘅作品出嚟。」提到近年很多歌手都會合作開拼盤show，Mike即笑言：「我個人嚟講係樂意，所以有嘅話記得搵我！」
本網記者攝
Mike：
