近日，一張在屋邨幼稚園門外泊滿「BB車龍」的照片在網絡上引發熱議。網民在Threads上分享，並在帖文中疑惑地問道：「常態？而家返幼稚園的人太細？細到唔識行？」
unsplash示意圖
網民調侃：細路對腳係裝飾？
這張照片迅速引起網民熱烈討論，有人對現今家長過度依賴BB車表示不解，甚至調侃道：「呢個年代好多細路對腳都係用嚟裝飾，小學仲坐BB車返學都唔少啦......」亦有網民分享親眼所見：「喺地鐵見過5、6歲小朋友坐BB車！仲唔只一次。有時諗，而家啲小朋友真係矜貴。」
Threads截圖
家長反駁：BB車係救命草！
然而，不少家長紛紛留言反駁，強調BB車對家長來說是「救命草」。有家長解釋，小朋友放學後容易疲倦，BB車不僅能讓孩子休息，還能讓家長騰出雙手處理其他事務，「當你湊住一件2-3歲...又要去買餸，買日用品，又怕佢瞓，BB車係救命草來」、「你有冇試過抱10幾20kg米行返屋企？仲有好多係屋邨長輩照顧呢」、「唔好話N班，有K1嘅細B小朋友，放咗學會攰，再者人哋屋企未必住到同幼稚園咁近嫁，攰起上嚟阿媽要抱住又拎書包，好大機會買完餸等小朋友放學，有架車除咗比小朋友瞓吓覺，大人放下嘢，唔好成日咩嘢都要網絡公審啦。」
unsplash示意圖
網民呼籲：做人要有同理心
最後，有網民呼籲大家要對他人多一份理解：「做人要有同理心同底線，呢個世界唔係全部人都係supermom，同完美小孩，亦都有好多自閉兒童需要坐BB車，呢D細路有權利接受教育。」
unsplash示意圖
