在澳門選舉結束後，港澳系統大執位，香港中聯辦主任張曉明將接替退休的王光亞，出任港澳辦主任。而澳門中聯辦主任王志民，就接任香港中聯辦主任，有關任命將公布。
消息出街後，繼續有「中國問題專家」評論張曉明主責港澳辦後，會繼續走強硬路線，打擊港獨云云。
不過有熟悉北京情況的人士話，呢啲「中國問題專家」仲係用緊三十年前那一套分析，將所有中國事情都視為權力鬥爭，這些「專家」過去一直話張曉明係強硬派，王光亞係溫和派等等。佢哋將所有事情都套上呢種分析，見到張曉明批評港獨，就話只是佢個人意見，甚至話佢誤導中央。
佢話呢的權力鬥爭分析，誤判形勢，將國家政策看成「強硬派的個人意見」，甚至一廂情願期望換走咗個強硬派，中聯辦就會變軟。佢地呢啲過時分析講得多，本地傳媒、政黨、甚至特區政府官員都有人相信，結果就錯判形勢。以這些角度作中國分析，只是隔山打牛。
佢話任何人來香港做中聯辦主任，都要大力打擊港獨，無論張曉明做也好，王志民做也好，並沒有分別。若果連這點都睇唔到，以為換人後有空子可鑽，最後會跌得好痛。
政海探密_王惟微
** 博客文章文責自負,不代表本公司立場 **
