最近美國西南部受到特大颶風吹襲，其中德州的休斯頓成為重災區。在電視上見到這段新聞，不其然地想起一位朋友，我們就稱他為王先生吧。我認識王先生，主要係佢幫我的書店買太極書同dvd。幫襯我書店買太極書嘅人其實唔少，點解會同王先生成為朋友呢？主要係佢陸陸續續買咗幾千蚊的太極書同dvd，刀槍拳棍，門派五花八門，可以講係應有盡有，而且款款不同。咁就引起我嘅注意啦。

某次我趁王先生打電話問我同事有乜好介紹嘅時候，就同佢傾傾。我問佢，「買咁多太極書同碟，送人嗎？」王先生話，「唔係，係買來自己學嘅。」我問，「點解買晒所有門派呢？好多人都係跟人學，而且都係學一個門派。」佢答得都幾妙，佢話好想學太極，有晚去到維園，見到好多人耍緊太極，他就喺旁邊睇。跟住有幾個講唔鹹唔淡、太極高手模樣嘅人塞俾佢好多宣傳單張，又話自己係大陸乜門乜派嘅太極名師，專程來香港教太極，問佢有無興趣學。當講到學費，原來一個月起碼要過千蚊，心諗，學一年咪要萬幾銀？咁貴，都係諗諗先。

他話喺書店見到太極有好多門派，都唔知由邊度學起好？剛好上網時見到我們書店（www.exvv.hk），就睇睇又乜選擇，發現有書、有dvd，亦有書連碟，套路同派別有好多，而且都好平，計計條數，去維園學太極三個月嘅學費，已經可以買到一百幾十本太極書同dvd啦。喺屋企慢慢睇慢慢學，咪重化算？真係學唔識，至搵師傅啦！佢買下買下，就買咗幾千蚊的太極書同碟。

我有時幫佢搵下國內有乜新書同新碟，傾傾下就成為朋友。熟落咗之後，有次他約我出嚟飲茶，原來他喺旺角開中藥舖，傾傾下，發現佢嘅數口真係好得。唔單止學太極識慳錢，投資買樓仲勁。2010年佢仔仔去美國休斯頓讀大學，佢見到休斯頓喺金融海嘯之後樓價大冧，平到嚇人，就買咗兩個平房，一個俾仔仔住，一個放租。佢話，「一間千多呎嘅平房至賣10萬美元，喺香港買個車位都唔得啦，點解唔買呀？」事實證明，王先生計數真係好得。依家，侯斯頓最平嘅平房都講緊要30萬美元以上，買兩間，幾年就執咗40萬美元啦！

太極書可以在這裡買到：https://goo.gl/pp8EFK




ReadChat

** 博客文章文責自負,不代表本公司立場 **