《ERROR自肥企画》繼續炸生啤 193反串動漫女角驚為天人

生啤死得好慘啊！

自稱「宇宙天團」嘅男子組合ERROR玩騎呢深得重口味觀眾歡心，但演藝成績唔及MIRROR，但自193勇敢表達對大台意見後IG Follower急升至差唔多24萬勁過姜濤，搞到《ERROR遊》系列及《ERROR自救TV》重新被追捧，人人話正，特別前者炸ViuTV吉祥物Sound Bear（生啤）一幕，網民紛紛爆粗讚好。

觀看相關影片按以下畫面：

下周一（5月3日）播出的《ERROR自肥企画》首集繼續貫徹ERROR無厘頭作風，一出場即惡搞日本動漫角色，其中193更以女裝動漫造型現身，戴粉藍色假髮着短裙，古怪但又好襯完美嘅193。

ERROR惡搞日本動漫角色。

193好靚呀。

此外，ERROR亦邀得「Double S」沈殷怡、陳欣妍，以及組合P1X3L客串。至於Fans好關心嘅炸吉祥物環節當然唔會冇啦，新聞稿發相見到ERROR，又見到Sound Bear，然後 Sound Bear爆炸， ERROR嚇親，正呀喂。

沈殷怡有份客串。

仲有個樣同以前爭好遠嘅陳欣妍。

P1X3L都有份客串。

Hi Sound Bear。

Bye Sound Bear。

之後ERROR進行首個「自肥」遊戲，各人要從四面特製牆壁中揀選其中一面，再以高速奔跑衝破牆壁，當中只有一人能成功避開牆後的顏料池，奪得港幣1000元現金獎，跳起Yeah。

4個黐線佬。

首個「自肥」遊戲，四人高速奔跑衝破牆壁，當中只有一人能成功避開牆後的顏料池。

Fatboy還為新歌MV親自設計可愛公仔！

近期抽盲盒公仔成為一個潮流，人人都迷上了，就連梁業（Fatboy）都是中毒者！他甚至迷得推出新歌《MASCOT》，自己更在MV中以一身Mascot打扮示人。

Fatboy推出新歌《MASCOT》。

「Mascot」有公仔、吉祥物的意思，近期大熱的Labubu便是mascot，這亦是Fatboy近期的至愛，於是由此出發，創作出《MASCOT》一曲，Fatboy道：「我呢期比較鍾意Labubu，歌曲就係inspired by佢喇！而家都好多人鍾意買公仔，或者身上嘅飾物，都會有mascot，所以今次嘅內容，係講有隻mascot陪伴你，就會好開心。」

Labubu是Fatboy近期的至愛，於是由此出發，創作出《MASCOT》一曲。

《MASCOT》由T-Ma作曲，新鮮出爐金馬影后鍾雪填詞，當中道出了Fatboy希望傳遞的快樂訊息，而歌曲風格亦從90年代的一些經典金曲中取經，Fatboy續道：「我哋ERROR玩開復古嘢，今次就會有少少似Aqua《Barbie Girl》嘅Disco EDM Music多啲，另外亦參照咗我偶像郭富城《Para Para Sakura》嘅少少feel，成首歌有少少似同隻mascot互動玩嘅感覺。」

Fatboy希望借歌傳遞的快樂訊息。

不少人都鍾意mascot，Fatboy在《MASCOT》MV中亦為大家帶來驚喜，有不同大小的mascot登場，他介紹：「MV除咗我嘅打扮似一隻mascot之外，我都特登設計咗一隻mascot，佢雙眼矇矇地，但其實佢都係一隻惡魔，呢隻mascot叫做Arthur，又名阿花。MV 場景仲多咗兩個293嘅物體，佢其實係平時啲吹氣公仔，佢嘅movement同193嘅movement係一樣，所以我叫佢做293。」

《MASCOT》MV中有不同大小的mascot登場。

Fatboy為新歌特登設計了一隻mascot。

這隻mascot叫做Arthur，又名阿花。

之前ERROR《黃金聖衣》中的濟典娜成為MV一大驚喜，今次Fatboy同樣邀請到猛人參與！他笑著說：「今次請唔到濟典娜過嚟，但就搵咗阿部濟，又或者叫佢做濟八通，今次佢客串擔演說書人 ，喺入面串連故事，但其實佢都係值得被欺淩嗰個。濟哥今次嘅造型，係一個破格嘅演出，你知啦！佢成日笑ERROR扮鬼扮馬，今次俾佢扮喇！」

觀看相關影片按連結：https://youtu.be/WUFX2-Y6d0E

看過《MASCOT》MV，或者會覺得整個製作，以至Fatboy的舞步都有暴走感覺，不依正軌發展，亦與Fatboy平時型爆的舞技截然不同，他自己也坦言：「今次係偏向得意但未必係最靚最可愛嘅類型，但都希望大家鍾意《MASCOT》啦！」

新歌的舞步都有暴走感覺。

與平時型爆的舞技截然不同。