有男網民於討論區發文指，與任職iBanker（投資銀行家）的女友月薪差距達5倍。即使女友沒有嫌棄，但該網民亦感到自卑，覺得自己「食軟飯」無尊嚴，不禁嘆息，「今世點努力應該都追唔到佢一半」，帖文引起網民熱論。
設計圖片
該男網民於「連登討論區」發文指，自己任職一間證券行的職員，月薪約2萬元，而女友任職ibank，月薪高達10萬元，面對5倍的收入差距，樓主亦坦言感沉重的壓力。雖然女友不介意他人工高低，「佢話唔介意錢多錢少」，惟樓主卻感自卑，「低人工顯得男人好廢柴」，又擔心日後的差距只會愈來愈大，「今世點努力應該都追唔到佢一半」。
設計圖片
樓主又透露指，女友是經父親的朋友介紹，並指女友喜歡他「夠誠實，感情專一，會錫佢」，且兩人價值觀相近，女友平日都會到茶餐廳吃飯或自己煮食。惟月薪的差距始終是一大阻礙，令樓主感難以接受，「過唔到自己個關，唔想成世畀女友騎住，畀人話食軟飯，活得好無尊嚴」、「佢咁高人工家境又好，我覺得我高攀唔起」。
設計圖片
帖文引起網民的熱論，有網民表示現時男女平等，籲樓主毋須過於介懷，「樓主唔好諗太多，女友唔介意就得，出街食飯等你畀返錢，唔好使佢錢，唔好亂諗嘢，如果唔係就散硬，你覺得條路難行就放低啦」、「人哋唔care咪得，與其自卑不如好好戀愛」、「佢同得你一齊已經唔介意你人工，相反如果你介意又點解要一齊，所以唔好諗咁多」。
設計圖片
有網民表示與樓主感同身受，「其實好多人唔明但我明，仲要明明無使佢錢，好多時畀多啲，但個個都話你或覺得你食緊軟飯，抬唔起頭做人」。
資料來源：連登討論區
