大家有冇發現，每當一齣電影或劇集，劇情失控到冇辦法自圓其說嘅時候，編劇總會出動鎩手鐧——就係愛呀。愛可以穿越時空；愛可以化解仇恨；愛可以拯救宇宙；愛可以跨越生死。
憑着愛，我信有出路。
今集《聲生不息》嘅主題，繼續係「一生所愛」，而成晚嘅焦點，就落咗喺葉蒨文唱出嘅《憑着愛》身上。
盧冠廷作曲、潘源良填詞嘅《憑着愛》，係電影《群龍戲鳳》嘅主題曲。原唱係蘇芮，但之後有好多唔同版本，阿Lam林子祥都翻唱過。
至於Sally今晚唱出呢個版本，就夾雜咗阿Lam嘅激昂同Sally嘅柔情，感覺煥然一新。而呢首歌背後更加有洋蔥，原來Sally係為亡母而唱，難怪份外有感覺。
聽到有啲掛住霸戲媽添。
霸戲哥
** 博客文章文責自負,不代表本公司立場 **