洪嘉豪唱黑玻璃泣不成聲 張敬軒送上柏克萊音樂學院課大禮

洪嘉豪演唱會來到尾場，張敬軒現身做嘉賓

洪嘉豪《保誠保險呈獻 洪嘉豪 Kaho Live 2024》演唱會來到尾場，張敬軒現身做嘉賓，並且送上大禮，為他報讀了美國知名音樂學院 Berklee College of Music 一年的音樂線上課程，令嘉豪(Kaho) 又驚又喜，坦言會努力去修讀，不令軒公失望。

洪嘉豪《保誠保險呈獻 洪嘉豪 Kaho Live 2024》演唱會來到尾場

14日晚演唱會來到尾場， Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動，氣氛是由一開場已經hit爆，當軒公升台出現時，更把全場氣氛推上最高潮，叫喊聲核爆紅館，兩人合唱了《青春告別式》 +《 逆時車站》之後互相擁抱， Kaho 向軒公表示，「軒哥，我真係好多謝你，做人嘅嘢，講得出做得到，上次我話我上到紅館我會請返你，我做到啦！」軒公 :「  我從來冇質疑過！」全場即報以熱烈歡呼及掌聲。

Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動

與fans互動！

氣氛是由一開場已經hit爆

張敬軒現身做嘉賓

上次我話我上到紅館我會請返你，我做到啦！」軒公 :「 我從來冇質疑過！」

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了，「嗰個放左學嘅波牛，來搵佢媽咪(軒公前經理人)收工，同我一齊食飯嘅佢，今晚已經係男神一樣。今日重同我講話自己好驚好震，但一升台佢就已經Prince Charming 咁啦，係咪？」全場報以熱烈歡呼認同聲音。

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了

軒公又話，「唔知幾時開始，去紅館做嘉賓，呢幾年興送禮，今日我都帶咗份禮物嚟，既然你成日話我似你哥哥，做哥哥就梗係要供書教學，所以我幫你安排咗個學位！」此語一出，不單 Kaho嘩然，全場亦跟著嘩嘩聲。軒公繼續道，「喺我人生之中，我覺得最大最大遺憾係我冇好好讀書，讀唔到大學或者一啲我鐘意嘅藝術課程、平面設計呀咁，所以我幫你報讀咗... 呢間學院嘅online課程！全場即報以大笑及掌聲歡呼， 軒公: 「我從來冇諗過呢個係笑位....哈哈，呢件係真事嚟㗎！」你哋唔好笑，我好認真㗎，呢個課程係有証書㗎！上堂時間係2024年秋天！亦都唔會擔誤到你幕前工作，因為上堂時間係美國時間，香港凌晨！」然後把報讀課程的報名認證文件給Kaho看，又說，「你睇下個銀碼，係咪似八位數字....」Kaho及全場都即時嘩嘩聲，軒公就笑道，「唔係 ，我blur 左個報讀價錢啦，我一共同你報左五個課程，全個證書上堂上到 2025年冬天。你望下我用咗個咩名幫你註冊埋學校個網站？」Kaho望著讀出來 :「  kaho study great great great …」，軒公即時笑道，「你做咩讀晒出嚟，一陣比佢地炸爆你個email 啦！佢真係好天真架！」繼而全場大笑，他再叫 kaho，「你睇下我幫你set 左個咩 password先.... 都係有意嘅....你讀出嚟....」kaho今次學乖了笑道，「我唔讀出嚟啦！password喎.....」軒公「怕咩，password你可以自己再改嘛。」kaho對著軒公笑道: 「我依家一講完，就即刻俾人改左啦，你真係天真呀你！軒哥！」引爆全場笑蛋。

為他報讀了美國知名音樂學院 Berklee College of Music 一年的音樂線上課程

然後把報讀課程的報名認證文件給Kaho看

Kaho 及後認真向軒公感謝及承諾，「我會好好讀書，祝我學業進步！」又反問軒公，讀完有冇畢業帽？軒公就話，「呢個課程同真係去大學返學係一樣，甚至讀嘅嘢比去波士頓讀更多，你讀哂嘅頂畢業帽，我送俾你！」全場又即報以熱烈歡呼聲。之後，軒公獨唱了「 隱形遊樂場」才返回觀眾席繼續欣賞kaho的演出。

Kaho 及後認真向軒公感謝及承諾，「我會好好讀書，祝我學業進步！」

此外當晚Kaho與戰車一同升台唱《黑玻璃》，唱到大半，突然情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。事後他於台上向觀眾解釋，「頭先個哭泣，你哋唔明，我要講下， 其實噚晚第一場，大家睇片可能覺得冇乜嘢，但係我覺得自己做得好差好差， 去到《黑玻璃》之後，我簡直係唔想再唱，唔想再上台， 但係今日我覺得自己唱得好好，點解尋日我會咁，好激氣。 

Kaho與戰車一同升台唱《黑玻璃》

情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。

第二，點解我寫咁多歌，《黑玻璃》會咁紅？我唔知咩運氣，令我出到呢首歌又再接紅館演唱會、我想要架車上台，又俾我做到.....我想講今晚《黑玻璃》我想好好哋唱，但係我真係忍唔住....尋晚我返到屋企，我同阿媽講，個個都叫我 enjoy，但係我冇一刻enjoy到！我好失望，成個騷唔知自己做緊乜嘢，我媽同我講，「Enjoy？你返緊工呀！」所以我真係要好多謝我屋企人，我父母，我細佬。」因為觀眾熱情 Kaho一共encore兩次，為滿足歌迷訴求，他終於唱了《自問自答》和自己改詞惡搞的《 黑司機》，令歌迷興奮萬分最後欲罷不能，又再一次出來跟歌迷一齊大合唱《主角光環》演唱會才結束。

又再一次出來跟歌迷一齊大合唱《主角光環》演唱會才結束。

不少圈中好友也有前來捧 Kaho場，繼有 : MC 張天賦、周柏豪、Dear Jane 、Gareth.T、Kiri T 、Nancy Kwai、張蔓姿、Zpecial、moon tang、Byejack、 陳健安、Serrini 、Fatboy、Marf、Ka Ying、細貓、Gordon Flanders、姚卓菲Chantel、Beanies 、阿Gi 樊沛珈、米媽及Mic 周卓盈等等。

姚焯菲Chantel

Marf

Dear Jane

大合照！

陳蕾、Kaho與Jeffrey雖然是首度同台演出，但同樣唱出水準與默契。

由Katch音樂娛樂平台主辦，Visa及港鐵冠名贊助《KATCH OUR LIFE 陳蕾 x 洪嘉豪 x 魏浚笙 音樂會》，於昨晚（11月16日）假亞洲國際博覽館Arena舉行，陳蕾Panther、洪嘉豪Kaho及魏浚笙Jeffrey首度同台演出，但三人不論以個人或小組形式演繹不同作品，同樣唱出水準與默契。

《KATCH OUR LIFE 陳蕾 x 洪嘉豪 x 魏浚笙 音樂會》昨晚於亞博Arena舉行。

陳蕾、Jeffrey及Kaho分別以《娛樂人生》、《失約巴黎》及《謎之微笑》為音樂會揭開序幕，即辣㷫全場觀眾，歡呼聲此起彼落，接著三人就如之前事先張揚所講，在今次音樂會作出不少新嘗試，他們首先挑戰了搖滾曲風，Kaho除了與陳蕾對唱《神的不在場證明》外，也rock爆演繹鐵樹蘭《遊戲．遊戲》，至於Jeffrey則揀選了台灣樂隊東城衞《夠愛》，配上一身裝束，一副壞孩子的模樣，而陳蕾自彈自唱《0.1秒後的世界》，也一貫的型格十足，十分吸睛。

陳蕾

Kaho與陳蕾對唱《神的不在場證明》。

曲風一轉，三人帶領觀眾進入情愛音樂世界。Jeffrey演繹《第一個迷》後，他與Kaho首度合唱二人的新歌《我感覺到》及《還原淚》，盡現Bromance與合拍度，然後陳蕾登台與Kaho四手聯彈合唱《我想和你好好的》，再唱出好友的《逆時車站》後，Jeffrey再次登場唱出未曝光新歌《孤獨美食家》，從甜蜜到哀愁，三人遊走於不同的情愛幻象之間，而這幻象亦延續至《漫天星》、《黑玻璃》、《老積》、《我懂》、《窮小子》、《傢俬》、《跟你分擔失落比較快樂》多首作品中，三人罕見的混合對唱，叫觀眾萬分驚喜，感覺夢幻。

Jeffrey與Kaho首度合唱二人的新歌《我感覺到》及《還原淚》

陳蕾與Kaho四手聯彈。

一直渴望挑戰跳唱的陳蕾、Kaho與Jeffrey ，在今次音樂會也齊齊一展舞技，在《我的世界地圖》、《伸縮自如的愛》及《我說不可以》中，三人合力載歌載舞，震撼全場。經過接近一個半小時的交叉合作後，陳蕾特別分享對於今次三人合作的感想，「其實有好多唔同類型crossover嘅show， 但我哋今次希望可以多啲合作，少啲單獨solo環節，所以綵排階段瘋狂見到佢哋兩個，而我係好開心，好希望借助今次音樂會，將我哋三個唔同類型嘅音樂風格可以多啲融入，彼此互相唱自己歌曲中未必有嘅曲風。」

Kaho、陳蕾、Jeffrey

三人合力載歌載舞。

而昨晚rock爆的Kaho也表示：「我冇乜機會俾人知細個我聽呢啲rock歌大，我把聲係由細到大嗌成咁，但冇傷，因為識用聲就唔會傷。」而Jeffrey則一臉正經感性道：「我想借呢個機會，多謝你哋兩個，因為真係好開心，同你哋排嘢，大家一齊做到一件事嘅感覺，係好難得。」Kaho也表示自己很久沒有做過這麼享受的音樂會，所以也十分感謝兩位好拍檔。去到音樂會尾聲，三人一同送上《五瓣玫瑰》、《海邊的呀豪》、《Never Say Never》及《相信一切是最好的安排》，期間他們在台上邊「飇車」邊合唱，玩得忘我之餘，更令歡樂氣氛傳遍全場每一個角落。

Jeffrey、陳蕾、Kaho

陳蕾、Jeffrey

三人在台上邊「飇車」邊合唱。

不過觀眾們都耳猶未盡，encore聲不絕的情況下，陳蕾、Kaho及Jeffrey再次上台，Kaho特別提及他與Jeffrey的情誼，道：「我同Jeffrey拍戲相識，但點解會做咗好兄弟呢？緣於我哋喺化妝間係咁唱謝霆鋒、陳奕迅嗰啲歌，發現雖然佢細我7年，但唔知點解會聽埋一樣嘅歌。」說罷Jeffrey及Kaho便先後送上陳奕迅《1874》及《及時行樂》。

由於Kaho講起年紀，陳蕾也情不自禁自爆：「Jeffrey講過，你幾多歲開始睇我比賽？」Jeffrey即說：「唔好講幾多歲啦！《亞洲星光大道》。」Kaho這時也參與這個回憶殺，問陳蕾：「你嗰陣時嗰啲係叫絲襪，還是襪褲？你個眼影又點化出嚟？髮型係點樣set？」這時Jeffrey再一次強調自己是小六便看陳蕾比賽，陳蕾直言：「如果你唔係靚仔，你死咗㗎喇！」。此時，Kaho即爆料道：「我哋喺綵排室綵排嘅時候，Jeffrey自己喺個房中心，對住啲空氣起舞，跳完之後，我同Jeffrey講，如果你唔係靚仔，你死咗㗎喇！」

陳蕾、Jeffrey、Kaho

隨後Kaho再爆一件「趣事」，「陳蕾為呢個show撞崩牙！佢喺綵排室同我一齊練《我想和你好好的》，嗰陣我哋仲未研究到點樣放兩支咪大家唱歌又彈琴，佢就用腳去撩支mic stand，點知撩下撩下就俾支mic stand撞崩牙。」不過陳蕾迅即去補牙，最終都以靚樣參與今次演出，而經過一番爆料後，在陳蕾唱過《凡星》後，音樂會也曲終人散。

演唱會圓滿結束。

是次《KATCH OUR LIFE陳蕾 x 洪嘉豪 x 魏浚笙 音樂會》，KATCH特別預留門票予協康會及保良局青年服務部門，讓不同階層年青人及家長入場觀賞，將好音樂、正能量得以散播開去。

Jeffrey、陳蕾、Kaho

Jeffrey、陳蕾、Kaho

陳蕾