吳若希分享扮靚秘訣 自信直播騷蠻腰

力推美容療程，驚艷帶貨女王

吳若希（Jinny）憑劇集主題曲《越難越愛》人氣一躍而升，婚後誕下一子一女，一家四口過著美滿生活，但 Jinny 亦不忘事業心，更跳出歌手本業化身演員，接拍多套電視劇集，形象鮮明破格，同樣引起不少熱話迴響！

吳若希早前獲邀與 Mixx Collection 帶貨女王 ViVi 一同現身於社交平台大玩直播

吳若希早前獲邀與 Mixx Collection 帶貨女王 ViVi 一同現身於社交平台大玩直播，介紹多款嶄新科技美容療程，她更以背心 Top 造型登場，展示健康性感美，讓網民大飽眼福！

以背心 Top 造型登場，展示健康性感美，讓網民大飽眼福

主播 ViVi 與吳若希一見如故，笑言「Roll 機」前兩位已大談美容經，ViVi 更大讚：「Jinny 真人皮膚好白滑，又高又瘦，生咗兩個小朋友都好 fit！我好羨慕！」。平日吳若希會於社交平台大方「曬靚相」，加上近日忙於準備佛山演唱會，積極分享運動與「做 Facial」日常，因此見她肌膚狀態極佳！Jinny 自己也於直播提及自己凍齡 keep fit 秘訣：「做女人一定要勤力！我都好勤力做唔同嘅 Treatment（美容療程）。其實我肚仔仲有啲贅肉，要做機幫忙再 firm （結實）啲。」

自信直播騷蠻腰

湊囝女不忘積極工作 直播分享美容心得

網民唔俾面覺得似爸爸多啲！

藝人吳若希（Jinny）跟老公何兆鴻（Alex）婚後育有一女一子，兩公婆相處相當有趣，Jinny經常在社交平台公審老公，俾人惡妻形象，不過面對小朋友就冧滋滋，本月3日是細仔Kylian的生日，她為囝囝搞了蜘蛛俠主題的生日派對。

Jinny與Alex育有一對仔女。

為一對仔女盡心盡力

4日Jinny在社交平台分享多張慶生照，Kylian打扮成蜘蛛俠，蛋糕也是蜘蛛俠的造型，Jinny攬實囝囝錫錫，她直指囝囝似自己：「我成日都同其他人講，你好似我！但係大家見到你對眼，都話你比較似爸爸...其實搏啜（囝囝乳名）嘅人撇除對眼之外，面形、反應、笑點~都係似我多啲，你哋睇吓對笑笑眼先啦！」
 

Jinny在社交平台分享多張慶生照

囝囝變身蜘蛛俠

蛋糕都係蜘蛛俠

肉緊錫錫

她大感時光飛逝：「話咁快就四歲啦，明明之前見到你仲係好大嚿肉，點解最近瘦咗咁多？長咗咁多？希望你繼續開心地成長，繼續錫身邊嘅人，將來成為一個有承擔有責任感嘅男孩」，不過不少網民就覺得囝囝同爸爸似樣，就連蔣家旻都好唔畀面：「係呀，我都係覺得似爸爸。」